طاريچ مـن ينذكر
اترك الگعده واهچ
والعن ابو الجابه
وثنين هنَ ترا
لو چذب هذا الحچي
لو أنتِ چذابه
الما راد يمچ لعب
هيج بسبب عملتج
ينلعب بأعصابه
ومن كثر مـا احترگ
وصلت لسابع سلف
ريحة العطابة
واليحب مـن ينطعن
الا بگبر يندفن
حتى يبرد صوابه .

ما عايز مَريض يسويِّ هيچ وياي
أنا مِن كاعي متمَرض
كسرة ببَشر يسوة ولآ مزاج يرُض
ارييييِّد أخلص اريِّد اكطَع
إلليّ يغمُض عيونه ويبچي ما يسمَع
طلعت روحي هأي وعود ما بادين
چا بأخر آيامي بيش رأح اطلَع

غريبة الدنيا والاغرب دردها
التبچي سنون واليضحك دردها
الاهي ربي امانتك روحي دردها
اخذها من وكت واستر علية

تگلي احميك وانتَ
ملثم مـن الخوف
تسولف عَلى الندى
وتحرگ بساتيني !

ليش هواي تبچي؟
- عِراقي
بَس مو كُل العراقيين
هواي يبچون
- يبچون العراقيين
المايبچي بعيونة يبچي بگلبة.

لَمحتلَك ألف مرَة
وإنتَ تعرُف غايتِي وماطاوعتنِي
وسولفتلَك سالفة عاشِگ خَجول
وإنتَ تعرُف هوَ آنه! ، وماعرفتَه وخجلتنِي
وسولفتلِي إعله الحرُب والمُوت والدَم والضحايا 
وكلمَة المحتاجهَة ماسمعتنِي ..
وكُلشي گتلي وكلمة المَيت عليه
عاندِت روحك عليها وعاندتنِي
وبينَن كلهِن عليك .. وإنتفض وجهك بوجهي وصيحتنِي
وضيعتني وهَسه مِن طاحَن سنيني إتذكرتني؟
ليش مِن گلبك رجف ماصارحتنِي
شبيك مِن عينك خَذتني  ..
إتذكرِت موقف بچيت وطيحتنِي
ومِن إجيتك حَتى بحچاية چذب ماجاملتني
وآنه إجيتَك غاسل چفوفي بـ ورِد مِن سلميّت
وإنتَ غاسل چَفك بماي الغرُور وصافحتني
وكُلشي ماواضِح عَليك
وآنه حَتى هدومي تهواك وأحسَّن فاضحتني!
يشكن أيامَك خسارات وضياع
وآنه چي حبيتَك سنيني أحسَّن رابحتنِي
چان مِن ضِلعي خِشبها أبلام عُمرك ..
وعبرِت حَتى اليكرهَك بيهِن وماعبرتنِي
وشاغ گلبَك مِن سمع طاري الجَرح
وچفوفي ركضَن صبرنَّك!
وإنتَ ياصانِع جرُوحي الـ لا عِفتني أبچي
ولا مِن صبرتني  ..
ومرمتنِي،  مَوتتنِي
مرَة غازلتَك چذب وتورطيت
وألف مرَة إتعذرت ماسامحتنِي
وتزعَل وتاخذ عيُوني ..
وماأگلك شو خذِت كلشي لچن ماصالحتنِي .

مو بـَس للحرب اطلع چنت وياك
جنت وياك طالع حتى من ديني
اني اذيت كلمن حاول يأذيك
ليش گبال وادم غربه تأذيني؟

گالولي أنخطَف گلبَه
وعذُر ماگاعد الگالَك
صدِك مِن تسمَع أغنية
شَخص غيري يجي ابالك ؟

وخاف اموتن
نامي يمي وبوسي گبري
واودعيني
ولايضل بالج علية
حتى لو ميت أحبَچ
وابد مَ يبرد حنيني
وادري بيچ شگد حنينة
وخاف اتعبج لا تجيني
هاي دنيا وكلها تمشي
ابريني ذمه وسامحيني
يجوز اروحن مـن ايدينچ
وأنتِ بعدچ بين ايديني .

ومن اول سلام وياك
قريت وداع بعيونك
الهضيمة تغيرت وحدك
ولا تعبو عليك هواي
من رادو غيرونك
ولك عذبت واحد كلبه تشريني
ماسيطر ع دموعي
من الاگلي انسان ناسيني
ولك يبعيد
وخر عن شرايني
احسك جاي تتسابق وي الشمات
ياهو اكثر يبجيني .

مشكلتي بغيابك برد
خلاني بالصيف اختض
العظام مابيهن كسر
والگلب كسرين ورض
كون ارجع النارك حطب
تعبان وانا ادري التعب
ممكن يروح وينفض
بس اني ناقصني الصبر
وانت وضحكتك والحظ .

گتلك أحبَك
گتلي خل نبقى اصحاب
هالفكرة امنيتي اعرف السواها
همزين ربك ماگلت لامي بشيء
چان الكسر كسرين أنـي وياها .

يَلهيني النهار والتهي
ويا الناس
ولچمني الغروَب وتنزف ضنوني
اشد رمش برمش
ماترضى عيني تنام
اراويها الصور وتصيح ردوني .

تالي الليل يمي يسير الشيطان
وتحتار الخلگ وزيته وزاني
ماحب اعتذر
راضع زعل وعناد
بالعيون التشبهك عثره تلكاني
سولف ع الندى ع الورد ع الفراش
عايفهن الك ماتعب لساني
وجتفت النهر مايصعب الشلال
لتستغرب ردود افعال وجداني
رحت للمعركة
جبت الخوذ ولروس
بدم قاداتهم حنيت بيباني
ترجف بالحرب ، يم صيتي صيتك وين ؟
شغلتك بالحروب تسرفن رداني
خطار النهر ، لو عطش لو غرگان
شيخلصك اذا كفيت ذرعاني

وگتلي تگضي!
شلون تگضي ؟
براسي تفتر السكاره
براسي احسّن كاظم إسماعيل گاطع
يكتب وبيده جگاره

مارُهمت ويانا تگول ماعيّش
بمحكمة القدر طلگنا الأفراح
طيور الخير هَجن عَافن البيت
وغراب الفگر بمچانهن صَاح
مسُودن بختنا وحظنا مشلول
ومِن كثر الحِزن منهم عَلى الرَاح
على الجَاهل گبل نتنگب نگاب
هَسه يموت أبونا نگول يرتاح
مَدام الموت أرحم لليموتون
دمشُونا لعد كِل أحنا نرتاح

في حياتي الشخصية
‏أنتِ أهم من برشلونة
‏وهذا أقصى ما باستطاعتي
وصفكِ به .

جذب برشلونة أهم👍🏼