ឯកឧត្តម ហ៊ុន ម៉ានី៖ ការប្រមាថលើ សម្ដេចតេជោ គឺមិនមែនត្រឹមជាការប្រមាថលើសម្តេចជាលក្ខណៈឯកជនដាច់ដោយឡែកនោះទេ ប៉ុន្តែវាជាការប្រមាថសម្រាប់ប្រជាជនកម្ពុជា

(ភ្នំពេញ) ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានបង្ហោះសារក្នុងគណនីរបស់ឯកឧត្តម នាថ្ងៃទី០៨ ខែតុលា ឆ្នាំ២០២៥ ដោយមានខ្លឹមសារថា៖ "ការប្រមាថលើ សម្ដេចអគ្គមហាសេនាបតីតេជោ ហ៊ុន សែន គឺមិនមែនត្រឹមជាការប្រមាថលើសម្តេចជាលក្ខណៈឯកជនដាច់ដោយឡែកនោះទេ ប៉ុន្តែវាជាការប្រមាថសម្រាប់ប្រជាជនកម្ពុជា៖

ទី១) ជាការប្រមាថពីជនបរទេសមកលើថ្នាក់ដឹកនាំកម្ពុជា ដែលក្នុងនាមជាជាតិសាសន៍មួយ គួរមានការកំណត់អោយច្បាស់ ថាជាអ្វីមួយ ដែលមិនអាចទទួលយកបាន មិនថាក្នុងអតីតកាល បច្ចុប្បន្ន និងតទៅអនាគត។ កម្ពុជា ជាកម្ពុជា ទោះមានចំណុចណាក៏ដោយជារឿងរបស់កម្ពុជា ដូច្នេះការប្រមាថរបស់បរទេសគឺមិនអាចទទួលយកបានទេ។

ទី២) ការប្រមាថលើ សម្តេចតេជោ ដែលជាតួអង្គប្រវត្តិសាស្ត្រមួយរបស់កម្ពុជាដែលបានលះបង់គ្រប់បែបយ៉ាង ដោយបាននាំកម្ពុជា ពីប្រទេស ដែលខ្ទេចខ្ទាំដោយសង្គ្រាម ពីបាតដៃទទេ មកកម្ពុជាមួយដែលយើងមានមោទនភាពដូចសព្វថ្ងៃនេះ។ សម្តេចតេជោ ជាឥស្សរជនដែលបានឆ្លងកាត់ ១០៥ សមរភូមិ ដាក់ជីវិត ជាដើមទុន ម្តងហើយម្តងទៀត ដើម្បីឱ្យប្រទេស និងប្រជាជនមានភាពសុខសាន្ត រហូតសព្វថ្ងៃនេះ និងជាថ្នាក់ដឹកនាំរបស់កម្ពុជាដែលមានការទទួលស្គាល់លើឆាកអន្តរជាតិសម្រាប់ភាពជាអ្នកដឹកនាំ ក្នុងកិច្ចការនយោបាយជាសាកល ដែលបានលើកស្ទួយ កិត្តិយស និងមុខមាត់របស់កម្ពុជា។

ទី៣) ឆាកជីវិតរបស់ សម្តេចតេជោ បានឆ្លងកាត់ការប្រមាថរាប់មិនអស់ ដោយឡែក លើកនេះដូចគ្នាដែរ ទោះទង្វើប្រមាថរបស់ជនជាតិថៃមួយចំនួនមកលើលោក ក៏ សម្តេចតេជោ នៅតែអំពាវនាវអោយប្រជាពលរដ្ឋខ្មែរទាំងអស់ ថែរក្សាភាពថ្លៃថ្នូរ មិនធ្វើសកម្មភាពណាដែលជាការប្រមាថដូចអ្វីដែលប្រជាជនថៃមួយចំនួនតូចបានធ្វើកន្លងមកនោះទេ។ ដូច្នេះសូមបងប្អូនប្រជាពលរដ្ឋគោរព និងចូលរួមតាមការអំពាវនាវរបស់ សម្តេចអគ្គមហាសេនាបតីតេជោ ហ៊ុន សែន ដើម្បីភាពថ្លៃថ្នូរនៃប្រជាជាតិយើង។

