La tehzen

▣አቡ ሁረይራ ረድየሏሁ ዐንሁ ▣
┈┈•••✿❒🌹❒✿•••┈┈

ክፍል 1⃣
❒❒🌹❒❒

" አቡ ሁረይራ ለሙስሊሙ ህብረተሰብ (ኡምማ ከ 5374 በላይ ሐዲሶችን ጠብቆ አቆይቷል።" (የታሪክ ሊቃውንት)

ዐን አቢ ሁረይረተ ረድየሏሁ ዐንሁ ቃለ፣ ቃለ ረሱሉሏሂ ሰለሏሁ ዐለይሂ ወሰለም...."

በዚህ ሀረግ አማካኝነት ከኢስላም የመጀመርያ ታሪክ አንስቶ እስከ አሁን ድረስ በቢሊዮን የሚቆጠሩ ሙስሊሞች አቡ ሁረይራ የሚለውን ስም ሊለምዱት ችለዋል። በንግግሮችና በትምህርቶች፤ በጁምአ ኹጥባወችና በአውደ ጥናቶች፤ በሐዲስ፤ በፊቂህና በታሪክ መጽሐፍት አቡ ሁረይራ የሚለው ስም በዚህ መልኩ ይጠቀሳል።

በእሳቸው አስደናቂ ጥረቶች አማካኝነት በሺወች የሚቆጠሩ ሐዲሶች (የረሱል ሰ.ዐ.ወ ንግግሮች) ለቀጣዩ ትውልድ ተላልፏል። በሐዲስ ዘጋቢወች መዝገብ ውስጥ የእሳቸው ስም ዝርዝር ግንባር ቀደም ነው። ከእሳቸው ቀጥሎ አብደላህ ኢብን ዑመር ረ.ዐ፣ አነስ ኢብን ማሊክ ረ.ዐ፤ ኡሙል ሙእሚን አዒሻ ረ.ዐ፣ ጃቢር ኢብን ዐብደላህና አቡ ሰኢድ አልኹድሪይ ረ.ዐንሁም ከአንድ ሺህ በላይ የሚሆኑ ሐዲሶችን እና ገቢር እንቅስቃሴዎች ለትውልድ አስተላልፈዋል።

አቡ ሁረይራ እስልምናን የተቀበሉት እሳቸው የሚገኙበት ደውስ የተባለው ነገድ መሪ በሆነው ጡፈይል ኢብን ዐምር አማካኝነት ነው። የደውስ ጎሣ አባላት ይኖሩ የነበሩት በደቡብ ዐረቢያ የቀይ ባህር ዳርቻን ተከትሎ ባለው ክልል ውስጥ ነው። ጡፈይል ነብዩን ሰ.ዐ.ወ ከተገናኘና በእሳቸው ተልዕኮ የመጀመርያ አመታት ውስጥ ሙስሊም ከሆነ በኋላ ወደመኖሪያ ሰፈሩ በተመለሰ ጊዜ ጥሪውን ከተቀበሉት የመጀመሪያወቹ ሰወች አቡ ሁረይራ አንዱ ነበሩ። በድሮ እምነታቸው ላይ ለረጅም ጊዜ ችክ ብለው እንደቆዩት አብዛኞቹ የደውስ ተወላጆች አልነበሩም።

ጡፈይል በድጋሚ መካ በሄደ ጊዜ አቡ ሁረይራም ረ.ዐ ተከተሉ። እዚያም የተከበሩትን ነብይ ሰ.ዐ.ወ የማግኘት ክብርና ዕድልን ተጎናፀፉ። ረሱል ሰ.ዐ.ወ "ስምህ ማነው? ሲሉ ጠየቁት እሳቸውም "ዐብዲሸምስ-የፀሀይ ባርያ ብለው መለሱ። ረሱል ሰ.ዐ.ወ ከዚህ ይልቅ ዐብዱረህማን ብትባልስ አሉት።
"እሺ የአላህ መልእክተኛ ዐብዱረህማን ይሁንልኝ" በማለት መለሱ።

ይሁንና አብዱረህማን ይበልጥ የሚታወቁት "አቡ ሁረይራ" በሚለው ቅፅል ስም ነው። የቃሉ ቀጥተኛ ትርጉም "የድመት አባት" ማለት ሲሆን ስያሜውን ያገኙት ድመቶችን ይወዱና ከልጅነታቸው ጀምሮ አጫዋች ድመት ያረቡ ስለነበር ነው።

አቡ ሁረይራ ለበርካታ ዓመታት የቆዩት በጢሀማህ ሲሆን ከሂጅራ በኋላ በሰባተኛው ዓመት መጀመሪያ ላይ ነበር ከሌሎች የጎሣቸው አባላት ጋር ሁነው መዲና የገቡት። በዚያ ጊዜ ነብዩ ሰ.ዐ.ወ ወደ ኸይበር ዘመቻ ሂደው ነበር። አቡ ሁረይራ ረ.ዐ ምግብና ሌሎች መሰረታዊ ቁሳቁሶች ስላልነበሯቸው ከ "አህለስ ሱፋህ" ሰወች ጋር ተቀላቀሉ ማረፊያቸውንም መስጊድ አደረጉ። ልጅም ሚስትም አልነበራቸውም።

