🚨*ព័ត៌មានក្តៅៗ : អ្នកនាំពាក្យកងទ័ពភូមិន្ទថៃ លោក Winthai Suvari បានបញ្ជាក់ប្រាប់សារព័ត៌មានថៃសាជាថ្មី ពីវិមានរដ្ឋាភិបាលថៃ នៅវេលារសៀល ថ្ងៃចន្ទ ទី៣ ខែវិច្ឆិកា ឆ្នាំ២០២៥នេះថា៖

«កងទ័ពថៃ 🇹🇭 គ្រាន់តែដកអាវុធធុនធ្ងន់មួយចំនួនចេញតែប៉ុណ្ណោះ ប៉ុន្តែ កងទ័ពថៃ នៅតែបន្តរក្សាកងទ័ពឱ្យឈរជើង នៅតាមបណ្តោយព្រំដែនកម្ពុជា-ថៃដដែល ពោលគឺគ្មានការដកទ័ពឡើយ»។

*លោកបន្ថែមថា៖ «ទាក់ទិននឹងកិច្ចខិតខំប្រឹងប្រែងរបស់ភាគីកម្ពុជា 🇰🇭 ក្នុងការដាក់សម្ពាធអន្តរជាតិឱ្យប្រទេសថៃ ពន្លឿនការដោះលែងកងទ័ពកម្ពុជាទាំង ១៨រូបនោះ ថៃកំពុងពិនិត្យចំពោះបញ្ហានេះ ដោយកងទ័ពកម្ពុជា ពួកគេកំពុងទទួលការថែទាំ ស្របតាមលក្ខណៈស្តង់ដារអន្តរជាតិ រីឯអង្គការ (ICRC) ក៏បានចុះទៅជួបពួកគេទៀងទាត់ជានិច្ចផងដែរ ហើយកងទ័ពថៃ 🇹🇭 មិនផ្លាស់ប្តូរពីលក្ខណៈវិនិច្ឆ័យនៃលក្ខខណ្ឌទាំង៤ឡើយ»។

*លោកសង្កត់ធ្ងន់ថា៖ «ចំពោះពាក្យចចាមអារ៉ាម នៃការដោះលែងកងទ័ពកម្ពុជាទាំង ១៨រូប មកកម្ពុជាវិញ នៅសប្តាហ៍ក្រោយនោះ កងទ័ពថៃ 🇹🇭 កំពុងតែផ្តោតលើការយកចិត្តទុកដាក់ ក្នុងការបន្តតាមដានស្ថានការណ៍»៕ (Smeyy)

*ប្រភព : https://www.facebook.com/share/p/16SMfGkPFv/?mibextid=wwXIfr

លោកបណ្ឌិត ៤ចំណុច!

៩៨ថ្ងៃហើយ ដែលវីរៈកងទ័ពកម្ពុជាទាំង១៨រូប ត្រូវបានចាប់ខ្លួន និងដាក់ឲ្យស្ថិតក្នុងការឃុំគ្រងរបស់យោធាថៃ!
🙏🇰🇭❤️👮‍♂️

អបអរសាទរ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក

🚨BREAKING- តាមបណ្តាញសង្គមព័ត៌មានថៃ🇹🇭និងប្រជាជន បានចុះផ្សាយថា៖ ថៃនិងទាមទារដណ្តើមយក ប្រាសាទតាក្របី ចេញពីកម្ពុជាឲ្យទាល់តែបានយ៉ាងឆាប់បំផុត!

*បញ្ជាក់: ប្រាសាទតាក្របីនេះ គឺជាកម្មសិទ្ធរបស់កម្ពុជា🇰🇭តាំងពីសម័យកាលយូរណាស់មកហើយ ដោយបច្ចុប្បន្ននេះ ទាហានកម្ពុជាយើង កំពុងឈរជើងយ៉ាងរឹងមាំបំផុតនៅលើប្រាសាទនេះ។

🚨ព័ត៌មានក្តៅៗ: អតីតមេភូមិភាគ២ថៃ🇹🇭លោក ឧត្តមសេនីយ៍ឯក ប៊ុនស៊ីន ផាតឃ្លាំង បានចេញមកបញ្ជាក់សារជាថ្មីថា៖ ប្រាសាទតាក្របី គឺជារបស់ថៃ។

