🚨ព័ត៌មានក្តៅៗ: នៅព្រឹកថ្ងៃទី ២៩ ខែវិច្ឆិកា ឆ្នាំ២០២៥នេះ ក្រុមទាហ៊ានថៃ🇹🇭របស់កងវរសេនាធំនគរបាលល្បាតព្រំដែនទី ៤ បានឮសំឡេងផ្ទុះនៅក្នុងគុម្ពោតក្បែរព្រំដែន Ban Nong Chan ក្នុងស្រុក Khok Sung ខេត្តស្រះកែវ។ ដែលតំបន់នេះ មិនទាន់ត្រូវបានបោសសម្អាតដោយអង្គភាពបោសសម្អាតមីនមនុស្សធម៌នៅឡើយ។

- បន្ទាប់មក: មេបញ្ជាការនៃក្រុមល្បាត បានបញ្ជាឱ្យយន្តហោះគ្មានមនុស្សបើក(ដ្រូន) ចំនួនមួយគ្រឿង ដើម្បីតាមដានស្ថានការណ៍ និងបានស្នើសុំការយល់ព្រមពីមេបញ្ជាការនៃកងកម្លាំង Burapha ដើម្បីអនុញ្ញាតឱ្យ N.P.T.1 ធ្វើប្រតិបត្តិការជួយសង្គ្រោះ និងបានរាយការណ៍ទៅក្រុមបោសសម្អាតមីន។

- នៅពេលដែលក្រុមបោសសម្អាតមីនបានមកដល់កន្លែងកើតហេតុ ពួកគេបានរកឃើញ បុរសជនជាតិចិន🇨🇳ម្នាក់រងរបួសដោយសារជាន់មីន ខណៈពេលកំពុងលួចឆ្លងកាត់ព្រំដែនខុសច្បាប់ពីប្រទេសកម្ពុជា🇰🇭ចូលទៅក្នុងប្រទេសថៃ🇹🇭។ បុរសរងរបួសរូបនោះញ័រខ្លួន និងយំសុំជំនួយជាភាសាអង់គ្លេស និងចិន។

- មន្ត្រីល្បាតថៃ បានផ្តល់ជំនួយសង្គ្រោះបឋមមុនពេលដឹកគាត់ទៅកាន់មន្ទីរពេទ្យ ដើម្បីព្យាបាលជាបន្ទាន់។

- បច្ចុប្បន្ន: ជនជាតិចិនរូបនេះ កំពុងសម្រាកព្យាបាលនៅមន្ទីរពេទ្យ កុងស៊ុង នៃខេត្តស្រះកែវប្រទេសថៃ🇹🇭៕