ខេត្តឧត្តរមានជ័យ)៖ ស្របពេលដែលប្រទេសជាតិកំពុងប្រឈមមុខនឹងស្ថានភាពដ៏តានតឹងដោយសារសង្គ្រាមឈ្លានពានពីសំណាក់យោធាថៃ មកលើកម្ពុជា នៅថ្ងៃទី១៦ ខែធ្នូ ឆ្នាំ២០២៥ ដោយមានការចង្អុលបង្ហាញពីលោកជំទាវ ពេជ ចន្ទមុន្នី ហ៊ុនម៉ាណែត ស្រ្តីទី១នៃកម្ពុជា លោក មាន ចាន់យ៉ាដា អភិបាលខេត្តឧត្តរមានជ័យ បានដឹកនាំក្រុមការងារ អញ្ជើញចុះត្រួតពិនិត្យមើលស្ថានភាពដីមួយកន្លែងនៅក្បែរក្នុងមណ្ឌលសុវត្ថិភាពបាត់ថ្កៅ ស្រុកចុងកាល់ ដើម្បីរៀបចំឱ្យប្រជាពលភៀសសឹកដាំដុះបន្លែបង្ការរួមគ្នា ដើម្បីធានាបាននូវភាពគ្រប់គ្រាន់នៃការផ្គត់ផ្គង់ម្ហូបអាហារ និងរក្សាសន្តិសុខស្បៀងក្នុងមូលដ្ឋានគ្រាអាសន្ននេះ។

ការរៀបចំដីក្បែរមណ្ឌលសុវត្ថិសម្រាប់ដាំដុះរួមគ្នានេះ ក៏ជាផ្នែកមួយនៃការស្តារនីតិសម្បទាផ្លូវចិត្ត និងពង្រឹងសាមគ្គីភាពក្នុងចំណោមបងប្អូនពលរដ្ឋភៀសសឹក ជាពិសេស កុមារ និងមនុស្សចាស់ ទទួលបានបន្លែស្រស់ៗគ្រប់គ្រាន់ និងកាត់បន្ថយការចំណាយទៅលើការទិញបន្លែពីខាងក្រៅ ដែលអាចឡើងថ្លៃខ្លាំងក្នុងពេលសង្គ្រាមនេះផងដែរ។

លោក មាន ចាន់យ៉ាដា ថ្លែងបញ្ជាក់ថា៖គោលដៅចម្បងនៃការដាំដុះនេះ គឺដើម្បីធានាថា រាល់ទិន្នផលបន្លែបង្កាដែលប្រមូលបាន នឹងត្រូវបែងចែកជាអាទិភាពដើម្បីផ្គត់ផ្គង់ដល់របបអាហារប្រចាំថ្ងៃរបស់ក្រុមគ្រួសារ ជនភៀសសឹកទាំងអស់ដែលកំពុងស្នាក់នៅក្នុងមណ្ឌលសុវត្ថិនេះ។

ក្នុងឱកាសនោះ លោកអភិបាលខេត្តឧត្តរមានជ័យ អំពាវនាវដល់ «បងប្អូនជនភៀសសឹកទាំងអស់ ដែលភាគច្រើនមានបទពិសោធន៍ផ្នែកកសិកម្ម សូមប្រើប្រាស់កម្លាំង និងចំណេះដឹងរបស់បងប្អូន ចូលរួមដាំដុះបន្លែរួមគ្នានៅតាមណ្ឌលដែលបានកំណត់»៕

5:36 នៅទិសសមរភូមិ ឧត្តរមានជ័យ សៀមនៅបន្តបាញ់ផ្លោងកាំភ្លើងធំ ចូលរាងរង្វើលៗ៕
16-12-2025

ក្រសួងអប់រំ៖ គិតត្រឹមថ្ងៃទី១៦ ខែធ្នូនេះ សាលារៀនក្នុងខេត្តជាប់បន្ទាត់ព្រំដែន៦ខេត្ត បិទទ្វារសរុប ១,០៤២សាលា សិស្សជិត ២៥ម៉ឺននាក់មិនបានរៀនសូត្រ៕
១៦-១២-២០២៥

5:39 វាផ្លោងចេញពីទិសអានសេះ ចូលមកទីរួមស្រុកជាំក្សាន្ត។
16-12-2025

5:42 ដ្រូនសៀម🇹🇭កំពុងហោះឆ្វែល នៅផ្សារកណ្ដាល ក្រុងប៉ោយប៉ែត នេះបើយោងតាមការជូនដំណឹងរបស់បងប្អូនប្រជាពលរដ្ឋផ្ទាល់៕
16-12-2025

អាគារកាស៊ីណូ នៅមាត់ច្រកអន្តរជាតិជប់គគីរ ត្រូវបានយោធាថៃ🇹🇭បាញ់ផ្លោង និងដ្រូនទម្លាក់គ្រាប់ ត្រូវបានឆាបឆេះយ៉ាងសន្ធោសន្ធៅ កាលពីរសៀលថ្ងៃអង្គារ ទី១៦ ខែធ្នូ ឆ្នាំ២០២៥នេះ៕

ឯកឧត្តម មាន ចាន់យ៉ាដា អភិបាលខេត្ត ឧត្តរមានជ័យ : យើងមិនចង់ឃើញទិដ្ឋភាពទាំងអស់នេះទេ ប៉ុន្តែមហិច្ឆតាឈ្លានពានរបស់ចោរសៀមតែងតែបង្កមកលើឥតឈប់ឈរ😌

7:55យប់ នៅទិសតាមាន់ តាក្របី និងថ្មដូន រៀងស្ងាត់ហើយ។
16-12-2025

7:24យប់ ទាហានថៃ បានបន្តប្រើប្រាស់ដ្រូនពាំក្បាលគ្រាប់ទម្លាក់គោលដៅទីតាំង អូរភ្លុកដំរី ខេត្តពោធិ៍សាត់៕
16-12-2025

