ركز بالكبور المالهن زاير !
واكعد وي روحك وأصفن الباجر
هذا أنتَ ، وكشختك والعطر والحيل
تاليتك مثلهم تكسر الخاطر ،
مو ربعك ، أخوانك زين أذِا ذكروك
مكانك فارغ وديوانهم عامر !
شما دارت السنة يقلون
وگبرك يتيهونة بيا فرع صاير .

بعيوني بچي
بگد الحجي المضموم عد النَّاس
وبگلبي حجي بگد البچي الراكَد
بعيّن النَّاس
وأمشي ودورت عنكَ
مدينة ، وبادية ، وكل شي
وصعد دخان كَلبي الغيمّة الوهواس
وأمشي وخلص باكَيت الجكاير بالدرب
كَمت اشرب بروحي ..

مرات احتاج العتب
بـَس قررت ماعاتبه
واصعب احاسيس البُعد مـن يمشي
وابقه مراقبه
جنه مثل ماي وهوى
حالة صداقه ، وحُب سوه
وهسة أنـي ، واحد منهدم
فارك حبيبه وصاحبه .

يا طَبرةً هَزَّتْ أركانَ الوُجودِ
أيُقتَلُ وَليُّ اللّٰهِ في حَالِ السُجودِ ؟

عالطير حيدر يحنّ .

لم روحك ..
ترا الـ طشروك ميلمون طشارك
وضم روحك !
ترا العافوك مايردون أخبارك
ومحد مشتهي ملگاك
الـ يهل بملگة خطارك
وسافر روح بعيد كون بعيد
لاترجع تحن لحد
وترجع تحچي أسرارك .

المُشكلة عيونك هنهَ هنهَ
چا وين وديت المحنهَ .

فقدت السيطرة
وبالگوة جاي اصبر
وأول مره احس بنفسي
ضگت المُر
صفنت النفسي !
هذا التعب يخلص وين
وشوكت احس هذا التعب مثمر !

اسافر !
بين ظن وظن والشوارع تايهة
بروحي ورسايل خوفنه انشگن
خذيتو هواي من عمري الگظن
والمارضن يگضن .

گاعد بصفي
ويعدللي اليحبهم
وانا ساكت هسة أكول
يصيح إسمي
الفشلة ماحاسبني منهم .

وليش
المايحبك گاودت چفه
الما كاتب على عيونك
صرت ولفه ؟
أجيت وعندي ملگه ينافس
الچيلات ، بـَس ردك البارد
موت اللهفه .

أخر يوم اليه وياك
واول يوم مَن دونك
طلعت من الحرُب خسران
راحة بالي وعيوَنك
أخاف الگاك كُلش زين
ماريد أعرف شلونك .

گتلك سنيني اتطشرن لمهن
وغيضك وخره ونوب عاندت
ورحت طشرت حتى العشرة
واني ادري باجر لو طحت
تمشي وبعد متريدني هوَ أنـي
الما فادوني اهل أنتَ الغريب تفيدني !

بديت أسَتوعب
الروحه البدون أسباب
وطبعة الجاف والبارد
تره العايفني هم معيوف
الكسَر من واحد لواحد .

بيهَ واهس طير حُر
أرد افر الدنيا فرّ
وين مـا عد الله گاع
آنه أستقر
أرد اسافر
أرد اهاجر
أرد اعاشر ناس
ماتكسرلي خاطر .

چم زلة منك بينت !
ماجيت أعاتب مره
ومن عشرتك گلي ششفت
غير الألم والحسرة
أنـي ادري يهواك الگلب
بُعدك يعذب حالي
وأدري اليحب ليله صعب
هايم اضل للتالي .

انا متعود ابچي يلا أرتاح
ومن انجرح مـن ناس اضحكلها
مـن هذا السواد البيه لتخاف
التجارب تخلق بنادم مثلها
ترا أصعب خسارة مـن الخسارات
التنسيك الخسارات القبلها .

بارد وياية شعجب ؟
عايش اللهفة چنت
ويا شخص قبلي
شو انه حيل اختلف
تخيل رساله تجي
تگومني مـن أهلي !

گُمت اشوفك وانتَ ماكو
وألمس طيوفك سراب
وگاموا يگولون واضح
هذا من عيونه حاب .

خلي أعتذارك إلك
وهذا الحچي الجبَته إلي
مشي عَلىٰ الغشمَة
لَك انتَ جارحلَك بشر
مَن كُثر مابَي تعب
حتىٰ الهوىٰ يلچمة .