اسف اذا ما اسأل
واعز انسان ما اعرف
شنو احواله
احس ما عندي طاقه
ومادري شبيه
الـمُهم عايش
لحد لا يظل باله .

لا يهمك حچي العالم
ركز بيه بس وحدي
محد مثلي بيك يموت
لا قبلي ولا بعدي
اواجه كُلشي أنه وياك
لو كُل البشر ضدي .

لو صابر أنتَ عليّ
صدگني أعوضك عُمر
بَس انتَ هيچي رحت
مافكرت تنتظر
گتلك حياتي إلك
وشيصير مابدلك
والجرح بية بقى
لو بيك ماعفتة
جائز اكون السَبب
وجائز تكون أنتَ
بَس هي رحلة عمر
وكلشي أنتهى بوكتة
صفحه وطواها الزمن
رحلة انتهت وبثمن
وبين چبير الفرق
وين اني وين انتَ .

هواية أحلام أجن بعدك بـَس
لليوم حلمك واگف بعيني
النار العايشة بصدري مـا تخمد
أذِا مو أنتَ بمتونك تطفيني
شگد أحلام وردية ردتها وياك
لكن ماعرفت شلون تحويني .

اثنين چانو الك
وماكو بحياتك فقط
أنه ونظر عينك
وعينك درتها ورحت
ولا چني منك چنت
وبكل سهوله خسرت
واحد من اثنينك
من رحت طاح الگلب
صحيته گوه وكعد
بأول حچاية نحچت
عنك سأل وينك؟

مِن بَرا تلگاني أبتسم
مِن جَوه أطگ مِن البَچي
مابيه أكمل هَالدرب
تَعبان ، خَلوني أنتچي .

مارهمت ويانه تگول ماعيش
بمحكمة القدر طلگنا الأفراح
طيور الخير هچن عافن البيت
وغراب الفگر بمچانهن صاح
مسودن بختنا وحظنا مشلول
ومن كثر الحزن منهم ع الراح
ع الجاهل گبل نتنگب نگاب
هـسهَ يموت ابونا نگول يرتاح
مدام الموت ارحم لليموتون
دمشونا لـعَد كل احنا نرتاح .

لتخليني وحدي
منين أعرف الناس
لا أكدر اعاشر
لاخلگ ععندي
أحب شلون غيرك
مـن اريد شلون
واني وياك ڪُلش
خلص ودي
بگد حُبك لنفسك
چنت أناني وياك
ومنو مثلي يحبك
محد بگدي .

برضاتك ضيعتني
وحتى مَ مجبور
ومالتك ! واكول عيوني
بيها قصور
شحاسب گلبي جمرة؟
أشتعل يلا تهيد
يمن بيك العتب ميفيد
بلعب جر الحبل
مو شرط ألا تفوز
مرات الخسارة
تريح الأيد .

شكثر مشتاگلك
لو تدري چا رديت
أنهَ بگد مانذرت
بدرب واحد صار
مـن البيت لأهل البيت
أنه البصدى وماصار
حچيي ثنين ، شچاني !
وبالمعاتب يمك اهتزيت
ولك حنيتلك بـَس أنتَ
مَ حنيت .

عفت ڪُلشي مطشر
وليك اعتنيت
وعفت وادم تسوى روحي وجيتلك
ردت اگلك بية الم
بـَس ماحجيت وگتلك
مـن البارحه اشتاگيتلك
وسولفت يمك شعر بـَس مَ صغيت
گلت مَ يسمعني وتدنيتلك
وسولفت بذنك غزل وتسامريت
وشفتك تمل الحچي وغنيتلك .

أسمعني مَرة وأصفُن لهذا المَثال
أنتَ يم عَيونهم مَ وچدوك
فلها كورة مُغزلك شوف شطوة
بـَس يراووك الچرف مَ عبروك
هُـمَ صح شراع بـَس انهَ الهوى .

عاذرك ماحاس بيه
محد مضوگك ردودك
آخ لو تدري الـ بگلبي
من يصادفني برودك
المُشكلة بكُل يوم اريدك
والگه حُبك يستمر
ومَن خسرتك ،
صغرت بعيني خسارات العمُر
شكثُر باچي لخاطرك
گلي شكثُر
تغلط بحقي وادورلك عذَر
انتَ يا اغلىٰ خسارات العمُر .

أنـي تغيرت مو بيدي مجبور
شفت گلوبهم محد هواني
چنت اتمنى واحد يسئل شبيك
والله لوحدي ضليت أعاني
البگلبه حچي وينام مكسور
مـن يگعد يصَير أنسان ثاني .

ببدايات العلاقة يعيش الأنسان
وحزنهَ يبين بقلة وعوده
تره الناسيك مو مـن مايحاچيك
مـن مـا تلگه مجهود بردوده
اليحبك يبقى مـن تحسسهَ بخوف
بـَس يروح مـن يضمن وجودهَ
عشر اعداء جائز مـا يهزوك
ويبچيك العفت دنيا علمودهَ
مـن ينجرح ڪُلشي بگلب الأنسان
يبقى يقاوم الدنيا ببرودهَ .

الليلة أذِا ماتجي
مـا أريد چيتك بـعَد
خلي الجفى يفيدك
مو أنـي الـ يتوسلك
ويچلب بأيدك
وخافن بفترة تجي
وتحچيلي عن ظرفك
تواجهني ميت بچي
تلگاني مـا اعرفك .

طحت مَ أخذت النصيحه
وهيَ مو كل طيحهَ طيحهَ
فرق بين تطيح صخرة
والجبل كله يطيح .

عايفني طول الوكت
منتظره ليليّه
والبيّه ماينحچي
ولا سائل شبية
لو گدها عنه ابتعد
بس يدري روحي اله مليانه حنيه
أكتب جرايد عَتب
واختم براح انسحب
امسح واحبك ادز
لو دازلي اغنية .

ينحط بقفص وگبال بستان
ويردم بالقفص ويطيح ويلوب
ويضل ينعهَ نواعي الغاضريات
أذِا ينعن يهدن حيل الگلوب
ويمر وجه اليحبه شراع والريح
تدفعه ومايشوفه بروج محجوب
لو ماصورته بألبوم الاحلام
مـا چان انطبع بالروح محبوب .

الگبُل أتِمنى
طيفة يزورني يبات
وأسولفله إعلىٰ
عُمري وعلى الخسارات
الچنت ما أنِدم
على الثانية ويا
هضِيمة يصير
مِن ضَمن الحرّامات .