8:02យប់ ថៃបន្តប្រើប្រាស់កាំភ្លើងធំ បាញ់ផ្លោងចូលគោលដៅអូរសួរស្ដី នៅខាងក្រោយច១ ថ្មដា ខេត្តពោធិ៍សាត់៕
16-12-2025

UPDATE អាគារកាស៊ីណូ នៅមាត់ច្រកអន្តរជាតិជប់គគីរ ត្រូវបានយោធាថៃ🇹🇭បាញ់ផ្លោង និងដ្រូនទម្លាក់គ្រាប់ ត្រូវបានឆាបឆេះយ៉ាងសន្ធោសន្ធៅ កាលពីរសៀលថ្ងៃអង្គារ ទី១៦ ខែធ្នូ ឆ្នាំ២០២៥នេះ៕

🚨ព័ត៌មានក្តៅៗ នៅល្ងាចថ្ងៃអង្គារ ទី១៦ ខែធ្នូ ឆ្នាំ២០២៥ អ្នកនាំពាក្យក្រសួងការពារជាតិថៃ🇹🇭 លោក ឧត្តមសេនីយ៍ឯក ស៊ូរ៉ាសាន់ គង់សុីរី បានថ្លែងប្រាប់សារព័ត៌មាន ពីវិមានរដ្ឋាភិបាលថៃថា:

- សម្រាប់លក្ខខណ្ឌដែលអាចអនុវត្តបទឈប់បាញ់ តាមបណ្តោយព្រំដែន រវាងយោធាថៃ🇹🇭-កម្ពុជា🇰🇭បាន គឺអាស្រ័យលើលក្ខខណ្ឌទាំង៣ចំណុចដូចខាងក្រោម:

- ទី១. កម្ពុជាត្រូវប្រកាសបទឈប់បាញ់ជាមុនសិន។

- ទី២. បទឈប់បាញ់ធ្វើឡើង ដោយអនុវត្តជាក់ស្ដែង។

- ទី៣. កម្ពុជាត្រូវធ្វើកិច្ចសហប្រតិបត្តិការយ៉ាងពិតប្រាកដ និងដោយស្មោះត្រង់លើការបោសសម្អាតមីនតាមបណ្តោយព្រំដែន។

- លោកបន្តថា: មកទល់ពេលនេះ កម្ពុជាមិនទាន់បានចេញសេចក្តីប្រកាសដើម្បីឆ្លើយតបនោះទេ។

- លោកសង្កត់ថា: កងទ័ពថៃ🇹🇭និងមិនឈប់បាញ់នោះទេ ប្រសិនបើកម្ពុជា🇰🇭មិនធ្វើតាមលក្ខខណ្ឌទាំង៣ចំណុច ដែលបានលើកឡើងខាងលើនេះ៕

ត្រឹមម៉ោង10:00នាទីយប់នេះ ស្ថានការណ៍គឺស្ងាត់ហើយ សូមបងប្អូនយើងចូលសម្រាកចុះ កងកម្លាំងយើងក៏បានសម្រាកដៃ និងបានហូបបាយ ហូបទឹកខ្លះហើយ និងកំពុងបន្តឈរជើងការពារយ៉ាងរឹងមាំ នៅលើដែនអធិបតេយ្យរបស់យើង។ យើងចាំមើលវេលាទៀបភ្លឺថ្ងៃពុធ ទី១៧ ខែធ្នូ ស្អែកបន្តទៀត៕

សូមអរគុណ សូមគោរពលា!🙏❤️🇰🇭💪👮‍♂️
16-12-2025

ថ្ងៃនេះជា ថ្ងៃទី១៤១ ហើយ ដែលវីរកងទ័ពកម្ពុជាចំនួន១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។

កម្ពុជាអំពាវនាវឱ្យភាគីថៃគោរពឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ នូវសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ត្រង់កថាខណ្ឌទី៥ បានគូសបញ្ជាក់ថា “ភាគីថៃត្រូវដោះលែងយោធិនទាំង១៨នាក់របស់កម្ពុជាជាបន្ទាន់ដោយមិនបង្អែបង្អង់” ព្រមទាំងគោរពនិងអនុវត្តនូវរាល់កាតព្វកិច្ចទាំងឡាយនៅក្រោមច្បាប់អន្តរជាតិ ជាពិសេសច្បាប់មនុស្សធម៌អន្តរជាតិ ដោយដោះលែងវីរកងទ័ពកម្ពុជាឱ្យបានឆាប់រហ័សជាទីបំផុត ដើម្បីពួកគាត់អាចវិលត្រឡប់មកជួបជុំក្រុមគ្រួសារវិញ ប្រកបដោយសុខសុវត្ថិភាព។

សូមគូសបញ្ជាក់ផងដែរថា រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ ដោយបានប្រើប្រាស់គ្រប់មធ្យោបាយនិងយន្តការដោះស្រាយទាំងអស់ ដើម្បីទាមទារឱ្យភាគីថៃដោះលែងវីរកងទ័ពរបស់យើងទាំង១៨នាក់នោះ ឱ្យបានឆាប់រហ័សជាទីបំផុត និងដោយសុខសុវត្ថិភាព។

រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងទ័ពរបស់យើងណាម្នាក់ចោលនោះឡើយ មិនថាក្នុងកាលៈទេសៈណាក៏ដោយ៕

6:23ព្រឹក យន្តហោះF-16សៀម កំពុងហោះលឺសម្លេងទ្រហឹង នៅលើផ្សារកណ្តាល ក្រុងប៉ោយប៉ែត៕
17-12-2025