﴿وَاللَّهُ خَيْرُ الرَّازِقِينَ﴾

نعمة ما بعدها نعمة

حركتك قليل وبين الطين
اجذب العين اگلها الماي صافي؟
أنا بنفس الحجر ماطيح مرتين
طحت مرة بـعَد ماطيح كافي
زهگت الزمن طلعت روحه شلون
شرب دمي واگله اشرب ، عوافي .

نِاس تحب خرابَ وكُل طشاش
أثنينَ يحَسدون الكصيِبة شلون ملمومه
وَبس أَنتَ العزلتِك بين هاي
الناس وَرممَتك وانا بيوت اهلي
مهجِومة
أَمس روحي أشتهت واحد
مزعلِها
وحنتَ والمحنة ما تطيحلها
أمس جثة أهنود الروحَ
تالي الليَل
كبال أَعيون أهلهَا تحترِك كلها
أمس حطيتهن مرسال يَم مِرسال
وعاينت ردودك ما أستاهِلها
مثل حطة صواع بحمٍل بنيامينَ تتهمني بعمايل مانَي عَاملها
أنَا روحي التِواضع وين وصلها طِير أمشي على جدِمي
وناسي عنِدي أجناح
بگثر ما عاشرت وادم نزلتلهَا

٢٠١٤/١١/٦

هنا احتدم الموت وكنا اسياد النزال..
آخر كلمات الشهيد علي رشم
الذي تمر علينا الذكرى السنوية العاشر لاستشهاده
كان بإمكانه أن يعيش حياة الشعراء والرفاهية بعيداً عن غبار المعارك وأزيز الرصاص إلّا أنّ عشقه لتراب الوطن دفعه ليعمل مراسلاً حربياً في وقت حرج من تأريخ البلاد
ترك كل شيءٍ خلفه حتى دراسته الجامعية ليوثق بطولات القوات الامنية في ساحات الوغى.. كان يعلم بأنّ طريق السلام الذي ينشده في قصائده لا بُدّ وأنْ يمر بعقبات الحرب

‏استشهد يوم 6 تشرين الثاني 2014 خلال عمليات تحرير جرف الصخر ليُوارى جسده الثرى مع الشهداء والصديقين بعد أن كان مجاهداً شاعراً إعلامياً وقف مع الحق في وقت الشدة ولم يتوانَ عن نصرة أهله ووطنه .

و اغص بريحتك ما گمت اغص بالزاد

گالوا مايذكرك بـعَد مـا دامة
مشى ولاگيله ناس تحقق أحلامة
وگلت بالعافية ومابينت مكسور
بـَس رديت گلبي مدنگ الهامة
عفتني بلا سبب تشبه حجي المگوار
مانعرف عليمن دورة اللثامة
ما باريك ذمة وباجر مـن تموت
يدگون برگبتك عمر والشامة
صرتلك صيدة خاف الوادم يگولون
عنك مايعرف يسدد سهامة
الوكت مو وكت طيبة المطر چيفن زين
مـا شفناله صاحب طاح گدامة .

خاب أعلى شوفة وجهك أنخاك
چا وين الـ مسولفهن وياك؟
يخنگني شوگي الما رضى يفض
وكل ما أنكال اسمك أغمض
اريد أنسى بس الـ ليش تعرض
وها حشى جدامك صوچ دربي
المشكلة عيونك هنة هنة
چا وين وديت المحنة

خل تفُض !
يَـالتلمح تريد نكُلك وترفُض ،
مَـا عايز مَريض يسوي هيچ ويَـاي
أنَـا من گـاعي متمرّض .

شو خنت ؟
وأنتَ ذاك التعصر إيدي عصرة التطلگ چنت
من تجي وڪلساع بڪلادة خِفت
آنه چنت مراية إيد و موش ڪل وجهك شفت
تعوفني وتڪدر بدوني ؟
ليش يا ثالث عيوني ؟
لا تخليني أحسب رموشك واغيبك
وآنه ڪلب أمك عليك
والله أطيح وياك إذا مابيّه أطيبك
ڪون چف فزاعة چفي
بلايه أصابع تگدوني معوّل عليك
جرس ثاري
وويه مآ باب إنفتحلك شلت إديك
چدامي مثل الگذلة ثگّلها المطر
الدنيا تمطر ..
وأشتهي ترد المحنّة البالرسايل والصور
غابت شموسك والفياي إنهب
وآنه وصيت وڪلت ذبّ الگلايد
لا يجيس آثار بوساتي الذّهب
من درت وجهك وأمانك شح عليّه
خوفة الڪاتل خفت حتىٰ إمن إدية !
ومآ تفض ..
أغنية تدفعني وأجي لبابك رڪض
وانزويت
وأذب يم العتبة حسرة
آخ يا تچايتي شسواك ڪسرة
لا حرام الله رضاها ولا حلاله
حبيّبك محد بقاله
والسوالف تنتهي بعوفوه بحاله
وعافوه بحاله ..
- علي مهدي..