شفتك
بالحلم فزيت مرعوب
مَ لحگت اشوفك
مسرع چدام ، نذر لو
ملتفتلي چان حنيت
مـن اطراف چدمي
لشعرة الهام .

كل الحچي الگلته الك
مـن عنده راح اختصرك
ذمتي شكبرها برگبتك
الله يساعد نحرك
هاي أنـي رايح منسحب
وصدگني مانرجع بـعَد
لو يبقى يوم بعمرك .

أترك حچي الحرگه نحچه بوكته وراح
ناوي اعتذرلك حتى لو ماغلطان
زعلان اجيتك مـن عرفتك زعلان
چا عود تلگه أنسان مثلي يفهمك
يكتل أحلامه لخاطر يضل حلمك
خسران صحتي وگلت بـَس لاخسرك
مو مهم عُـمري الله يطول عُمرك .

نشَف ريچ الحزن
والوادم تغني
وانهَ مـن بعيد أحب
المارضى يحبني .

أني اسف لو يمر يوم
وكلامي وياك يبرد
وأعتذر لو چفني
قبل عيونك الحلوات ينسد
أنـي مـا أتغير وتدريني باقي
حتى أذِا مايبقى أحد
ولو يگلولك تره محد يحبك
هَـم أصيرن أنه محد .

أمس شتريد مـن ععندي
أمس مريت بأغنية
أمس مريتني
وگاعد بنص البال
بـَس ماتعرف شبية
أمس محتاج
أگابل وجهك شويه
أنه چذاب ..
هذا الوجه مو وجهي
وملامح وچهي مو هيَ
أنه چذاب أريد أنساك
وأتذكر أريد أنساك يومية .

لو تدري أنتَ شڪَد مهم
بعدك بقينه بلا أسم
ورسمونه مو نفس الرسم
عندك علم ناسينه لو عندك علم .

عيونك الضحكن الغيري
بـعَد ماراويهه وجهي
ولا أجي گبالك يتيم
حاسبك فوگ مـن أهلنا
ماردتني؟ الله كريم .

عليّ غيروا گلبهَ وكثرت اوهامهَ
اجيك أدير وجهـك !
من تـجيني اندار
وكت خلانه مثل ملاگه البلامه .

لحَد الان احسك عايش بروحي
لحَد الان واحچي بصيغة الموجود
مو بالچان ، ولحد الأن ماناسيك
على گد المحبة يطول النسيان
شلون أنسى يناسيني؟
المواقف وگفت بگلبي
قبل لاتوگف بعيني .

و خَلصناها تگضَي ، الله كَريّم ، تهون
و أحنَا جروحنَا شَما كَبرَت نكابَر
وادمنَا عَلى طَيبَك تَستَغل البيّك
و مِن توگع لأجلهُم تنحَسب خاسَر .

وأعتنيلك وأنا ماعندي مجال
وما تجيني أنت ولا حتى بحلم
عندي ألك ، شوك ومحبة وذكريات
كلشي عندي ، وأنت ماعندك علم .

أنه بِلياك مَدري شبية ما بية
زِلف وبلاية تِرچية
درب مابي كل چيه
نهر فاض وتِبع مَية
ورِجع بَس ما لگالة چروف
كون تشوف روحي شخله بيها الخوف .

لهسة صُواب زعلك حار بينة
وطبيب الطيب السل حار بينة
عفتنه واحنه لأجلك حاربينة
اهليه ولاگلت فشله وخطية .

ترا تعافيت منهَن لايظل بالك
مو أنهَ اليچلب بـعَد بذيالك
ولا أنهَ الـ بـعَد يسهر يتاني تعود
خلني لوحدي أعيش ووحدك أحلالك
ماشمك بـعَد لو شيلت أمي تصير
ولا أفطر بـعَد لو بين هلالك
أنهَ بخير وأضحك واختلط بالناس
مو ذاك القديم الوحده ينعالك .

والچرح بيّه بقىٰ
لو بيّك مِاعفتة
بسَ هية رحَلة عُمر
وكلشي انتهِىْ بوكته
قصّة وطَواها آلزمِن
رحَلة انتهِت وبثمَن
وبيٌن چبيَر الفَرق
ويِن آنه ويِن انتَ .

يا بـعَد گلبي
وحنين البيت لأهلة
أنتَ روحي
وقبل روحي
وكلشي غير عيونك
الحلوات ، ولهَ
مو ركن بيتي الدافي
أنتَ البيت كلة .

هَالمرة آحس
مشتاقلك فَد مَرّة
وبغيبتك عآيش
فراغ شكُبرة
حَتى الأغاني
أستغربتني بلياك
گالتلي وينه
وگِلت جآي أنتظره .

وبعد ماريدك
و على الحب
صدك ندمان
ندم بت شيخ
نهبت وي حرامية
گلت ماحن عليك
بصم رمل؟ غلطان
لاهـسهَ احرگك أنتَ والبيه .

مـن يحتويني البچي
ويحضن السكته الحچي
چنك ولا چنك
تسألني شو مختنگ ؟
هوه أنـي صح مختنگ
بـَس مختنگ منك .