សេចក្តីប្រកាសព័ត៌មាន

លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាប៖

បន្ទាប់ពីបញ្ចប់កិច្ចប្រជុំពិសេសលើកទី២ នៃគណៈកម្មាធិការព្រំដែនទូទៅ កម្ពុជា-ថៃ (GBC) ដែលបានប្រព្រឹត្តទៅនៅថ្ងៃទី២៣ ខែតុលា ឆ្នាំ២០២៥ កាលពីព្រឹកមិញនេះ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៃព្រះរាជាណាចក្រកម្ពុជា បានចូលរួមជំនួបត្រីភាគីរវាង ឯកឧត្តម Mohamed Khaled Bin Nordin រដ្ឋមន្ត្រីក្រសួងការពារជាតិម៉ាឡេស៊ី និងឯកឧត្តម នាយឧត្តមសេនីយ៍ ណាត់ថាក់ផុន ណាកផានីត រដ្ឋមន្រ្តីក្រសួងការពារជាតិ នៃព្រះរាជាណាចក្រថៃ។

ភាគីទាំងបីបានឯកភាពគ្នាក្នុងការបន្តខិតខំថែរក្សាសន្ទុះនៃការស្វែងរកសន្តិភាពឡើងវិញរវាងប្រទេសកម្ពុជា និងថៃ តាមរយៈយន្តការសំខាន់ៗដែលបានឯកភាពគ្នាក្នុងកិច្ចប្រជុំពិសេសលើកទី២ នៃគណៈកម្មាធិការព្រំដែនទូទៅ កម្ពុជា-ថៃ (GBC) កាលព្រឹកមិញនេះ។ ភាគីកម្ពុជាក៏បានថ្លែងអំណរគុណចំពោះកិច្ចខិតខំប្រឹងប្រែងយ៉ាងមានប្រសិទ្ធភាពរបស់ម៉ាឡេស៊ីក្នុងការជួយសម្របសម្រួលដល់ការចរចារវាងកម្ពុជា និងថៃកន្លងមក៕

ថ្ងៃព្រហស្បតិ៍ ២កើត ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៣ ខែតុលា ឆ្នាំ២០២៥ - ទីក្រុងកូឡាឡាំពួរ ប្រទេសម៉ាឡេស៊ី

វីដេអូ៖ សារពិសេសរបស់ សម្ដេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា ជូនបងប្អូនជនរួមជាតិ ពាក់ព័ន្ធនឹងការដោះស្រាយបញ្ហាព្រំដែន ជាពិសេសនៅភូមិព្រៃចាន់ និងភូមិជោគជ័យ ក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយសារស្ថានការណ៍បានបោះមួយជំហានទៅមុខ ប្រកបដោយភាពច្បាស់លាស់ជាងពេលមុន ដោយភាគីទាំងពីរអាចយកគោលការណ៍ច្បាប់មកជជែកគ្នាដើម្បីរកដំណោះស្រាយមួយដោយសន្តិវិធី។

រាជធានីភ្នំពេញ ថ្ងៃព្រហស្បត្តិ៍ ទី២៣ តុលា ២០២៥

#ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

🚨ព័ត៌មានក្តៅៗ! កាសែត The Nation នៅរសៀលថ្ងៃទី២៣ ខែតុលា ឆ្នាំ២០២៥ បានចុះផ្សាយដោយដកស្រង់សម្តីរបស់រដ្ឋមន្រ្តីការពារជាតិថៃ លោក Nattapon Nakpanich ដោយបានប្រកាសថា កិច្ចប្រជុំពិសេស GBC នៅប្រទេសម៉ាឡេស៊ី ទទួលបានជោគជ័យ ដោយសង្កត់ធ្ងន់ថា កម្ពុជាបានយល់ព្រមតាមលក្ខខណ្ឌពិសេសរបស់ថៃ គឺការដកអាវុធធុនធ្ងន់ចេញពីព្រំដែន។

នេះជាការចុះផ្សាយលំអៀងទាំងស្រុង ដើម្បីទាញការចាប់អារម្មណ៍ និងបំពេញចិត្តពលរដ្ឋរបស់ខ្លួន។

សម្រាប់សេចក្តីថ្លែងការណ៍រួម ដែលកម្ពុជា-ថៃ បានឯកភាព និងបានចេញជាផ្លូវការណ៍ ក្រោមការសង្កេតការណ៍ ដោយតំណាងពីមកពីប្រទេសម៉ាឡេស៊ី សហរដ្ឋអាម៉េរិក និងសមាជិក នៃក្រុមអ្នកសង្កេតការណ៍អន្តរកាល (IOT) ប្រចាំនៅកម្ពុជា និងថៃ គឺបញ្ជាក់យ៉ាងច្បាស់ថា អង្គប្រជុំបានឯកភាព និងគាំទ្រលើផែនការសកម្មភាពសម្រាប់ការសម្រួលអាវុធធុនធ្ងន់ ដែលមានសមត្ថភាពបំផ្លាញខ្លាំង។

ដូច្នេះជារួម សេចក្តីថ្លែងការណ៍ដែលប្រកាសចេញនេះ គឺទាំងកម្ពុជា និងថៃ បានគាំទ្រលើផែនការកែសម្រួលអាវុធធុនធ្ងន់តាមព្រំដែន ដែលមានសមត្ថភាពបំផ្លាញខ្លាំង មិនដូចអ្វីដែលកាសែត The Nation បានចុះផ្សាយយកបុងនោះឡើយ។

«បង ស៊ន សុភក្ត្រ»

🚨អ្នកប្រជុំផ្សេង អ្នកនៅក្រៅប្រជុំផ្សេង អ្នកនៅក្រៅប្រជុំកំពុងចុះលើកទឹកចិត្តកងទ័ព និងបោះពាក្យសម្តីថា«ត្រៀមខ្លួនដើម្បីការពារដែនអធិបតេយ្យភាព» (សៀម)