សេចក្តីប្រកាសព័ត៌មាន

រាជធានីភ្នំពេញ, ថ្ងៃទី២៧ ខែកញ្ញា ឆ្នាំ២០២៥៖
លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណៈជន អ្នកសារព័ត៌មានជាតិ និងអន្តរជាតិមេត្តាជ្រាបថា៖

នៅព្រឹកថ្ងៃទី២៧ ខែកញ្ញា ឆ្នាំ២០២៥ វេលាម៉ោងប្រមាណ ១១:៥២នាទី យោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជា ដោយបានបាញ់កំាភ្លើងត្បាល់និងកាំភ្លើងដៃជាច្រើន គ្រាប់មកតំបន់មូលដ្ឋានកងទ័ពកម្ពុជានៅតំបន់អានសេះ។ កងទ័ពកម្ពុជាបានឈរគោលការណ៍អត់ធ្មត់ខ្ពស់និងមិនបានតបតទៅវិញទេ។ រហូតមកដល់ម៉ោងនេះ ភាគីថៃនៅបន្តបាញ់ប្រហារមកលើកងទ័ពកម្ពុជា មិនទាន់បញ្ឈប់នៅឡើយទេ។

កងកម្លាំងរបស់កម្ពុជា សូមបញ្ជាក់សាជាថ្មីនូវការប្តេជ្ញាចិត្តយ៉ាងម៉ឺងម៉ាត់ ក្នុងការគោរព និងការអនុវត្តនូវកិច្ចព្រមព្រៀងបទឈប់បាញ់រវាងកម្ពុជានិងថៃ ឱ្យបានពេញលេញនិងខ្ជាប់ខ្ជួនបំផុត ដោយបន្តសហការគ្នាឱ្យបានជិតស្និទ្ធនៅគ្រប់កម្រិត និងស្វែងរកកិច្ចសហប្រតិបត្តិការជាក់ស្តែង សំដៅលើកកម្ពស់សន្តិភាពនិងស្ថិរភាពរវាងប្រទេសទាំងពីរ ក៏ដូចជាការវិលត្រឡប់ទៅរកប្រក្រតីភាពឡើងវិញឱ្យបាន ឆាប់រហ័ស និងអំពាវនាវឱ្យភាគីថៃអនុវត្តនិងគោរពឱ្យបានម៉ឹងម៉ាត់ដូចគ្នា។
_

🌐 គេហទព័រ ក្រសួងការពារជាតិ
🌐 ក្រសួងការពារជាតិ
🌐 TEA Seiha/ទៀ សីហា
🌐 X(Twitter): ក្រសួងការពារជាតិ
🌐 YouTube: ក្រសួងការពារជាតិ
🌐 Tiktok: ក្រសួងការពារជាតិ

🚨BREAKING: ក្រសួងការពារជាតិ៖ ថៃបើកការបាញ់ប្រហារចូលដែនអធិបតេយ្យកម្ពុជាជាថ្មី នៅតំបន់អានសេះ, មកទល់ម៉ោងនេះមិនទាន់បញ្ឈប់ឡើយ! ២៧ កញ្ញា ២០២៥

កងកម្លាំងយើង នៅសមរភូមិជួរមុខទាំងអស់ បានត្រៀមកម្រិតខ្ពស់បំផុត ដើម្បីវាយបកសត្រូវឈ្លានពាន ពេលទទួលបានបទបញ្ជា! សូមបន់ស្រន់ និងជូនពរម្នាក់មួយម៉ាត់ផង! ២៧ កញ្ញា ២០២៥!

យើងសូមទាត់ចោលទាំងស្រុង ចំពោះការផ្សាយរបស់កាសែតថៃ ដែលចោទថា កងទ័ពកម្ពុជា បានបាញ់ចូលថៃមុន។ ទាហានថៃ ជាអ្នកបាញ់ចូលទឹកដីកម្ពុជាមុន នៅតំបន់សមរភូមិអានសេះ។

២៧ កញ្ញា ២០២៥។

Admin សូមបញ្ជាក់ប្រាប់បងប្អូនយើងឲ្យបានដឹង ពាក់ព័ន្ធនិងរូបភាពឬក៏វីដេអូរបស់ទាហានយើង មានជាប់លេណដ្ឋាន និងសភាវុធ គឺ Admin មិនផ្សាយទេ។
សូមអរគុណ!🙏❤️🇰🇭👮‍♂️

ត្រឹមម៉ោង៣៖៣០នាទីនេះ សភាពការណ៍នៅអានសេះស្ងប់ស្ងាត់ ក្រោយទាហានថៃ បាញ់មកលើកងកម្លាំងយើងមុន ពីម៉ោង១១៖៥២នាទី ដល់ម៉ោងជិត១។ តែកងកម្លាំងយើង បន្តត្រៀមកម្រិតខ្ពស់បំផុត។
២៧ កញ្ញា ២០២៥