នេះគឺជាសកម្មភាពនាព្រឹក ថ្ងៃព្រហស្បតិ៍ ទី02 ខែមេសា ឆ្នាំ2026នេះ ដែលភាគីខាងយោធាថៃ🇹🇭(ចោរសៀម)បានដាក់កម្លាំង និងមានទាំងរថពាសដែកប្រភេទ«M113».ចំនួន2គ្រឿង ដែលស្ថិតនៅក្នុង សង្កាត់អូរស្មាច់ ក្រុងសំរោង ខេត្តឧត្តរមានជ័យ។

ការដាក់កម្លាំងនិងរថពាសដែកនេះ គឺស្ថិតនៅត្រង់ចំណុចច្រកអន្តរជាតិអូរស្មាច់ ហើយក៏ជាកន្លែងដែលយោធាថៃកំពុងកាន់កាប់ និងគ្រប់គ្រងដោយខុសនិងច្បាប់អន្តរជាតិផងដែរ។

«មិនត្រឹមតែដាក់កម្លាំងនិងរថពាសដែកនោះទេ នៅយប់ថ្ងៃដដែលនេះ ប្រព័ន្ធផ្សព្វផ្សាយរបស់ភាគីថៃ🇹🇭 ក៏បានផ្សាយចោទប្រកាន់មកលើកម្ពុជា🇰🇭ថា៖ ទាហានកម្ពុជា ដែលប្រដាប់ដោយអាវុធ និងមានអាកប្បកិរិយាគ្មានវិន័យ ផឹកស្រា និងប្រព្រឹត្តអំពើញុះញង់នៅជិតទីតាំងកងទ័ពថៃ តាំងពីយប់ (ថ្ងៃទី01 ខែមេសា ឆ្នាំ 2026) រហូតដល់ព្រឹក (ថ្ងៃទី02 ខែមេសា ឆ្នាំ 2026)នេះបន្ថែមទៀត»៕

សេចក្ដីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ

Press Release of the Ministry of Foreign Affairs and International Cooperation

មែនទែនទៅ សូម្បីតែយន្តហោះដឹកអ្នកដំណើរ ក៏ផ្អើលដែរ🙂

«ទិសជប់គគីរ.ខេត្តឧត្តរមានជ័យ»
04-04-2026

នៅទិសទី២ យោធភូមិភាគទី៤ ខេត្តឧត្តរមានជ័យ៖

កាលពីថ្ងៃទី៣ ខែមេសា ឆ្នាំ២០២៦ ឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធខេមរភូមិន្ទ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញចុះសួរសុខទុក្ខ និងជូនពរជ័យ សិរីសួស្តីដល់យោធិនដែលកំពុងបំពេញបេសកកម្មដ៏ឧត្តុង្គឧត្តមក្នុងការការពារបូរណភាពទឹកដី នៅសមរភូមិមុខតាមបណ្តោយព្រំដែនកម្ពុជា-ថៃ នៅទិសទី២ របស់យោធភូមិភាគទី៤ ក្នុងភូមិសាស្រ្តខេត្តឧត្តរមានជ័យ នាឱកាសបុណ្យចូលឆ្នាំថ្មី ឆ្នាំមមី អដ្ឋស័ក ពុទ្ធសករាជ ២៥៧០ ដែលនឹងឈានមកដល់នៅពេលខាងមុខ។

នៅក្នុងឱកាសនោះដែរ ឯកឧត្តម នាយឧត្តមសេនីយ៍ ក៏បាននាំយកនូវការសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងសម្តេចកិត្តិព្រឹទ្ធបណ្ឌិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងលោកជំទាវ ជូនចំពោះនាយទាហាន នាយទាហានរង និងពលទាហានទាំងអស់ដែលកំពុងនឹងបំពេញបេសកកម្មនៅទិសទី២ ក្នុងភូមិសាស្រ្តយោធភូមិភាគទី៤។ ជាមួយគ្នានោះផងដែរ ឯកឧត្តម ក៏បានពាំនាំនូវការកោតសរសើរពីសំណាក់សម្តេចអគ្គមហាសេនាបតីតេជោ ហ៊ុន សែន សម្តេចមហាបវរធិបតី ហ៊ុន ម៉ាណែត ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី ជូនចំពោះនាយទាហាន នាយទាហានរង និងពលទាហានទាំងអស់ដែលបានខិតខំ ពុះពារគ្រប់បែបយ៉ាងក្នុងការការពារអធិបតេយ្យ និងបូរណភាពទឹកដីរបស់យើងក្នុងរយៈពេលកន្លងមក ដែលជាស្នាដៃយ៉ាងធំធេងមិនអាចកាត់ថ្លៃបាន។

ក្នុងបរិយាកាសប្រកបដោយមនោសញ្ចេតនាដ៏ជ្រាលជ្រៅនោះ ឯកឧត្តម ក៏បាននាំយកនូវអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ជូនដល់បណ្តាអង្គភាពនៅទិសទី២ របស់យោធភូមិភាគទី៤ នូវសម្ភារៈ និងថវិកាមួយចំនួនផងដែរ។