ይሁንና ከሙሽሪክነት (አጋሪነት) ያልተላቀቀችው እናታቸው አብራቸው ነበረች።

አቡ ሁረይራ ረ.ዐ ምግብና ሌሎች መሰረታዊ ቁሳቁሶች ስላልነበሯቸው ከ "አህለስ ሱፋህ" ሰወች ጋር ተቀላቀሉ ማረፊያቸውንም መስጊድ አደረጉ። ልጅም ሚስትም አልነበራቸውም።ይሁንና ከሙሽሪክነት (አጋሪነት) ያልተላቀቀችው እናታቸው አብራቸው ነበረች። እናታቸው ሙስሊም እንድትሆን በፅኑ ይመኙና ዱአ ያደርጉላት የነበረ ቢሆንም ማንገራገሯ አልቀረም።

አንድ ቀን በአንድ አላህ ብቻ እንድታምንና የአላህንም ነብይ እንድትከተል ሲመክሯት ስለነብዩ አንዳንድ ቃላትን ተናገረች። አቡ ሁረይራ እጅግ አዘኑ። ዐይናቸው እንባ እንዳቀረረ ወደ ረሱል ሰ.ዐ.ወ ሄዱ። ረሱልም " አንተ አቡ ሁረይራ ለመሆኑ ምን ያስለቅሳል?" አሉዋቸው። እናቴ እናቴ ኢስላምን እንድትቀበል ከመገፋፋት ወደ ኋላ ብየ አላውቅም። እሷ ግን ሁልጊዜ በንቀት ትቃወመኛለች። ዛሬም እንደገና ብነግራት የማልወዳቸውን ቃላቶች ከእርሷ ሰማሁ። የአቡ ሁረይራ እናት ልብ ኢስላምን ለመቀበል እንዲገራ ሁሉን ማድረግ ለሚችለው አላህ ሱ.ወን ይለምኑልኝ ሲል አቡ ሁረይራ ረ.ዐ ረሱልን ሰ.ዐ.ወ ተማፀኑ

ረሱል ሰ.ዐ.ወ የአቡ ሁረይራን ጥያቄ በመቀበል ዱአ አደረጉላት። ከዚያ በኋላ ስለሆነው አቡ ሁረይራ ረ.ዐ ሲናገሩ "ወደ ቤት ስሄድ በሩ ተዘግቶ አገኘሁት። የሚቀዳና የሚፈስ ውሀ ድምፅ ሰማሁ። ወደቤት ለመግባት ስሞክር እናቴ "አንተ አቡ ሁረይራ እዛው ቆይ" አለችኝ። ከዚያ ልብሷን ከለበሰች በኋላ ግባ አለችኝ ገባሁ "ከአላህ በስተቀር በሀቅ የሚገዙት ሌላ አምላክ እንደሌለ እመሰክራለሁ፤ ሙሀመድ የእሱ አገልጋይና መልእክተኛ መሆኑንም እመሰክራለሁ" በማለት ቃሏን ሰጠች።

ቀደም ብየ በሀዘንና እያለቀስኩ እንደሄድኩት ሁሉ አሁን ደግሞ የደስታ እንባ እያፈሰስኩ ወደ ነብዩ ሙሀመድ ሰ.ዐ.ወ ተመልሸ ሄድኩና "የአላህ መልእክተኛ ሆይ፣ የምስራች ዜና አለኝ። አላህ ሱ.ወ የርሰወን ዱአ ተቀብሎ የአቡ ሁረይራን እናት ወደ ኢስላም መርቷታል አልኳቸው።

አቡሁረይራ ረ.ዐ ነቢዩን ሰ.ዐ.ወ ሲበዛ ወደዷቸው። ውለታ ለመክፈልም ፈለጉ። የፀኃይን ጨረር ሁሉ የያዘ የሚመስላቸውን የነብዩን ሰ.ዐ.ወ ፊት ማየትና ንግግራቸውን ማዳመጥ በጭራሽ ሰልችቷቸው አያውቅም ነበር። ላገኙት መልካም ዕድል ዘወትር አላህን ያወድሱትና ለራሳቸው "አቡ ሁረይራን ወደ ኢስላም ለመራው አምላክ ምስጋና ይገባው። ለአቡ ሁረይራ የነብዩን ሰ.ዐ.ወ ጓደኝነት እንዲያገኝ ለረዳው አምላክ ምስጋና ይድረሰው" ይሉ ነበር።

አቡ ሁረይራ ረ.ዐ መዲና ከደረሱበት ወቅት ጀምሮ እውቀት ለመሰብሰብ ልባቸውን ክፍት አድርገው ነበር። የረሱል ሰ.ዐ.ወ ታዋቂ ጓደኛ ዘይድ ኢብኑ ሳቢት ረ.ዐ የሚከተለውን ተናግረዋል፦ አቡ ሁረይራ እኔና ሌላ ጓደኛየ መስጊድ ውስጥ ዱአ እያደረግን ሳለን ረሱል ሰ.ዐ.ወ መጡ

111 views19:07