لهسة صُواب زعلك حار بينة
وطبيب الطيب السل حار بينة
عفتنه واحنه لأجلك حاربينة
اهليه ولاگلت فشله وخطية .

ترا تعافيت منهَن لايظل بالك
مو أنهَ اليچلب بـعَد بذيالك
ولا أنهَ الـ بـعَد يسهر يتاني تعود
خلني لوحدي أعيش ووحدك أحلالك
ماشمك بـعَد لو شيلت أمي تصير
ولا أفطر بـعَد لو بين هلالك
أنهَ بخير وأضحك واختلط بالناس
مو ذاك القديم الوحده ينعالك .

والچرح بيّه بقىٰ
لو بيّك مِاعفتة
بسَ هية رحَلة عُمر
وكلشي انتهِىْ بوكته
قصّة وطَواها آلزمِن
رحَلة انتهِت وبثمَن
وبيٌن چبيَر الفَرق
ويِن آنه ويِن انتَ .

يا بـعَد گلبي
وحنين البيت لأهلة
أنتَ روحي
وقبل روحي
وكلشي غير عيونك
الحلوات ، ولهَ
مو ركن بيتي الدافي
أنتَ البيت كلة .

هَالمرة آحس
مشتاقلك فَد مَرّة
وبغيبتك عآيش
فراغ شكُبرة
حَتى الأغاني
أستغربتني بلياك
گالتلي وينه
وگِلت جآي أنتظره .

وبعد ماريدك
و على الحب
صدك ندمان
ندم بت شيخ
نهبت وي حرامية
گلت ماحن عليك
بصم رمل؟ غلطان
لاهـسهَ احرگك أنتَ والبيه .

مـن يحتويني البچي
ويحضن السكته الحچي
چنك ولا چنك
تسألني شو مختنگ ؟
هوه أنـي صح مختنگ
بـَس مختنگ منك .

حياة البشر مجموعة قرارات
تتغير بنوعية قراره
اكو يختار حتى احلامة بالنوم
واكو يعيش العمر مو بختياره
واكو تبچي عليه وهو موجود
واكو بفاتحته ميكلفك جگارة
ترى الماعنده شي ينخسر ويعيش
هذا أڪثر بشر ضاگ الخسارة .

لترچعيلي مـا اقبلج أنـي أسف
الشفته بروحتچ مو مال ميخالف
أنه بروحتچ ياساده ماخليت واحد
مَ رحتله ، ووجهي ضل تالف وكلش
منعزل منطوي وچم يوم مباوع
بالمرايه وڪُلشي مَ شايف
نرجع؟ لكن تمرين بالمريت بيه
سنتين أنساج واحط راسي وافز خايف .

باچر مـن ترد
مـا تلگه شي موجود
تلگه الورد ذابل
والأرض صحرة
تلگاني مدينة
مسدده البيبان
بيها الگمر ميت
والشمس حمرة .

بّأخر فتِرة
‏كُلش طبعك تغير
‏وبَديت أنسحِب مِنك ؟
‏حتىٰ ما أخسّر .

غنايمْ مَـا چبت وياي
مَمصدك گضت حربي
رجعت مصوب ومتعوب
مو بـَس واهسي المكسُور
خلگي وخاطري وگلبي .

اسف اذا ما اسأل
واعز انسان ما اعرف
شنو احواله
احس ما عندي طاقه
ومادري شبيه
الـمُهم عايش
لحد لا يظل باله .

لا يهمك حچي العالم
ركز بيه بس وحدي
محد مثلي بيك يموت
لا قبلي ولا بعدي
اواجه كُلشي أنه وياك
لو كُل البشر ضدي .

لو صابر أنتَ عليّ
صدگني أعوضك عُمر
بَس انتَ هيچي رحت
مافكرت تنتظر
گتلك حياتي إلك
وشيصير مابدلك
والجرح بية بقى
لو بيك ماعفتة
جائز اكون السَبب
وجائز تكون أنتَ
بَس هي رحلة عمر
وكلشي أنتهى بوكتة
صفحه وطواها الزمن
رحلة انتهت وبثمن
وبين چبير الفرق
وين اني وين انتَ .

هواية أحلام أجن بعدك بـَس
لليوم حلمك واگف بعيني
النار العايشة بصدري مـا تخمد
أذِا مو أنتَ بمتونك تطفيني
شگد أحلام وردية ردتها وياك
لكن ماعرفت شلون تحويني .

اثنين چانو الك
وماكو بحياتك فقط
أنه ونظر عينك
وعينك درتها ورحت
ولا چني منك چنت
وبكل سهوله خسرت
واحد من اثنينك
من رحت طاح الگلب
صحيته گوه وكعد
بأول حچاية نحچت
عنك سأل وينك؟

مِن بَرا تلگاني أبتسم
مِن جَوه أطگ مِن البَچي
مابيه أكمل هَالدرب
تَعبان ، خَلوني أنتچي .

مارهمت ويانه تگول ماعيش
بمحكمة القدر طلگنا الأفراح
طيور الخير هچن عافن البيت
وغراب الفگر بمچانهن صاح
مسودن بختنا وحظنا مشلول
ومن كثر الحزن منهم ع الراح
ع الجاهل گبل نتنگب نگاب
هـسهَ يموت ابونا نگول يرتاح
مدام الموت ارحم لليموتون
دمشونا لـعَد كل احنا نرتاح .

لتخليني وحدي
منين أعرف الناس
لا أكدر اعاشر
لاخلگ ععندي
أحب شلون غيرك
مـن اريد شلون
واني وياك ڪُلش
خلص ودي
بگد حُبك لنفسك
چنت أناني وياك
ومنو مثلي يحبك
محد بگدي .