លោកឧត្ដមសេនីយ៍ទោ ខូវ លី ស្នងការនគរបាលខេត្ដ ចាត់តំណាង អញ្ជើញចូលរួមកិច្ចប្រជុំសាមញ្ញរលើកទី២៤ របស់ក្រុមប្រឹក្សារខេត្ត អាណត្តិទី៤។

(ឧត្ដរមានជ័យ): នៅព្រឹកថ្ងៃអង្គារ ៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែឧសភា ឆ្នាំ២០២៦នេះ លោកឧត្ដមសេនីយ៍ត្រី ចំរើន ណេតធាវីសំរេច ស្នងការរង ផែនធនធានមនុស្ស អញ្ជើញចូលរួមកិច្ចប្រជុំសាមញ្ញលើកទី២៤ របស់ក្រុមប្រឹក្សាខេត្ដ អាណាត្ដិទី៤ និងសម្រាប់កងកម្លាំងពង្រឹងលើការបង្កា និងបង្ក្រាបបទល្មើសក្មេងទំនើង និងគ្រឿងញៀន ដែរកើតមានឡើងនៅក្នុងភូមិសាស្រ្ត ក្រោមអធិបតីភាព ឯកឧត្ដម សុី ប្រាសិទ្ធ ប្រធានក្រុមប្រឹក្សាខេត្ដឧត្ដរមានជ័យ និងឯកឧត្ដម សុីម វុទ្ធា អភិបាលរង តំណាង ឯកឧត្ដម មាន ចាន់យ៉ាដា អភិបាល នៃគណៈអភិបាលខេត្ដឧត្ដរមានជ័យ នៅសហសាលប្រាសាទតាមាន់ធំសាលាខេត្តឧត្តរមានជ័យ៕

មេបញ្ជាការនៃកងទ័ពភូមិន្ទថៃ បានចូលរួមក្នុងការហោះហើរសង្កេតពីកៅអីខាងក្រោយនៃយន្តហោះចម្បាំង F-16 ដើម្បីវាយតម្លៃ សមត្ថភាព និងការត្រៀមខ្លួនរួចជាស្រេច

(ខេត្តនគរសុវណ្ណ) នៅព្រឹកថ្ងៃអង្គារ៍ ទី១៩ ខែឧសភា ឆ្នាំ២០២៦នេះ មេបញ្ជាការនៃកងទ័ពភូមិន្ទថៃ លោកឧត្តមសេនីយ៍ឯក អ៊ុគ្រីត ប៊ុនតាណុន បានចូលរួមអង្គុយនៅកៅអីខាងក្រោយអ្នកបើកបរយន្តហោះចម្បាំងF-16 ដើម្បីវាយតម្លៃដំណើរការ និងសមត្ថភាពរបស់វា នៅក្នុងការធ្វើប្រតិបត្តិការផ្លូវអាកាសនៅទីបញ្ជាការកងពលលេខ៤ នៃកងអនុសេនាធំលេខ ៤០៣ ក្នុងខេត្តនគរសុវណ្ណ នៃប្រទេសថៃ។

ការចុះត្រួតពិនិត្យរបស់លោកមេបញ្ជាការកងទ័ពភូមិន្ទថៃ គឺដើម្បីត្រៀមខ្លួនរួចជាស្រេច សម្រាប់ការធ្វើប្រតិបត្តិការគ្រប់សកម្មភាព ដែលអាចកើតមាននៅតាមបណ្តោយព្រំដែន។

គូសបញ្ជាក់ផងដែរថា៖ លោកឧត្តមសេនីយ៍ឯក អ៊ុគ្រីត ប៊ុនតាណុន ក៏បានជួបនិយាយជាមួយនិងលោកឧត្តមសេនីយ៍ឯក សេកសាន គុន្ធា និងអ្នកបើកបរយន្តហោះផ្សេងទៀត ដែលធ្លាប់បានចូលរួមការហោះហើរទម្លាក់គ្រាប់បែក កាលពីសង្គ្រាម២១ថ្ងៃ នាខែធ្នូរ ឆ្នាំ២០២៥ជាមួយនិងកម្ពុជាផងដែរ៕

