معقوله هذا أنـي !
لو گتلي باجر نلتقي انسى
صلاتي جنت واكويها قمصاني
عنودي يم ربعي وهلي ووياك
حيل فقير ، ومن مايعجبك بية
شي مـن دون ماتحجي جنت
تلكاني الك مغير .

ولگيتك ضاملي الشينة
ويم غيري تذب هناك كُل زينك
شبعد ويغزر بعينك !

كُل مره ترجعلَي بعذر
تَوجعني منه صفاحَي
مامقتنع بي وأبتسَم
يمَك عشت دور الثمل
بَس أنـه كُلش صاحي .

ومن گتلك
اموت بدون ماشوفك
چنت چذاب
لا خلف الله ع چيله
التحطلي صواب
منا وانتهت والباب
يوسع باب .

وانا مـن دخنت
چنت مضطر
خطر چنت اعرف
التدخين بـَس والله
تره الخلاني ادخن
ظرف چان أخطر .

احرگني گتله حطب
بية ادفه واني احتمل
كيف حرگني ودفه
وطفاني بـعَد الحرگ
گتله ضميرك صحى !
لاا گال اريدك فحم
مرتين راد اشتعل ..

مـن هاي أيدك چنت
طايح لهاي أيدك
بـَس بـعَد ماريدك
شتريد أعيد المضى؟
لو صرت بيت الشعر
صدگني ماعيدك .

موضوع وخلص المن نعيده ؟
مال نرد سوه كلش بعيده
خايف مـن فشلتك ؟
ععادي والله
گلهم باس أيدي
وما أريده
حبلك غير واحد
عندك هواي
واتصور شغلتك مو جديده .

جبِت كُلشي وعفت كُلشي
ومَدري شلون اجيت امَشي
اجيتك ردت اگلك شوف
رِدنه نعوف كلشي وماكِدرنةَ
نعوف .

حاچيته !
گلبي يريد يحچي الصار
تتصورني خليته
اذا السويته بية مَ گدرت احچي
أنتَ شلون سويته ؟
أكثر ناس بچتنه
أكثر ناس چنه نضحك وياها
واكثر كلمة ينبح مـن وراها
الصوت هاي الماحچيناها .

شفتك
بالحلم فزيت مرعوب
مَ لحگت اشوفك
مسرع چدام ، نذر لو
ملتفتلي چان حنيت
مـن اطراف چدمي
لشعرة الهام .

كل الحچي الگلته الك
مـن عنده راح اختصرك
ذمتي شكبرها برگبتك
الله يساعد نحرك
هاي أنـي رايح منسحب
وصدگني مانرجع بـعَد
لو يبقى يوم بعمرك .

أترك حچي الحرگه نحچه بوكته وراح
ناوي اعتذرلك حتى لو ماغلطان
زعلان اجيتك مـن عرفتك زعلان
چا عود تلگه أنسان مثلي يفهمك
يكتل أحلامه لخاطر يضل حلمك
خسران صحتي وگلت بـَس لاخسرك
مو مهم عُـمري الله يطول عُمرك .

نشَف ريچ الحزن
والوادم تغني
وانهَ مـن بعيد أحب
المارضى يحبني .

أني اسف لو يمر يوم
وكلامي وياك يبرد
وأعتذر لو چفني
قبل عيونك الحلوات ينسد
أنـي مـا أتغير وتدريني باقي
حتى أذِا مايبقى أحد
ولو يگلولك تره محد يحبك
هَـم أصيرن أنه محد .

أمس شتريد مـن ععندي
أمس مريت بأغنية
أمس مريتني
وگاعد بنص البال
بـَس ماتعرف شبية
أمس محتاج
أگابل وجهك شويه
أنه چذاب ..
هذا الوجه مو وجهي
وملامح وچهي مو هيَ
أنه چذاب أريد أنساك
وأتذكر أريد أنساك يومية .

لو تدري أنتَ شڪَد مهم
بعدك بقينه بلا أسم
ورسمونه مو نفس الرسم
عندك علم ناسينه لو عندك علم .

عيونك الضحكن الغيري
بـعَد ماراويهه وجهي
ولا أجي گبالك يتيم
حاسبك فوگ مـن أهلنا
ماردتني؟ الله كريم .

عليّ غيروا گلبهَ وكثرت اوهامهَ
اجيك أدير وجهـك !
من تـجيني اندار
وكت خلانه مثل ملاگه البلامه .

لحَد الان احسك عايش بروحي
لحَد الان واحچي بصيغة الموجود
مو بالچان ، ولحد الأن ماناسيك
على گد المحبة يطول النسيان
شلون أنسى يناسيني؟
المواقف وگفت بگلبي
قبل لاتوگف بعيني .