ថ្ងៃនេះជា ថ្ងៃទី១០៥ហើយ ដែលវីរកងទ័ពកម្ពុជាចំនួន ១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។
កម្ពុជាសូមអំពាវនាវឱ្យភាគីថៃ ដោះលែងពួកគាត់ត្រឡប់មកវិញឱ្យបានឆាប់រហ័សជាទីបំផុត ដើម្បីឱ្យពួកគាត់អាចវិលត្រឡប់មកជួបជុំក្រុមគ្រួសាររបស់ពួកគាត់ និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ។

សូមគូសបញ្ជាក់ផងដែរថា រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ នូវគ្រប់យន្តការដោះស្រាយទាំងអស់លើករណីនេះ ដើម្បីឱ្យភាគីថៃ ដោះលែងកងកម្លាំងរបស់យើងទាំង១៨នាក់នោះ វិលត្រលប់មកវិញឱ្យបានឆាប់រហ័សជាទីបំផុត និងដោយសុខសុវត្ថិភាព។
រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងកម្លាំងរបស់យើងណាម្នាក់ចោលនោះឡើយ ទោះក្នុងកាលៈទេសៈណាក៏ដោយ។

ចុម ចោរជាន់មីនម្សិលមិញរបួស៤នាក់?

សេចក្តីប្រកាសព័ត៌មាន

លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖

ក្រសួងការពារជាតិ នៃព្រះរាជាណាចក្រកម្ពុជា សូមសម្តែងការសោកស្តាយចំពោះឧបទ្ទវហេតុនៃការផ្ទុះគ្រាប់មីនដែលបណ្តាលឱ្យកងទ័ពថៃមួយចំនួនរងរបួសនៅពេលដើរល្បាតចូលតំបន់ចម្ការមីនចាស់ដែលបន្សល់ទុកពីសង្គ្រាមស៊ីវិលរបស់កម្ពុជា កាលពីថ្ងៃទី១០ ខែវិច្ឆិកា ឆ្នាំ២០២៥។ ជាមួយគ្នានេះ ក្រសួងការពារជាតិកត់សម្គាល់ឃើញថា ចាប់តាំងពីថ្ងៃម្សិលមិញរហូតមកដល់ថ្ងៃនេះ បណ្តាសារព័ត៌មានរបស់ថៃមួយចំនួនបានចេញផ្សាយដោយដកស្រង់សម្តីថ្នាក់ដឹកនាំប្រទេសថៃ និងមន្ត្រីនៃកងយោធាថៃដែលបានចោទប្រកាន់មកលើកម្ពុជាថាបានដាក់គ្រាប់មីនថ្មី និងបណ្តាលឱ្យយោធារបស់ខ្លួនជាន់ផ្ទុះ និងរងរបួសធ្ងន់ នៅខេត្តព្រះវិហារ។ ក្រសួងការពារជាតិ នៃព្រះរាជាណាចក្រកម្ពុជា សូមប្រកាសបដិសេធការចោទប្រកាន់ទាំងនេះរបស់ភាគីថៃមកលើកម្ពុជា។

ក្រសួងការពារជាតិ សូមបញ្ជាក់យ៉ាងមុតមាំថា ចាប់តាំងពីក្លាយជារដ្ឋភាគីនៃអនុសញ្ញាអូតាវ៉ា កម្ពុជាតែងតែប្រកាន់ខ្ជាប់នូវគោលការណ៍ និងកាតព្វកិច្ចរបស់ខ្លួននៅក្រោមច្បាប់អន្តរជាតិ ដោយមិនដែលដាក់មីនថ្មីដែលគំរាមកំហែងដល់សន្តិសុខ និងសុវត្ថិភាពរបស់មនុស្សជាតិនោះឡើយ។

ជាការពិតណាស់ បើទោះបីជាមានកិច្ចខិតខំប្រឹងប្រែង ក្នុងការបោសសម្អាតមីនអស់រយៈពេលជាច្រើនទសវត្សរ៍កន្លងមកនេះក៏ដោយ គ្រាប់មីនមិនទាន់ផ្ទុះដែលជាសំណល់ពីសង្គ្រាមនៅតែបន្តគំរាមកំហែងដល់សន្តិសុខ និងសុវត្ថិភាពប្រជាជនស្លូតត្រង់កម្ពុជានៅតាមតំបន់ជាច្រើន ជាពិសេសនៅតាមតំបន់ព្រំដែនកម្ពុជា និងប្រទេសជិតខាង ក្នុងនោះរួមទាំងថៃផងដែរ។ ក្នុងន័យនេះ ក្រសួងការពារជាតិអំពាវនាវឱ្យភាគីថៃចៀសវៀងការដើរល្បាតចូលក្នុងតំបន់ចម្ការមីនចាស់ៗ ជាពិសេសតំបន់ដែលត្រូវបានអន្តរជាតិទទួលស្គាល់ថាជាចម្ការមីនដែលជាសំណល់ពីសង្គ្រាម ដើម្បីចៀសវាងគ្រោះថ្នាក់ដោយសារការផ្ទុះមីនចាស់ទាំងនេះ ដែលអាចបង្កឱ្យមានភាពតានតឹងដោយមិនចាំបាច់។

