بيِّنيِّ وبين نفسي شَكد أفكر بَيك
واگول شمعنىٰ انتَ الشاغل اضّنوني
مو أول عَشك حتىٰ
تشل الحَال
ولا أول جَمال تشّوفك،عَيوني
شجّاها الروحَ
يَمك ذَبت الأسرار
وليش أرجف عَليك،وينخّطف لَوني
وحَتىٰ الناس
گامت تَعرف بهالحَال
وما أعرف،شَكلهم مَن يسألوني
يطبّون بصَفنتي
وعَنك يدّورون
ويَلگوني أفكر بَيك،يَلگوني .

ترا اصعب شعور تعيش خسران
الأصعب منها من تعيش مذلول
متحطم واشوف أحلامي تنهار
وأنه شعندي بس كلمة هضيمة
اقنع نفسي اگولن باجر تهون
ماتبقى على حال احسبهه غيمة
صار سنين اگولن باجر تهون
لا ميت ولا فك گلبي ضيمة
سگف عندي وحبل بالبيت موجود
موت الله بعد فكرة قديمة .

ليش يا اول حبيب
من تحاچيني تدنگ
جنك محاجي غريب
ومن تلاگيني
تضم ايدك وراك
وانه واگفلك صليب

ومِن رحَت طأح ألگِلب
وصحيته گوهَ وگعِد
وبأوَل حچأيه أنحچت
عنِك سأل ويٰنك؟
ضنيَت سأعِة زعِل
خلصِن أيام شكِثُر
ساعة زعل مأگِضت
يأزين من زيِنك
چَم طيف ألك ودَعت؟
حملتهَ شوگ وعتِب
زتيٰته أجَل عينك
وكَل هذه بأقي بأمَل
لأزم يجيَبك تعبَ
ذيچ ألاسنيَن ألمُضت
مأ بينه وَبينك
ومَأ آيسَت مأتجي
بس أنه لازم اجَي
بحجهَ أرد دينِك
شديْت عين ألجَرح
وجَبته وأجيت أعتذِر
يّم بأب سچيَنك..

آنهَ أحب شِعرك وأحبَك
وآنه بالرُوح أشترِيك
حَتى فنجَانك أحبَه
المحتوي لمسٌات أدَيك
مِرة منعَوني مِنك
قِررت أغبّش وأجيَك
مِن لمَحتك لابسْ أسود
گلبّي ظَل يرجِف عليّك .

بروحك چم سمة وما غيّمت وياي
عليه تزخ عطش ومنشف السبعة
بگصايب ياحلم شديت روحك خيط
خيطك من يمر دخان ما گطعه
ثكلت بروحي جثة وما لكت جناز
وخيالك كمت أشوفه منين ما اضيعة
اليسافر للببجي يأخذ عيوني متاع
على جفني ولام جايه مخيطه الدمعه
اليفاركني شبر أبقه التفتلة سنين
وأتاني بيا جرح يا لجمة الترجعه

أخر وصايا علي رشم؟
حبيبتي
لاتنتظري فأنا على سفرٍ دائم
لم أخذ حُبكِ معي
لا أُريده أن يرى المقابر
حَبيبتي تركتُ لكِ حباً
يكفيكِ عُمراً من العشق
لاتكوني هواء قد يتنفسكِ من لايستحقكِ
اذكريني في أي ليل
سأتي على أحر من الرصاصه
علي رشم.

طعم مأ بيها صارت
هاي ألايام
نتعب حتى نرجع
رأسًا ننام
لأن ما عدنا
وأقع نستعز بي
أنهزمنا من ألحياة
لنص ألاحلام .

مَحتاج نكعد سوه
واحچيلك شكَد خفت
مِن راحَت عيونك
ومِن كتلي خل نلتقِي
صدگني مَرني القَلق
ابديلَك بيا حَچي
مِن تسأل شلونك؟

چان وَجهَك
أوَل ولايات عَمري
و آخر دروب الضَياع
چانت عيونك سَما
لجَنحان حَلمي وتَيهَِتني
ومَن هَذاك اليوَم ادور
ما لگيت لحَلمي گاع .

اول ماشفت طولك عله الباب
واول ما اجت عينك بعيني
جن يكول اعرفك صارلي سنين
وجن عشره عمر بينك وبيني
عشت عمري مطلوب لشوفتك دين
وهسه بجيتك وفيت ديـني
اذا تشعل حبيبي لجيتي شموع
الك كلي اشتعل لمن تجيني

بَسك تمرني بحلم
طالبني بطلابة
مو گتلي كلشي انتهى
ومنا وغاد اعتذر
وحَدك كمل الدرب
ماريدك تحبني
ولمن شفتني ردت
غيرك اعاشر بشر
ترجع تعاتبني !
وتگلي چنة وچنت
ماغزرت عشرتي
هوَ انتَ هسة منو
وگاعد تحاسبني؟

جذابين كَلهم
وحدك تموت!
بأول موتك
يلبسون الألوان
وبالسابع يجونك
عود حزنانين
ضل بگبرك الي
يمك فلآ حَنان
وأصحابك يفرحون
مِن تموت جذاب الي
يكلك أبقي حزنان
يتفلش جادرك
مِن الفجر غبشهَ!
ما الك كل ذكر ما
الك كل وحشهَ.
يجيك الي يحبك
كبرك يفلشهَ
وما تخلص بنص كبرك
تضل ذبلان
تموت وتنسى وتصير بالـ "جان

تكبر انت
وتصغر بعينك
حياتك
وتبهت الألوان
كلها
و وحدة وحدة
بعينك تموت
أمنياتك
تباوع بعين أليبيعك
ما تدافع عن
غلاتك
مو رخيص أنتَ
ولكن
كثر ما تعبت
عليهم
مابقت گطرة
بلهاتك.

چنت تدري أنا أحبك
ودرت وجهك من دريت
گتَلك أُبقى گبال عيني
وعمت عيني وما بُقيت .

" عينَك علي وأستمع ..
مرتين نفس البَشر يجرحني ما أعذره ..
فوز وخَسارة العُمُر
ماعدنه أي مُشكلة أي واحد نخسره
وچان إختياري غلط ...
كُل ظنّي تسوة التعب وإلي حَبَك تقدره !
ويمشن عكس ماردت ما وصلني لهدف
يختارن العَثرة "

و إذا گتلك عيوني
مقصر يجوز
حبيبي إنتَ و حبيبي
و عين عيني .

مو حباً من انعزل
شارد من الواقع
وبالغرفة گاعد اضل
بس روحي بالشارع
طالع علية الحچي
رغم انا صاير سنة
من البيت ما طالع .

وهمومي نار بگطن
اطفيها من هلكتر
من هلكتر تشتعل
وبروحي لكعه حزن
من ابتسم ما تنمحي
وبالماي ما تنغسل!
بعكازه اشوف الدرب
المرود كسرته بأدي
ولله استحي من الكحل!

بنُص الليل
گاعد بَس
أنه وروحَي
بنُص الليل
چانن غافيَات
وگعدن جروحي .