شحچي وغير وجهك
ماكو موضوع
ومن گتلي انتظرني
شوية لتنام
بقيت لخاطرك
ما نايم اسبوع .

هاي نزوة وتنتهي و باچر تحير .

علي مهدي لجبار رشيد :

الك موقف وياي اعلىٰ الحبيبة بيوم
قاسي الگلب شافتني ..
ولوما " خذني يمك "
چان عافتني !

وَحَسبُك أنّها دُنيا وَتفنى .

علامَه الصبُر ليش اصبر علامة
بحبل الموت حبل الروِح مَشدود
جَسر ويعود لتگلي بسلامة اذا
گال القدر مَيعود، مَيعود حُر الصيد
ينصاد بحَمامة وبرگع للمَمات
الشوف مسدود انا الطَب ولگى
بگلبه غرامَه مَكتول وعلىٰ السجَين
مَسنود وأداة القتِل مَطعون
بملامه وراسم مِن نزيفه عَيون
وخدوِد گات بلكى الصَدى حافظ
كلامه وما ادوِر نفي وإثبات
وشِهود خرسة الگاع وتحَذر النعامَة
ولسان الصَدگ بالخِوف مَعگود
مِن المُعدم إلى أصَحاب الفخامة
مَروراً بالبُطر والعاش مَگروِد اسم
مخِطوط تاليَنا برخامَة فوگ
الگاع اسم والطين للّدود .

شيصيراً بعد خل اليصير يصير
خل كل شي الـ الية
وينگلب ضدي
خل سنيني تغرگ
خله عمري يفيض
خله گبال عيني وينهدم سدي
خايف صح چنت
بس چنت اخاف عليك
والمن بَعدك انتَ
وخايف شعندي ..
- جبار رشيد

خَلهن مو وكتهن
خاطر احچيهن
يجيني الليل
واگعد وانفرد بيهن
وافتح بابهن
فتحة جناح الطير
واراويك الجروح
المامراويهن ..

بَعد لتوَدي طيفك ليَلي مابي شوگ
اجاني وباب جفنِي بوجه سديته
أنا من الوردَ ضليت أظُم بالشوَف
لأن كُِلش يشبهك ماشتَميته .

الما يشبهونج شگلهم ؟
هيَ حيرة كل بعيد بعيني يصغر
وانت بعيوني چبيرة

1980/10/12 .

الليل مَد روحة بغُرفتي
وجاب حزن الناس كِلها
حطه يمي وسد أذانه
ياهو مابي حيل يبچي ؟
خلي ابچيلة بمچانة
الليلة ما بين الجثث
حَلمان گلبي
شارد من الخوف يركض
ليل ومضيع نهَارة ..

عود اذكريني اذا مر الوكت
و عادي ما انسى ، إذا تنسيني
يلا روحي و خل ارد باقيلي حيل
ع الوداع هواي لتوگفيني
" هيچ تالي وداعنا يصير ببرود
ما احضنچ و انتِ متحضنيني؟ "
رحتي حتى و لا التفت وجهچ شجاچ !
شعفتي ميت ؟ ردي چا دفنيني
ما احس بـ اجدامي يمكن راح اطيح
اخذيني يم حايط عليه تچيني ..

ردي ذني احلامي راسمهن عليچ
حلم واحد و لو بس شوفيني
" اني قبلچ چنت الف راسي و انام
والله هاي الدنيا متلهيني "

أنسى وارجع أتذكرج
أستغربت هالمرة
من الصورة طلع عطرج

منين أجيب عيونج وحتى أبطل
بعد ما اكتب شعر
بلكت ترجعج قصيدة
والله ماريد اشتهر
السؤال اليخوفني؟
انتِ، يمكن عاجبج هيج انكسر !

هاي هية وداعتچ لا تستحين
دوسي فوگ الروح.. العبي .. او واعديني و لاتجين
حبي غيري ..اتشاقي..اضحكي..صاحبي..وانتي من حقچ يحلوة تصاحبين
انتي مو اول حبيبه تشرح بسچينها ثياب الحنين
وليش كل احنة حزانى ..
لا يشيل هموم گلبچ..
يكفي بس اني حزين
يكفي اشيل اهمومچ..اهموم الشماته..اهموم دهري..
وكلهن بهالرگبة دين
وصيري صيري اشتشتهين
صيري ليل لوحدي اسهره
صيري شط بليل اعبره
صيري.. صيري اشتشتهين
يوم بيضة و يوم سمرة
يوم غيمة و يوم گمرة
صيري يا زرع العمر شتلة ونين
مو عجيبه…
اتموت گطرة ندى بخد الياسمين
واني وحده اللي احبها
وانتي يدري الله شكثرهم عاشگين..
وعاجبين
وما اگول اكثر شگولن؟
هو ذنبي لا سكنت وية الاجوني
ولا تبعت الراحلين
ولانه خالي و مختلي ومرتاح بالي
ولاني من العاشگين
ومدري ليلي شلون اخلصه
ولا سهرت وية السهارى
ولاني من النايمين
ولاني عابد و ارتجي الجنة امن اموت
ولاني من الكافرين
اني قصتي وياچ قصة
انكتبت ابورقة قديمة و خط حزين
وانا وين؟ وانتي وين؟
انا لحظة
اشجابها اللحظة تدگ باب السنين
وليش اوج و اشتكيلچ…
و انة اعرفچ تطفين الحريق ابانزين
و اعترفلچ انتي ما عندچ ذنب
و اعترفلچ اني چنت بلا گلب
شلي بعلوم الاحبنها و تحب؟!
شلي بالعين الوسيعة الما تضم بصبيها تصوير المحب؟!!!
شلي بالنار بشتة العشاگ تطفة و ماتشب
شلي بالگذلة بهبوب الريح ماتلعب لعب
وانا وين؟ وانتي وين؟
وليش اوج و اشتكيلچ…
و انة اعرفچ تطفين الحريق ابانزين
وليش اموتن موت غيمة
وبالجزيرة الغيم خطوة تايهين
آه يا بنت الحلال
آه يا بنت الــــ….
لو اكو تأمين عالحب
چان اطالبهم يرجعولي ولو..
ربع السنين