مو بـَس للحرب اطلع چنت وياك
جنت وياك طالع حتى من ديني
اني اذيت كلمن حاول يأذيك
ليش گبال وادم غربه تأذيني؟

گالولي أنخطَف گلبَه
وعذُر ماگاعد الگالَك
صدِك مِن تسمَع أغنية
شَخص غيري يجي ابالك ؟

وخاف اموتن
نامي يمي وبوسي گبري
واودعيني
ولايضل بالج علية
حتى لو ميت أحبَچ
وابد مَ يبرد حنيني
وادري بيچ شگد حنينة
وخاف اتعبج لا تجيني
هاي دنيا وكلها تمشي
ابريني ذمه وسامحيني
يجوز اروحن مـن ايدينچ
وأنتِ بعدچ بين ايديني .

ومن اول سلام وياك
قريت وداع بعيونك
الهضيمة تغيرت وحدك
ولا تعبو عليك هواي
من رادو غيرونك
ولك عذبت واحد كلبه تشريني
ماسيطر ع دموعي
من الاگلي انسان ناسيني
ولك يبعيد
وخر عن شرايني
احسك جاي تتسابق وي الشمات
ياهو اكثر يبجيني .

مشكلتي بغيابك برد
خلاني بالصيف اختض
العظام مابيهن كسر
والگلب كسرين ورض
كون ارجع النارك حطب
تعبان وانا ادري التعب
ممكن يروح وينفض
بس اني ناقصني الصبر
وانت وضحكتك والحظ .

گتلك أحبَك
گتلي خل نبقى اصحاب
هالفكرة امنيتي اعرف السواها
همزين ربك ماگلت لامي بشيء
چان الكسر كسرين أنـي وياها .

يَلهيني النهار والتهي
ويا الناس
ولچمني الغروَب وتنزف ضنوني
اشد رمش برمش
ماترضى عيني تنام
اراويها الصور وتصيح ردوني .

تالي الليل يمي يسير الشيطان
وتحتار الخلگ وزيته وزاني
ماحب اعتذر
راضع زعل وعناد
بالعيون التشبهك عثره تلكاني
سولف ع الندى ع الورد ع الفراش
عايفهن الك ماتعب لساني
وجتفت النهر مايصعب الشلال
لتستغرب ردود افعال وجداني
رحت للمعركة
جبت الخوذ ولروس
بدم قاداتهم حنيت بيباني
ترجف بالحرب ، يم صيتي صيتك وين ؟
شغلتك بالحروب تسرفن رداني
خطار النهر ، لو عطش لو غرگان
شيخلصك اذا كفيت ذرعاني

وگتلي تگضي!
شلون تگضي ؟
براسي تفتر السكاره
براسي احسّن كاظم إسماعيل گاطع
يكتب وبيده جگاره

مارُهمت ويانا تگول ماعيّش
بمحكمة القدر طلگنا الأفراح
طيور الخير هَجن عَافن البيت
وغراب الفگر بمچانهن صَاح
مسُودن بختنا وحظنا مشلول
ومِن كثر الحِزن منهم عَلى الرَاح
على الجَاهل گبل نتنگب نگاب
هَسه يموت أبونا نگول يرتاح
مَدام الموت أرحم لليموتون
دمشُونا لعد كِل أحنا نرتاح

في حياتي الشخصية
‏أنتِ أهم من برشلونة
‏وهذا أقصى ما باستطاعتي
وصفكِ به .

جذب برشلونة أهم👍🏼

هاي السنه عكس المُضَن
لاحبك ولا ريدك
ولو لقطه مريت بحلم
لاشوفك ولا عيدك.

ويجيك واحد يگلك ليش تحبهم❤💙

‏⠀
كف بأول جرح لا تنلچم مرتين
عاهة يظل إذا مرتين يتخيط!
ابتره الـ يوجعك من الجذر وارتاح
عليمن باقي عثرة ووضعك مخربط
يستفحل إذا ما قررت ينهيك
اگطع دابره من تعوفه يتسلط
ما يحمي الظهر لا بالملاگة يفيد!
ما بيه نفع زايد وين ما ينحط

لـيش تحبهم؟

من نولدت وبديت اكبر شفت أبوي يشجع نادي يلبس ازرگ واحمر لعبهم مُمل بس باصات وجنت اركض اباوع من اسمع ابوي يصيح گووووووول هدف القزم هدف القزم جان اسم القزم (ميسي) اباوع بس على أهداف القزم بعدين شفت ابوي يضوج من يخسرون ويفرح من يفوزون گلت هو ليش هيج يسوي خليني اگعد واشوف ولعبة ورا لعبة شهر ورا شهر سنة ورا سنة وهاي خلصت 14 سنة من أصل 21 سنة صار برشلونة عندي كلشي والقزم أفضل لاعب بالتاريخ❤💙

وانه گلشي البيه منّك
هذا خوفي
ورجفة چفوفي
وحزن روحي وغناها
عرس دمي
وفرحة عيوني وغناي
ومشتهاي، عطش نجمة لضواها
حتى حبك
والنداوة الفوك جفني
كلها منّك