ទី៤) សម្រាប់បញ្ហាព្រំដែនកម្ពុជាថៃ សូមបងប្អូនជនរួមជាតិ បន្តចូលរួមគាំទ្រ និងផ្តល់ជំនឿទុកចិត្តដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងផ្តល់កម្លាំងចិត្តដល់វីរៈកងទ័ពដែលឈរជើងនៅតាមបន្ទាត់ព្រំដែន។ ដូច សម្តេចធិបតី ប្រមុខរាជរដ្ឋាភិបាល បានបញ្ជាក់ជាបន្តបន្ទាប់ កម្ពុជាចង់បានសន្តិភាព ដោះស្រាយបញ្ហាព្រំដែន ដោយសន្តិវិធីផ្អែកលើការចរចា និងច្បាប់អន្តរជាតិ ជាជាងការប្រើកម្លាំង។ ការអត់ធ្មត់របស់យើងជាជម្រើសយុទ្ធសាស្ត្រ និងល្អសម្រាប់យើងដែលអ្នកចង់បានសន្តិភាព។

ការគោរពចាស់ទុំ ជាពិសេស ឥស្សរជនដែលមានស្នាដៃជាប្រវត្តិសាស្ត្រសម្រាប់ប្រទេសជាតិ គឺជាការគោរពមិនសាបសូន្យសម្រាប់ខ្ញុំក្នុងនាមជាកម្មាភិបាលជំនាន់ក្រោយរបស់គណបក្ស និងជាទស្សនៈរបស់ខ្ញុំក្នុងនាមជាប្រជាជនខែ្មរមួយរូប។ នេះជាទំនៀមទម្លាប់ប្រពៃណីដ៏អស្ចារ្យរបស់ប្រជាជាតិខ្មែរយើង"។

#CambodiaWantsPeace
#JusticeForCambodia
#Cambodianeedpeace
#TruthFromCambodia
#ThaiLawOnCambodianSovereignty
#ទាហានថៃបានអនុវត្តច្បាប់ថៃនៅលើទឹកដីខ្មែរ

🚨*មេដឹកនាំថៃ 🇹🇭 កំពុងលេងសើចជាមួយកម្ពុជា ប្រយ័ត្នសេដ្ឋកិច្ចខ្លួនឯងដាំក្បាលដួលរលំ និងវ័ណ្ឌក កម្ពុជានិយាយមែនធ្វើមែន និយាយតិចធ្វើច្រើន កុំច្រឡំឱ្យសោះ ចូរកុំភ្លេចថា សម្តីមេដឹកនាំខ្មែរ គឺជាអាវុ.ធដ៏មុតស្រួច និងអាវក្រោះដ៏ពិសិដ្ឋដល់ប្រជាជនខ្មែរ ដើម្បីតតាំងនឹងភាពគឃ្លើន (បែបរវើរវាយ អវិជ្ជា និងស្រមើស្រមៃ) របស់សៀ.ម ឥតរាថយឡើយ។

ប្រជាជនខ្មែរ 🇰🇭 កំពុងឈឺចាប់នឹងទង្វើសៀ.ម ពួកចោរសៀ.មឯងលេងសង្គ្រាមចិត្តសាស្ត្រខុសជាតិសាសន៍ហើយ ជាតិសាសន៍ខ្មែរ ពូជសាសន៍ខ្មែរជាង ១៧លាននាក់ ចំនួនតិចមែន ប៉ុន្តែ ភាពស្រុះគ្នារវាងរដ្ឋាភិបាល និងប្រជាជន គឺស្មើនឹង ១០០លាននាក់ អាចបំបាក់សៀ.មឱ្យបាក់ស្រុតបាន។

នាពេលដ៏ខ្លីខាងមុខនេះ សៀ.មនឹងអាម៉ាស់ នៅក្រោមការដឹកនាំរបស់ «សម្តេចតេជោ» និងចារឹកជាក្រាំងប្រវត្តិសាស្ត្រថ្មីរបស់ «សម្តេចធិបតី» ប្រទេសកម្ពុជា ដាច់ខាត មិនចរចាបើកព្រំដែនជាមួយនឹងសៀ.មឡើយ ទោះបិទព្រំដែន ១០០ឆ្នាំទៀតក៏ដោយ 🇰🇭❤️🙏🏻💐 (Smeyy)

*ដោយក្តីគោរពអំពីយើងខ្ញុំជា ប្រជាជនខ្មែរ គោរពដឹងគុណសម្តេច🙏🏻