🚨ដំណឹងបន្ទាន់! ថ្ងៃនេះទាហានសៀមមកច្រើនជាងម្សិលមិញ និងមកជាមួយឧបករណ៍ថ្មីបន្ថែមទៀត ដើម្បីមកតំបន់នៅអូរបីជាន់!

នេះបើយោងតាមកាសែតថៃ ចុះផ្សាយមុននេះបន្តិច៕

ឯកឧត្តម ឧត្តមសេនីយ៍ទោ វេជ្ជបណ្ឌិត ចាន់ ដារ៉ាវុទ្ធ នាយក នាយកដ្ឋានសុខាភិបាល តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋានភស្តុភារ ហិរញ្ញវត្ថុ អមដំណើរដោយឯកឧត្តម នាយករង ឧត្តមសេនីយ៍ទោ វេជ្ជបណ្ឌិត ព្រុំ សត្ថារដ្ឋ និង ឯកឧត្តម នាយករង ឧត្តមសេនីយ៍ទោ វេជ្ជបណ្ឌិត សៅ សុីដូណា បានចុះសួរសុខទុក្ខ និងពិនិត្យស្ថានភាពរបួសរបស់ ពលបាលឯក ម៉ន ភក្រ្តា នៅអង្គភាពវរសេនាតូចថ្មើរជើងលេខ៥១៣ កងពលតូចថ្មើរជើងលេខ៥១ ដែលបានរងរបួសធ្ងន់ត្រូវភ្នែកខាងស្តាំ ដែលបានបង្កឡើងដោយទាហានសៀមបានឈ្លានពានបង្កហឹង្សាមកលើប្រជាជនខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីល្ងាចថ្ងៃពុធ ទី១៧ ខែកញ្ញា ឆ្នាំ២០២៥ បានបញ្ជូនមកព្យាបាលនៅមន្ទីរពេទ្យអង្គឌួង។ ឯកឧត្តមនាយក បានប្រគល់ថវិកាជូនអ្នកជំងឺ ដែលជាអំណោយរបស់ឯកឧត្តម ឧត្តមសេនីយ៍ឯក ម៉ឹង ពន្លក និង លោកជំទាវ ព្រមទាំងបានផ្តាំផ្ញើសួរសុខទុក្ខ និងជូនពរ ពលបាលឯក ម៉ន ភក្រ្តាអោយឆាប់បានជាសះស្បើយ។ ប្រមុខថ្នាក់ដឹកនាំទាំងអស់តែងតែយកចិត្តទុកដាក់ជានិច្ចដល់សុខទុក្ខកងទ័ពនិងប្រជាជន ព្រមទាំងបានទទួលការព្យាបាលយ៉ាងល្អពីសំណាក់វេជ្ជបណ្ឌិតនិងក្រុមគ្រូពេទ្យទាំងអស់យ៉ាងយកចិត្តទុកដាក់បំផុត។

ទាហានកម្ពុុជា ដែលរងរបួសភ្នែកម្សិលមិញ គ្រូពេទ្យបានបញ្ជាក់ហើយថាមិនប៉ះពាល់ខ្លាំងដល់ពិការទេ គឺអាចជាសះស្បើយមកវិញឆាប់ៗនេះ៕

មកទល់ម៉ោងនេះ សភាពការណ៍មិនទាន់មានអ្វីនោះទេ។

សូមបួងសួងដល់វត្ថុសាកសិទ្ធ និងបារមីក្នុងព្រះរាជា ណាចក្រ កម្ពុជា ជួយឃុំគ្រងថែរក្សាដល់បងប្អូនកងកម្លាំង និងប្រជាពលរដ្ឋក្នុងភូមិព្រៃចាន់ ឃុំអូរបីជាន់ ខេត្តបន្ទាយមានជ័យ ឲ្យមានសុវត្ថិភាព និងជៀសផុតពីគ្រោះថ្នាក់ទាំងឡាយ៕
សូមអរគុណ!🙏❤️🇰🇭👮‍♂️