សូមបងប្អូនប្រជាពលរដ្ឋកុំជឿ និងកុំចែករំលែកព័ត៌មានពីគណនីនេះ។ ខ្លឹមសារដែលបានផ្សព្វផ្សាយមានលក្ខណៈបំភ្លៃ បំផ្លើស និងបង្កការយល់ច្រឡំអំពីបញ្ហាព្រំដែន។ កុំជឿព័ត៌មានបំភ្លៃ កុំចែករំលែកព័ត៌មានបំផ្លើស

កម្ពុជា និងជប៉ុន ចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណងរបស់ជប៉ុន

Cambodia, Japan Sign Exchange of Notes and Related Documents on Extension of Japan's Grant Aid

ទិវាជាតិនៃការចងចាំ ២០ ឧសភា !

ថ្ងៃនេះ ជាថ្ងៃទិវាជាតិនៃការចងចាំ ២០ ឧសភា ដែលជាថ្ងៃប្រជាជនកម្ពុជាគ្រប់ៗរូបចងចាំមិនអាចបំភ្លេចបាន ក្នុងរបបកម្ពុជាប្រជាធិបតេយ្យ ឬហៅថារបបប្រល័យពូជសាសន៍ ប៉ុល ពត (១៧ មេសា ១៩៧៥ - ៦ មករា ១៩៧៩) ដែលជារបបដ៏ឃោរឃៅ និងខ្មៅងងឹត ។ ទិវានេះ ជាការរំលឹក និងឧទ្ទិសកុសលជូនដល់វិញ្ញាណក្ខន្ធដល់ជនរងគ្រោះជាង៣លាននាក់ ដែលបានស្លាប់បាត់បង់ជីវិត នៅក្នុងរបបប្រល័យពូជសាសន៍ ប៉ុល ពត ។

ប្រជាពលរដ្ឋកម្ពុជាភាគច្រើនលើសលប់បានដឹង និងបានយល់ច្បាស់ អំពីរឿងរ៉ាវសោកនាដកម្មដ៏ជូរចត់ ដែលប្រជាពលរដ្ឋខ្មែរបានឆ្លងកាត់ជិត៣ទសវត្សរ៍ ក្នុងភ្នក់ភ្លើងសង្គ្រាម និងទឹកភ្នែក ការកាប់សម្លាប់ ការបំផ្លិចបំផ្លាញ ការជម្លៀសចេញពីទីលំនៅរបស់ខ្លួនដោយបង្ខំ និងការបង្ខំឱ្យធ្វើការដូចសត្វធាតុជាដើម។ មិនតែប៉ុណ្ណោះ ប្រជាពលរដ្ឋកម្ពុជា ត្រូវស្លាប់ដោយគ្មានថ្នាំសង្កូវព្យាបាល គ្មានអាហារបរិភោគគ្រប់គ្រាន់ គ្មានសិទ្ធិសេរីភាព គ្មានលទ្ធិប្រជាធិបតេយ្យ ហើយសូម្បីតែសិទ្ធិរស់រានមានជីវិតដែលជាសិទ្ធិមូលដ្ឋានមានពីកំណើតរបស់មនុស្សក៏គ្មានដែរ។

ដើម្បីកុំអោយរបបនេះវិលត្រឡប់មកវិញ សូមចូលរួមថែរក្សាការពារសន្តិភាពឱ្យបានគង់វង្ស ពីព្រោះសន្តិភាពបានផ្តល់ឱកាសគ្រប់យ៉ាងក្នុងការកសាងសង្គមគ្រួសារ សហគមន៍ និងប្រទេសជាតិ ឱ្យកាន់តែរីកចម្រើនទៅមុខទៀត៕