សូមជម្រាបជូនផងដែរថា យោងតាមព័ត៌មានដែលទទួលបានពីយោធភូមិភាគទី៤ របស់កម្ពុជា បានបញ្ជាក់ថាក្រោយពេលកើត ហេតុរួចកងកម្លាំងទាំងសងខាងដែលនៅជួរមុខបានធ្វើការទំនាក់ទំនងគ្នា ហើយគិតមកដល់ម៉ោងនេះសភាពការណ៍មានភាពស្ងប់ស្ងាត់មិនមានភាពតានតឹងទេ។

ក្រសួងការពារជាតិ នៃព្រះរាជាណាចក្រកម្ពុជា បន្តប្តេជ្ញាចិត្តក្នុងការធ្វើការឱ្យបានជិតស្និទ្ធជាមួយភាគីថៃ ក្នុងការលើកកម្ពស់សន្តិភាព និងស្ថិរភាពរវាងប្រទេសទាំងពីរ ជាពិសេសធានាដល់សន្តិសុខ និងសុវត្ថិភាពរបស់ប្រជាជនស៊ីវិល ស្របតាមសេចក្តីថ្លែងការណ៍រួមស្តីពីសន្តិភាពរវាងកម្ពុជានិងថៃ ដែលត្រូវបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥។

ថ្ងៃអង្គារ ៦រោច ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១១ ខែវិច្ឆិកា ឆ្នាំ២០២៥។

🚨ព័ត៌មានក្តៅៗ: កងទ័ពភូមិន្ទថៃ🇹🇭បានប្រកាសថា៖

*កងទ័ពថៃ🇹🇭 បានត្រៀមខ្លួនរួចជាស្រេចដើម្បីការពារអធិបតេយ្យភាពរបស់ខ្លួន។

*កងទ័ពភូមិន្ទថៃ ឈរឈ្មោះដើម្បីទឹកដី និងប្រទេសជាតិ ដោយអនុវត្តកាតព្វកិច្ចរបស់ខ្លួនក្នុងក្របខ័ណ្ឌនៃច្បាប់ ដើម្បីរក្សាឯករាជ្យភាព និងបូរណភាពទឹកដីរបស់ប្រទេស និងដើម្បីលុបបំបាត់ពួកឈ្លានពានទាំងអស់។

*សំណួរ! តើអ្នកជាអ្នកឈ្លានពានលើទឹកដីរបស់គេ? កុំសម្តែងធ្វើជាជនរងគ្រោះទៀតទៅ។

សូមបងប្អូន កុំភ្លេចកងកម្លាំងរបស់យើងណាបងប្អូន🙏🥹❤️🇰🇭👮‍♂️

🚨*ព័ត៌មានក្តៅៗ : នាយករដ្ឋមន្ត្រីថៃ លោក Anutin Charnvirakul បានបញ្ជាក់អំពីលទ្ធផល នៃកិច្ចប្រជុំក្រុមប្រឹក្សាសន្តិសុខជាតិថៃ (NSC) ពីវិមានរដ្ឋាភិបាលថៃ នៅវេលាព្រឹក ថ្ងៃទី១១ វិច្ឆិកា ២០២៥នេះថា៖

«បន្ទាប់ពី កិច្ចប្រជុំប្រព្រឹត្តទៅរយៈពេល ៣ម៉ោង ជាមួយនឹងក្រុមប្រឹក្សាសន្តិសុខជាតិថៃ (NSC) រួចមក ប្រទេសថៃ 🇹🇭 បានសម្រេចចិត្ត ក្នុងការផ្អាកមិនទទួលស្គាល់លើ កិច្ចព្រមព្រៀងសន្តិភាព ជាមួយនឹងភាគីកម្ពុជា 🇰🇭 ចំពោះរយៈពេល នៃការផ្អាកនេះ លោកមិនទាន់អាចអត្ថាធិប្បាយបាននៅឡើយទេ»។

*លោកសង្កត់ធ្ងន់ថា៖ «លោកកំពុងពិភាក្សាបន្ថែម អំពីវិធានការផ្សេងៗទៀត ដើម្បីត្រៀមចាត់វិធានការ បន្ទាប់ពីមានករណីឧបទ្ទវហេតុទាហានថៃ ជាន់គ្រាប់មីនផ្ទុះ បណ្តាលឱ្យរងរបួស នៅខេត្តស៊ីសាកេត កាលពីម្សិលមិញ»។

*នៅពេលអ្នកសារព័ត៌មានថៃ 🇹🇭 ព្យាយាមសួរលោកម្តងហើយម្តងទៀតថា តើកិច្ចព្រមព្រៀងសន្តិភាពរវាងកម្ពុជា-ថៃ 🕊️ នឹងត្រូវលុបចោលដែរឬក៏អត់? លោកឆ្លើយមួយម៉ាត់យ៉ាងខ្លីថា៖ «នឹងត្រូវផ្អាក !!»៕ (Smeyy)

*ប្រភព : https://www.facebook.com/share/p/17CiSAbqES/?mibextid=wwXIfr