*លោក ប៊ុនស៊ីន នៅបន្តថា៖ លោកជឿ​ថា ​រដ្ឋាភិបាល​និង​យោធាថៃ🇹🇭​នឹង​ប្រឹងប្រែង ឲ្យ​អស់ពី​សមត្ថភាព​ដើម្បី​ដណ្តើមយក​ប្រាសាទ​តា​ក្របី​ពីកម្ពុជា🇰🇭មកវិញ​ឲ្យបានយ៉ាងឆាប់បំផុត។

ប្រភព: https://www.facebook.com/share/1AJAYo596z/?mibextid=wwXIfr

សេចក្តីប្រកាសព័ត៌មាន

លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖

នៅថ្ងៃទី៤ ខែវិច្ឆិកា ឆ្នាំ២០២៥ វេលាម៉ោង ០៨:៤០នាទីព្រឹកនេះ ក្រុមការងារសម្របសម្រួលក្រុមអ្នកសង្កេតការណ៍របស់ក្រសួងការពារជាតិ នៃព្រះរាជាណាចក្រកម្ពុជា បានធ្វើការសម្របសម្រួលជូនក្រុមអ្នកសង្កេតការណ៍អាស៊ាន (AOT) ដើម្បីចុះត្រួតពិនិត្យការអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់សម្រាប់ដំណាក់កាលទី១ ដែលត្រូវបានបញ្ជូនត្រឡប់មកកាន់ទីតាំងដើមវិញ ដែលស្ថិតនៅក្នុងខេត្តកណ្តាល។ គួររំលឹកផងដែរថា អាវុធ និងយុទ្ធោបករណ៍បំផ្លិចបំផ្លាញធុនធ្ងន់ទាំងនេះត្រូវបានកែសម្រួលពីស្រុកជាំក្សាន្ត និងស្រុករវៀង ខេត្តព្រះវិហារ កាលពីថ្ងៃទី១ ខែវិច្ឆិកា ឆ្នាំ២០២៥ វេលាម៉ោង ១៨:៤៥នាទីកន្លងទៅ ស្របតាមការឯកភាពគ្នារវាងកម្ពុជានិងថៃ លើផែនការជាដំណាក់កាលនៃការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់។

សកម្មភាពខាងលើ គឺជាការបង្ហាញយ៉ាងច្បាស់ពីកាយវិការសុច្ឆន្ទៈ និងការបញ្ជាក់ពីការតាំងចិត្តដ៏ម៉ឺងម៉ាត់ឥតងាករេរបស់កម្ពុជា ក្នុងការអនុវត្តសេចក្តីថ្លែងការណ៍រួមទីក្រុងកូឡាឡាំពួរ ស្តីពីសន្តិភាពរវាងកម្ពុជានិងថៃ ដែលត្រូវបានចុះហត្ថលេខាដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងនាយករដ្ឋមន្ត្រីថៃ ដោយមានឯកឧត្តមប្រធានាធិបតីសហរដ្ឋអាម៉េរិក ដូណាល់ ត្រាំ និងឯកឧត្តមនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម ធ្វើជាសាក្សី កាលពីថ្ងៃទី២៦ ខែតុលា ឆ្នាំ២០២៥កន្លងទៅនេះ។

ជាមួយគ្នានេះ កម្ពុជាសង្ឃឹមយ៉ាងមុតមាំថា ទាំងភាគីកម្ពុជា និងភាគីថៃនឹងអនុវត្តឱ្យបានពេញលេញ និងប្រកបដោយប្រសិទ្ធភាពនូវសេចក្តីថ្លែងការណ៍រួមទីក្រុងកូឡាឡាំពួរ ស្តីពីកិច្ចព្រមព្រៀងសន្តិភាពរវាងកម្ពុជានិងថៃ ដោយភាពស្មោះត្រង់ សុច្ឆន្ទៈ និងតម្លាភាព សំដៅចូលរួមចំណែកដល់ការលើកកម្ពស់សន្តិភាព ស្ថិរភាព កិច្ចសហប្រតិបត្តិការ ការអភិវឌ្ឍ និងការវិលត្រឡប់ទៅរកប្រក្រតីភាពឡើងវិញឱ្យបានឆាប់។

អាស្រ័យដូចបានជម្រាបជូនខាងលើ សូមសាធារណជន អ្នកសារព័ត៌មានជាតិ និងអន្តរជាតិជ្រាបជាព័ត៌មាន។

ថ្ងៃអង្គារ ១៤កើត ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៤ ខែវិច្ឆិកា ឆ្នាំ២០២៥

🌧️ត្រឹមម៉ោង11:22នាទីថ្ងៃត្រង់នេះ នៅតំបន់ច្រកអូរស្មាច់ កំពុងមានភ្លៀងធ្លាក់!