الليل مَد روحة بغُرفتي
وجاب حزن الناس كِلها
حطه يمي وسد أذانه
ياهو مابي حيل يبچي ؟
خلي ابچيلة بمچانة
الليلة ما بين الجثث
حَلمان گلبي
شارد من الخوف يركض
ليل ومضيع نهَارة ..

عود اذكريني اذا مر الوكت
و عادي ما انسى ، إذا تنسيني
يلا روحي و خل ارد باقيلي حيل
ع الوداع هواي لتوگفيني
" هيچ تالي وداعنا يصير ببرود
ما احضنچ و انتِ متحضنيني؟ "
رحتي حتى و لا التفت وجهچ شجاچ !
شعفتي ميت ؟ ردي چا دفنيني
ما احس بـ اجدامي يمكن راح اطيح
اخذيني يم حايط عليه تچيني ..

ردي ذني احلامي راسمهن عليچ
حلم واحد و لو بس شوفيني
" اني قبلچ چنت الف راسي و انام
والله هاي الدنيا متلهيني "

أنسى وارجع أتذكرج
أستغربت هالمرة
من الصورة طلع عطرج

منين أجيب عيونج وحتى أبطل
بعد ما اكتب شعر
بلكت ترجعج قصيدة
والله ماريد اشتهر
السؤال اليخوفني؟
انتِ، يمكن عاجبج هيج انكسر !

هاي هية وداعتچ لا تستحين
دوسي فوگ الروح.. العبي .. او واعديني و لاتجين
حبي غيري ..اتشاقي..اضحكي..صاحبي..وانتي من حقچ يحلوة تصاحبين
انتي مو اول حبيبه تشرح بسچينها ثياب الحنين
وليش كل احنة حزانى ..
لا يشيل هموم گلبچ..
يكفي بس اني حزين
يكفي اشيل اهمومچ..اهموم الشماته..اهموم دهري..
وكلهن بهالرگبة دين
وصيري صيري اشتشتهين
صيري ليل لوحدي اسهره
صيري شط بليل اعبره
صيري.. صيري اشتشتهين
يوم بيضة و يوم سمرة
يوم غيمة و يوم گمرة
صيري يا زرع العمر شتلة ونين
مو عجيبه…
اتموت گطرة ندى بخد الياسمين
واني وحده اللي احبها
وانتي يدري الله شكثرهم عاشگين..
وعاجبين
وما اگول اكثر شگولن؟
هو ذنبي لا سكنت وية الاجوني
ولا تبعت الراحلين
ولانه خالي و مختلي ومرتاح بالي
ولاني من العاشگين
ومدري ليلي شلون اخلصه
ولا سهرت وية السهارى
ولاني من النايمين
ولاني عابد و ارتجي الجنة امن اموت
ولاني من الكافرين
اني قصتي وياچ قصة
انكتبت ابورقة قديمة و خط حزين
وانا وين؟ وانتي وين؟
انا لحظة
اشجابها اللحظة تدگ باب السنين
وليش اوج و اشتكيلچ…
و انة اعرفچ تطفين الحريق ابانزين
و اعترفلچ انتي ما عندچ ذنب
و اعترفلچ اني چنت بلا گلب
شلي بعلوم الاحبنها و تحب؟!
شلي بالعين الوسيعة الما تضم بصبيها تصوير المحب؟!!!
شلي بالنار بشتة العشاگ تطفة و ماتشب
شلي بالگذلة بهبوب الريح ماتلعب لعب
وانا وين؟ وانتي وين؟
وليش اوج و اشتكيلچ…
و انة اعرفچ تطفين الحريق ابانزين
وليش اموتن موت غيمة
وبالجزيرة الغيم خطوة تايهين
آه يا بنت الحلال
آه يا بنت الــــ….
لو اكو تأمين عالحب
چان اطالبهم يرجعولي ولو..
ربع السنين

صنطة شعرية ..

و هَلا بيها حَرب
خَلي آليصير يصير
من آطيح بمَعركة آلعِزة تلَگاني
آذا مو عَ نجم ما آرضى بالتعداد
مُشكلتة آلرضة بالثالث آلثاني

من ذِكرتَك مَدري شِنهي صار بيه
رِجف گلبي وراد يشلَعلي الضِلع
وصِحت!
شو مَحد سِمعني
وللعِلم لَمّن ذِكرتَك چان ليل
وصوت دَخان الجكاير ينسِمع.

‏إِنِّي أَرى يومَ انتِصارِ النَّاس
رَغمَ صُعُوبةِ الرُّؤيا
و أَسمعُ مِنْ هُتافِي في الشَّوارعِ
سِيَّما فِي ساحةِ التَّحريرِ
نَخبكَ يَا عِراقُ
و ليسَ ذي أَملٍ كَلِيلْ ..

٢٠٢٤/١٠/٢٥ 🇮🇶❤

انا ردتك تجيني مـا تجيني
اشوفك بالصور واتحاضن وياك
بويه شلون لو طايج بأديني
وأذا گتلك عيوني مقصر يجوز
حبيبي أنتَ وحبيبي
وعين عيني
وأگابل عينك الحلوة وأغني
وكل اليوجعنك يوجعني
أذِا تنجرح أنـي انجرح وياك
مثل مـا أنا منك
أنتَ مني .

مبروك لجماهير برشا 👋🏼

لأول مرة يفوزون خطية

الله يبارك بيج

راسك لا تحطة براس الفحلة
وسيفك على اسيادك بالك تسله
موش بگاعنه هناك العرك ردناه
احنه اليعلة صوته نطگه يم اهله

ذكرت الموعد الاول
من الزمت جفينك
قميصك ما شفت يالون
جنت مركز بعينك

الليله اموت الليله اخر ليله
اللّيلهِ هيَِچ دمِي يِطرز الفَانيلة
اللّيله گلبيِ يندَفن وتنِدفن ويا حرارة چيلَه !
يمه اخافن يمه ضميني بسواد الشيله