🚨ព័ត៌មានក្តៅៗ! ផ្ទុះ​គ្រាប់​បែក​ចង្កោម​ នៅ​ខេត្ត​ព្រះវិហារ​ បណ្ដាល​ឱ្យ​កុមារាម្នាក់​ស្លាប់ និង​បុរសម្នាក់​របួស​ធ្ងន់

ព្រះ​វិហារ​៖​ កាលពីថ្ងៃទី២៥ ខែតុលា មានករណីផ្ទុះគ្រាប់បែកចង្កោមនៅភូមិបង្គោលលេខ៨ ឃុំស្រអែម ស្រុកជាំក្សាន្ត ខេត្តព្រះវិហារ បានបណ្តាលឱ្យកុមារាអាយុ១០ឆ្នាំម្នាក់ស្លាប់​ និងបុរសម្នាក់របួសធ្ងន់។ នេះ​បេី​តាមអាជ្ញាធរ​មីន។

អាជ្ញាធរមីន​ អំពាវនាវដល់ប្រជាពលរដ្ឋ​ កុំប៉ះពាល់ ដំ គប់លេង​ នៅពេលឃើញគ្រាប់មីន និងគ្រាប់យុទ្ធភណ្ឌមិនទាន់ផ្ទុះ​ ជាពិសេសត្រូវ​រាយការណ៍ទៅអាជ្ញាធរមូលដ្ឋាន និងប្រតិបត្តិករបោសសម្អាតមីនដែលនៅជិតទីនោះ ដើម្បីយកគ្រាប់ទាំងនោះទៅកំទេចចោល។

ប្រភព​៖​ អាជ្ញាធរ​មីន

🚨ព័ត៌មានក្តៅៗ! លោក​ប្រធានាធិបតី​អាម៉េរិក​ ដូណាល់​ ត្រាំ​ បាន​ធ្វើ​ដំណើរ​មកដល់ប្រទេស​ម៉ាឡេស៊ី​ហេីយ

ម៉ាឡេស៊ី​៖​ នៅ​ម៉ោង៩ព្រឹកនេះ​ លោក​ ដូណាល់​ ត្រាំ​ ប្រធានាធិបតី​អាម៉េរិក​ បាន​ធ្វើ​ដំណើរ​មកដល់​ប្រទេស​ម៉ាឡេស៊ី​ហេីយ​ ដេីម្បី​ចូលរួម​កិច្ច​ប្រជុំ​អាស៊ាន​នៅថ្ងៃទី២៦​ តុលានេះ។ នៅថ្ងៃនេះ​ លោក​ ដូណាល់​ ត្រាំ​ នឹង​ចូលរួម​ក្នុង​ពិធី​ចុះហត្ថលេខា​លេី​កិច្ច​ព្រមព្រៀង​សន្តិភាព​រវាង​កម្ពុជា​ និងថៃផងដែរ។