BREAKING: កម្ពុជា-ថៃ ចាប់ផ្តើមសម្រួលកែសម្រួលយុទ្ធោបករណ៍ និងអាវុធធុនធ្ងន់ ចេញពីតំបន់ជម្លោះនៅព្រំដែន ត្រឡប់ទៅមូលដ្ឋានដើមវិញ

(ម៉ាឡេស៊ី)៖ នៅយប់ថ្ងៃទី២៦ ខែតុលា ឆ្នាំ២០២៥នេះ កម្ពុជា-ថៃ ចាប់ផ្តើមសម្រួលកែសម្រួលយុទ្ធោបករណ៍ និងអាវុធធុនធ្ងន់មួយផ្នែកនៃជំហានទី១ ក្រោមការសង្កេតការណ៍របស់ក្រុមអ្នកសង្កេតការណ៍អាស៊ាន AOT ចេញពីតំបន់ជម្លោះនៅព្រំដែន ត្រឡប់ទៅមូលដ្ឋានដើមវិញហើយ។

ការកែសម្រួលយុទ្ធោបករណ៍ និងសព្វាវុធធុនធ្ងន់នេះ បានធ្វើឡើងបន្ទាប់ពីកិច្ចព្រមព្រៀងសន្តិភាពកម្ពុជា-ថៃ ត្រូវបានចុះហត្ថលេខានៅទីក្រុងកូឡាឡាំពួ នាថ្ងៃទី២៦ ខែតុលា ឆ្នាំ២០២៥ ដោយសម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោក Anutin Charnvirakul នាយករដ្ឋមន្ត្រីថៃ ដោយមានការចូលរួមធ្វើជាសាក្សីពី លោក​ ដូណាល់ ត្រាំ ប្រធានាធិបតីអាមេរិក និងនាយករដ្ឋមន្រ្តីម៉ាឡេស៊ី ដែលជាប្រធានអាស៊ាន។

សម្ដេចនាយករដ្ឋមន្រ្តី ហ៊ុន ម៉ាណែត និងលោក Giovanni Vincenzo Infantino ប្រធានសហព័ន្ធកីឡាបាល់ទាត់ពិភពលោក(FIFA) បានជួបពិភាក្សាការងារក្រៅផ្លូវការមួយ។ ជំនួបនេះធ្វើឡើងក្នុងឱកាសចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នាទីក្រុងគូឡាឡាំពួ នៅព្រឹកថ្ងៃទី២៧ តុលា ២០២៥។

រូបពី: ហ្វេសប៊ុកសម្ដេច

🚨ព័ត៌មានក្តៅៗ: ការកែសម្រួលយុទ្ធោបករណ៍ និងដកអាវុធធុនធ្ងន់ ជំហានទី១ បានដឹកជញ្ជូនដល់ស្រុកបន្ទាយស្រី ខេត្តសៀមរាប ក្រោមការសង្កេតការណ៍របស់ក្រុមអ្នកសង្កេតការណ៍អាស៊ាន (AOT)

(សៀមរាប)៖ នៅព្រឹកថ្ងៃទី២៧ ខែតុលា ឆ្នាំ២០២៥នេះ យុទ្ធោបករណ៍ និងអាវុធធុនធ្ងន់មួយផ្នែក ដែលជាការកែសម្រួល ក្នុងជំហានទី១ ជានិមិត្តរូប ចេញពីតំបន់ព្រំដែន ត្រូវបានដឹកជញ្ជូនដល់ស្រុកបន្ទាយស្រី ខេត្តសៀមរាបហើយ ក្រោមការសង្កេតការណ៍របស់ក្រុមអ្នកសង្កេតការណ៍អាស៊ាន (AOT)។