وانه كُلشي البية منّك
هذا خوفي
ورجفة چفوفي
وحزن روحــي ، وغناها
عرس دمي
وفرحة عيوني وغناي
ومشتهاي، العَطَّش النجمة لضواها
حتى حبك
والنداوة الفوگ جفني
كلها منّك
-صفاء السراي

مامرتاح
عيوني تستحي بس الدموع اوكاح
ما مرتاح
منّك
منّي
من الجاي من الراح
ما مرتاح
عركه وي الزمن و رجعنه مكسورين
و بعيده المسافة و ينسي اللي طاح
ما مرتاح
لأن شفت الشمس نزلت تبوس الگاع
و بچف الطفل تنلاح
و لأن قاضي البلابل مدد التوقيف
ومفتوحه السما
و الفيل عنده جناح
ما مرتاح
لأن قفل المحبة إنباگ
و ترهم عليه مفتاح
ما مرتاح ..

- كاظم إسماعيل الگاطع

أوجد فيِ أحد قصائدُ
جبَار رشيدَ وسميرَ صبيَح.
منَ كتاباتَ وِ قصائدُ عضيَمه الكَ
وأنَ تائهَ ابحثَ عليكَ هناَ وهناَلكِ
فَي تعابيرَهُم ولمَ اجدَ شيءَ كافياَ
لشرحَ احساسيَ وحُِبي وحزَني اليكَ
فيَا ليتَك تشعَر ماهوهِ عليهَ انا الانَ.

أنا الجميلُ السومري البابلي
كانت يدي قيثارة العشاقِ
هربت طيوري ..
حين ضاعَ أمانُها
فكأنني شجرٌ بلا أوراقِ
الشمسُ شمسِ والعراقُ عراقي

اني اعرف شغيرك
والغيروك رادو بيناتنه يموت
الهوى
عمو عينك من اجو ما كحلوك
العين مضل عين لو راح
الضوه .

وتكبر انت
وتصغر بعينك حياتك
وتبهت الألوان كلها
و وحده وحده
بعينك تموت أمنياتك

- " اسئل ليش احبك ؟
حته اكُلك ليش
وليش شما تسويِ
ويايَ اقبلكَ لحضه
مُوت عُمري سنينَ
كُلهن خوفّ وبَس
وياكَ أمن لمن اوصَلك
وأنتَ اخر نفسِ وشكد
عَزيزِ تصيِر بلحظهَ المُوت
تريدنا نملكَ خيطٓ عٰ جرحٍ
بالحم صَرت ويايَ لو كُل
الجروحِ طيب مافلكَ تعرُف
كُلشي بيهَ وماعرفت شبيك
لُغز .. حَلك لُغز من يكدر يِحلك
واشرد حتهَ اجيكَ مٰدري ليش
الخوف خافٓ تخاف مني
بسدك اختلك "

أنتَ خليك بمكاني
الصار بية يصَير بيك
بنص نهر لازم تعبرة
وتلتفت مَ تلگه أديك
انه هذا الصار بية
بنص نهر عافني أدية
وعالجرف بـَس الشماته
وانت گلي شلون اصير .

ماتخطيتك بعدني
ولمن يسألوني عنك
مَ اگلهم شاف حاله
ثنينا نسمع اغانيها ونحبها
واني يمك جانت تبچيني أصاله .

اذا ينجبر چفي
يصافحك يوم
ﺑ‌ اقرب فرصة راح
اگطعها الچفوف
بيني وبين نفسي
اشتاگلك حيل
بيني وبينك
اتعداك ماشوف .

من اشوفك حسبت حضنك يصير گماط
وتدك روحك صليب بضلعي بالشبگه
واشد من غيبتك ماصخ طلع ملكاك
اجيت وجدمي ليل ودمعتي تسبكة
انا مالح واغزر من ادوس الگاع
شني ماغزرت وياك بالملگة

مَنا و هِيجي بَعد ، تلگاني متبَاعد
حتى لو تحَبني بَعد ، حَب من طَرف وَاحد
خَاف أنتَ بارد چَنت اني أخَس مَنك صَرت
يَحسدني گَام الثَلج گد مَا صَرت بَارد ..

وگبعت الشمس
مـن گتلي اريد فياي
ونزلت العنب
مـن گتلي مَ الوحة
على عناد الخطر ماشي
الحرب وياك
وي جرت السيف الروح
مذبوحة
تشمرني عجينة
وأرد جايب خير
على شص المنايا الروح
مذبوحة .

- جبّار رشيّدَ .
وعَلى غيّرك چِذب ماترهُم الروُح
ومنو غَيرك يسَد حاجة نضَرنا
يـَ أبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا

شالوك حتى مـن الحلم
وحلمك يجيني بلا صور
وبلا خلگ ، ولمن افز
مـن الحلم وثنينا ع الراس
نتگابل ندگ
رادوني ماشوفك ابد
ويا حال مـن بعدك صرت
غصن وخذوني مـن الشجر
وذبوني يم نار الهجر
واليوم باجر احترگ
عشت بطرگ روحي سوادين
العشگ
- جَبار رشيد .

الما يندل خيالي بروحي ماخلي
و ما يرهم عليه لو نفس جيته

التعداني بحلم يلگاني عابر ليل
الفجر گبل الشمس بعيوني وشلته

الما يشتاگلي ينترس حضنه فراگ
على الملگه من اسوف ما اذكرته

بيها وداع روحي يكفي كل الناس
و خسرها الچان ظنه الروح خاسرته

- علي رشم

مابين الدمع والخد
موضوع انفتح وانسد
واحساسين مختلفات
گلب ابيض وحب اسود
والف نعلى على ذاك
الجابلي الغربيل
مـن يوم اللزمته وما بقالي احد
چان الشگ چبير بشبچة الصياد
بشر يوميا يوصل للسما وينهد
ولان خجلان منها اكتبها بس ماگول
انعمت عين الرساله الماتحصل رد
واتعب والزرع گبل الحصاد يموت
سبع حبها وخطبها التحق واستشهد
واقر واعترف واشهد
اكبر مرض ععندي القلق والتفكير
واكبر امنياتي اعترض واتمرد
واقر واعترف واشهد
وذا تارس غرفتي شفادني الدخان
أذِا هيَ المشاعر بالگلب تبرد
وبعد مابية حيل الضحك والتمثيل
صرت واصل قناعة الدنيا مو مشهد .

بفنجاني تقرا و قرت
ضيم و مآسي و تعب
گلتلها هذا المضى
گالتلي هذا الجاي .

ادفع بالبلم مادري بي
غرگان
والمردي انكسر والروجه
خانگته
وبديرة مناجل سنبله
انحطيت
حصدوني وخضار الطيش
ما شفته
وصدگت الرمل بي تكشخ
الصحراء
مادري الأبل كل حول
ساحگته
وصبرت ع الجرح حد ما
خذاني الشيب
وتحملت السنين وضگت ما
ضگته
الحنظل والعسل والزين
والموزين
كلهن جربتهن وانت ذاك !
أنتَ
خابط يا وكت مايصفى بيك
الراي
تطشرني وتلمني العمر
خلصته .

طاريچ مـن ينذكر
اترك الگعده واهچ
والعن ابو الجابه
وثنين هنَ ترا
لو چذب هذا الحچي
لو أنتِ چذابه
الما راد يمچ لعب
هيج بسبب عملتج
ينلعب بأعصابه
ومن كثر مـا احترگ
وصلت لسابع سلف
ريحة العطابة
واليحب مـن ينطعن
الا بگبر يندفن
حتى يبرد صوابه .