La tehzen

''ሂጃብ ነው ውበትሽ''

ቢስሚላሂ ብዬ፣በስሙ ልጀምር
ለአላህ ይገባው፣ምስጋናና ክብር

ያሄራዋ እህቴ፣የያዝሽው ውብ መንገድ
የአላህ ሰላምታ፣በአንቺ ላይ ይውረድ

እስቲ ትንሽ ስሚኝ፣እንመካከር
ስለሂጃባችን፣እኛው እንዘክር

ባለንበት ሀገር፣በአሁኑ ዘመን
እኛን ለፈተና፣ሞልቶአል ሚጋብዘን

መሰልጠን እያሉ፣ብሎም እኩልነት
እርቃናችን እንድኔድ፣ይለፋሉ በእውነት

እኛ ግን እህቴ፣ከቶ አንሰማቸውም
የመጣው ቢመጣ፣ሂጃብን አንተውም

ምራቅ ቢተፉብን፣በምላስ ቢዘልፉን
እንዳንቀሳቀስ፣መንገድ ቢዘጉብን
አንቺ ድንኳን ለባሽ፣የተጨኮንሽ ቢሉን
ብሎም ለመኮነን፣አሸባሪ ብለው እኛን ቢሰይሙን
ቆራጥ ይሁን አቋማችን፣ያሉትንም ይበሉን
አድምጭኝ እህቴ
ሙስሊም በመሆንሽ፣ሂጃብ በመልበስሽ
ከስራ ከትምህርት፣ካገር ቢያስወጡሽ
አብሽር አትዘኚ፣ፈፅሞ አይክፋሽ
ሁሉንም ተመልካች፣አራህማን አለልሽ

ይልቅ ብለሽ በይው

አትንካው ሂጃቤ፣የኔነቴ አርማ
የፈገግታዬ ምንጭ፣የውበቴ ግርማ
አላህ ነው ያዘዘኝ፣አርሃመ ሩሃማ
ከቶ አልሰማህም፣አትምጣ በሱማ

በአራህማን ትእዛዝ፣አልደራደርም
እምነቴን ሆኜ እንጂ፣አስመስዬ አልኖርም

ኢስላሜ ድንቅ ነው፣ውድ አርጎ ይዞኛል
በሂጃብ ሸፍኖ፣ከመጥፎ አርቆኛል
ሳልሞት ከመቀበር፣ኢስላም አድኖኛል
አልሃምዱሊላሂ፣አላህ አልቆኛል
ከአይን በሽታ፣እሱ ሰትሮኛል
ደግሞም ሲያድለኝ፣ሙስሊም አድርጎኛል

በይው አስደንግጭው፣ከቶ አታድምጭው
ሊገልሽ ሲመጣ፣ቀድመሽ አንቺ አምልጭው

እናማ እህቴ፣እኔ የምነገርሽ
በሙሉ ኩራት፣ልበሽው ሂጃብሽ
እርቃንሽ አትውጪ፣ለሰው ወሬ ብለሽ
ሂጃብ ነው ውበትሽ፣ሂጃብ ነው ህይወትሽ
በዱንያም በአሄራም፣ነፃ የሚያወጣሽ
ከፈጠረሽ አላህ፣የሚያስታርቅሽ
አው እሱ ብቻ ነው፣ጀነትን ለማግኘት ሰበብ የሚሆንሽ
ካንቺ በላይ ባላውቅ፣አውቄም ባልሰራ
የምነግርሽ ይህ ነው፣ሂጃብሽ አደራ

እርቃንሽ አትውጪ፣ለብሰሽ ብጣቂ ጨርቅ
እንደ ሻኛ አይቁ፣ይውረድ ፀጉርሽ ይውደቅ

ልበሽው ጅልባብሽ፣ደርቢው ኒቃብሽ
እመኚኝ እህቴ፣እሱ ነው ውበትሽ
ደብቂው ውብገላሽ፣ያ ጅብ እንዳይበላሽ
ባመረ መሳይ ቃል፣እንዳይሸነግልሽ
የጠቀመሽ መስሎ፣በቁም እንዳይቀብርሽ

ለሂጃብ ስትለፊ፣ወድቀሽ ስትነሺ
አላህ ዘንዳ ላንቺ፣ጂሀድ ነው አትርሺ
የትላንት ጀግኖች፣ሶሀቦች አስታውሺ
የነሱን አርአያ፣ፈለግ ተላበሺ

በሂጃብ አብቢ፣በሂጃብ ድመቂ
በሱ ተሰተሪ፣በሱ ተደበቂ
አምረሽ እንድትታይ፣ሂጃብን አጥልቂ
ጀነት እንድታገኝ፣ሂጃብን ጠብቂ

አላህ ይሰትረን፣እኔንም አንቺም ንግግሬን ቋጨሁ
ወቢላሂ ተውፊቅ፣አሰላሙ አለይኩም ወራህመቱላሂ ወበረካትሁ

بنت قمر

55 views04:49