អធិការដ្ឋាននគរបាលក្រុងសំរោង សូមចូលរួមរំលែកទុក្ខយ៉ាងក្រៀមក្រំចំពោះ លោក អនុសេនីយ៍ទោ រ័ត្ន មុន្នី ដែលទទួលមរណភាព ដោយសារសង្គ្រាម

ក្នុងនាមថ្នាក់ដឹកនាំ និងមន្ដ្រីនគរបាលជាតិ នៃអធិការដ្ឋាននគរបាលក្រុងសំរោងទាំងអស់ សូមចូលរួមរំលែកទុក្ខយ៉ាងក្រៀមក្រំបំផុត ចំពោះមរណភាពរបស់ លោក អនុសេនីយ៍ទោ រ័ត្ន មុន្នី ឋានៈ មន្រ្តីប៉ុស្តិ៍នគរបាលរដ្ឋបាលអូរស្មាច់ នៃអធិការដ្ឋាននគរបាលក្រុងសំរោង ដែលបានទទួលមរណភាព នៅថ្ងៃពុធ ៥កើត ខែបុស្ស ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៤ ខែធ្នូ ឆ្នាំ២០២៥ វេលាម៉ោង ០០:១០នាទីរំលងអធ្រាត្រ ក្នុងជន្មាយុ ៣៦ឆ្នាំ ដោយសារសង្គ្រាម ពេលកំពុងចុះបេសកកម្ម ល្បាត ការពារសន្តិសុខ សុវត្ថិភាព ថែរក្សាទ្រព្យសម្បត្តិ និងផ្ទះសំបែង ជូនប្រជាពលរដ្ឋក្នុងមូលដ្ឋាន ពេលកំពុងភៀសសឹកទៅស្នាក់នៅទីទួលសុវត្ថិភាព ។

យើងខ្ញុំសូមបួងសួងដល់ដួងវិញ្ញាណក្ខន្ធលោក អនុសេនីយ៍ទោ រ័ត្ន មុន្នី សូមដល់ឋានបរមសុខ និងឆាប់បានយោនយកកំណើតក្នុងសុគតិភព កុំបីឃ្លៀងឃ្លាតឡើយ៕

ក្នុងថ្ងៃនេះ ពួកវាប្រើទាំង F-16 និង T-50 ទម្លាក់ចូលដីខ្មែរយើង៕
24-12-2025