សម្តេចបវរធិបតី ហ៊ុន ម៉ាណែត អញ្ជើញចូលរួមពិធីជប់លៀង ក្នុងឱកាសនៃការចូលជាសមាជិកអាស៊ាន របស់ប្រទេសទីម័រឡេស្តេ

(ម៉ាឡេស៊ី)៖ សម្តេចមហាបវរធិបតិ ហ៊ុន ម៉ាណែត នាយករដ្ឋមន្ត្រីនៃកម្ពុជា នារសៀលថ្ងៃទី២៧ ខែតុលា ឆ្នាំ២០២៥នេះ បានអញ្ជើញចូលរួមក្នុងពិធីជប់លៀង ក្នុងឱកាសនៃការចូលជាសមាជិកអាស៊ាន របស់ប្រទេសទីម័រឡេស្តេ នៅប្រទេសម៉ាឡេស៊ី។

សូមបញ្ជាក់ដែរថា ប្រទេសទីម័រឡេស្តេ ត្រូវបានប្រកាសបញ្ចូលជាសមាជិកអាស៊ានទី១១ ជាផ្លូវការ នៅព្រឹកថ្ងៃទី២៦ ខែតុលា ឆ្នាំ២០២៥ក្នុងកិច្ចប្រជុំកំពូលអាស៊ាន លើកទី៤៧ នាទីក្រុងកូឡាឡាំពួ ប្រទេសម៉ាឡេស៊ី។ មុនពេលប្រកាសជាផ្លូវការនេះ គ្រប់មេដឹកនាំប្រទេសនៃបណ្តាសមាជិកអាស៊ានទាំង១០ រួមទាំងប្រទេសទីម័រឡេស្តេខ្លួនឯងផ្ទាល់ បានចុះហត្ថលេខាលើឯកសារទទួលស្គាល់ជាផ្លូវការ ឱ្យទីម័រឡេស្តេ ចូលជាសមាជិកទី១១ របស់អាស៊ាន៕

🚨ព័ត៌មានថៃក្តៅៗ: នៅថ្ងៃទី ២៧ ខែតុលា ឆ្នាំ ២០២៥ វេលាម៉ោង ៣:៣០ រសៀល គ្រាប់បែកមួយគ្រាប់បានវាយប្រហាររថយន្តភីកអាប់មួយគ្រឿងរបស់សមាជិកអ្នកស្ម័គ្រចិត្តការពារភូមិ (VDV) នៃអង្គភាព C.K.T. Riang ខណៈពេលកំពុងត្រឡប់មកពីបេសកកម្មជួយសង្គ្រោះប្រធានស្រុករួសរាន់ ដែលធ្លាប់បម្រើការជាមេដឹកនាំ C.K.T.។ ហេតុការណ៍នេះបានកើតឡើងនៅ Ban Muba ភូមិ ៦ ឃុំបាទង ស្រុករួសរាន់ ខេត្តណារ៉ាធីវ៉ាត។

ហេតុការណ៍នេះបានធ្វើឲ្យមិត្តរួមការងារ និងអ្នកស្រុកក្នុងតំបន់មានការសោកសៅ និងភ្ញាក់ផ្អើលយ៉ាងខ្លាំង។ គ្រប់ភាគីទាំងអស់សោកស្ដាយចំពោះការបាត់បង់មន្ត្រីដែលមិនគិតពីប្រយោជន៍ផ្ទាល់ខ្លួន និងថ្កោលទោសចំពោះទង្វើឃោរឃៅ និងអមនុស្សធម៌របស់ជនល្មើសដែលប្រើអំពើហិង្សាដើម្បីធ្វើបាបអ្នកដែលបម្រើសាធារណជន។

ប្រភព: ក្រុមការងារថៃ

🚨ព័ត៌មានថ្មីៗ យោធភូមិភាគទី៤កម្ពុជា និងយោធភូមិភាគ២ថៃ ជួបប្រជុំជាមួយអ្នកសង្កេតការណ៍អាស៊ាន (AOT) នៅច្រកអូរស្មាច់

នៅព្រឹកថ្ងៃទី២៨ ខែតុលានេះ កងទ័ពនៃយោធភូមិភាគទី៤របស់កម្ពុជា និងកងទ័ពនៃយោធភូមិភាគ២របស់ថៃ ជួបប្រជុំជាមួយអ្នកសង្កេតការណ៍អាស៊ាន (AOT) នៅច្រកព្រំដែនអូរស្មាច់ ខេត្តឧត្តរមានជ័យ។ នេះបើតាមការចុះផ្សាយរបស់ទីភ្នាក់ងារព័ត៌មានកម្ពុជា(AKP)។ ប្រភពដដែលបញ្ជាក់ថា គោលបំណងនៃកិច្ចប្រជុំនេះ គឺជជែកពីការអនុវត្តតាមស្មារតីនៃសេចក្តីថ្លែងការណ៍រួម ស្តីពីសន្តិភាពរវាងកម្ពុជា-ថៃ។

រូបថត៖ ខឹម សុវណ្ណារ៉ា នៃទីភ្នាក់ងារព័ត៌មានជាតិកម្ពុជា(AKP)