🚨ព័ត៌មានក្តៅៗ: មេយោធភូមិភាគកម្ពុជា-ថៃ ជួបគ្នាជជែកពីការកែសម្រួលអាវុធចេញពីតំបន់ជម្លោះ ក្រោមក្រសែភ្នែកអ្នកសង្កេតការណ៍

(ឧត្តរមានជ័យ)៖ នៅម៉ោងជាង៣រសៀលថ្ងៃសុក្រ ទី៣១ ខែតុលា ឆ្នាំ២០២៥នេះ មេយោធភូមិភាគកម្ពុជា និងថៃ បានជួបជជែកគ្នាស្តីពីការកែសម្រួលអាវុធធុនធ្ងន់ចេញពីតំបន់ជម្លោះ។ កិច្ចប្រជុំនេះ ធ្វើឡើងដោយមានការចូលរួមពីអ្នកសង្កេតការណ៍អាស៊ានផងដែរ។

ភាគីកម្ពុជាដឹកនាំដោយ លោកឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤របស់កម្ពុជា និងឧត្តមសេនីយ៍ទោ វីរ៉ាក់យុទ្ធ រ៉ាក់ស៊ីន មេបញ្ជាការយោធភូមិភាគទី២របស់ថៃ។

កិច្ចប្រជុំនេះ ជជែកផ្តោតជាសំខាន់លើការកែសម្រួលអាវុធធុនធ្ងន់នៃប្រទេសទាំងពីរចេញពីតំបន់ជម្លោះរវាងគ្នា។

កិច្ចប្រជុំ RBC កម្ពុជា-ថៃ ធ្វើឡើងស្របតាមសេចក្តីថ្លែងការណ៍រួមស្តីពីសន្តិភាពរវាងកម្ពុជា-ថៃ កាលពីថ្ងៃទី២៦ ខែតុលា នៅទីក្រុងកូឡាឡាំពួរ ប្រទេសម៉ាឡេស៊ី ចុះហត្ថលេខាដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា លោក អនុទីន ចាន់វីរៈគុល នាយករដ្ឋមន្ត្រីថៃ លោក ដូណាល់ ត្រាំ ប្រធានាធិបតីអាមេរិក និង លោក អាន់វ៉ា អ៉ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន៕

ចុម! មើលយាយនេះធ្វើ😳🇹🇭🤣