أم و جدة ريفية جميلة عندها سبع أبناءو 12 حفيد و حفيدة

كل ما كان يجلها حد من أولادها أو أحفادها وشه باين عليه علامات القلق و الخوف

زى ما الأهل بيقولوا دايماً " شكله عامل عملة"

كانت تبتسم و من غير ما تتكلم تشاورله " تعالى "
و كان فى بيتها كرسى كبير بأيدين مريح فى القاعدة

تشاور عليه و تقوله " اقعد على كرسى الفضفضة و قول اللى يجى فى بالك من غير تفكير”

يقعد الابن أو الحفيد… و يبص فى عيون والدته أو جدته

يلاقى وشها عليه سماحة و فى انتظاره يتكلم عشان تسمع

تفضل تسمع و لا تقاطع… يعترف الأبن أو الحفيد

بخطأ ارتكبه أو موقف ضايقه

بعد ما يخلص حكى …

تبدأ تسأله بهدوء …
عن مشاعره… عن يفتكر مين فى رأيه اللى غلطان
ممكن يكون دا حصل ليه ، و ازاى الموقف دا لا يتكرر

بعد أقل من نص ساعة على كرسى الفضفضة الجميل اللى فى بيتها اللى زى شيزلونج الطبيب النفسى بس Home Made

يخلص الموضوع … و يحصل التعلم لثلاث خطوات
١- الأعتراف بالخطأ
٢-معرفة الدرس من الموقف
٣- عدم تكرار الخطأ

ما أجملك أم و جدة ريفية بسيطة ، لم تدرس مبادىء التربية الايجابية
و طبقت أكتر من اداة

1- Listen
2- Validate feelings
3- Ask not tell
4- mistakes are opportunities for learning

كل أبنانها و أحفادها لما بيتعرضوا لموقف أو خطأ فى الحياة بيروحوا بحب و رضا.. يقعدوا على كرسى الفضفضة و يفتحوا قلوبهم و عقولهم

✅الخلاصة

لو اولادنا بيخافوا يقوللنا على أخطاءهم
أو بيكرروا أخطائهم مراراُ و تكراراً … يبقى احنا السبب مش هم

نتأمل قصة و خطوات هذه الأم و الجدة الريفية الجميلة
و نصحح و نعدل مسارات تفكيرنا و تصرفاتنا فى توجيه اولادنا لتعامل مع الأخطاء
#نصائح_تربوية
ريهام سمير