اعلنها رسمي

السَّلَاْمُ عَلَى المُعَذَّبِ فِي قَعْرِ السُّجُونِ
وَظُلَمِ المَطامِيرِ ذِي السَّاقِ المَرْضُوضِ
بِحَلَقِ القُيُودِ .

_

ننصَحك لاتهدّد ندِري متروح
گلبك عاطفي گليب الفخاتي
مثِل أُمي بزعَلها تهدّد البيت
أهجن راح وإنطوَني عباتي
وننّطيها العبات وتضحك تكول
أهجن وره ما أكمل صَلاتي
ونضحك والزَعل ينطرِد ويروح
حنينه أمُي ضوه هيّ الحياتي
وصفاتك حيل تشبهّها فرد نوب
شلتوا ثنينكم أجمل صفاتي
لذلك من تهدّد نضحك هواي
ضل هدّد وأحبنك أغاتي
عراقي آني بحياتي يعيش نَهرين
دجلة أُمي وأريدنك فُراتي.

ولما بدا لي انها لا تحُبني وإن
هواها ليس عني بمُنجلي
تمنيت ان تهوى سواي لعلها
تذوق صبابة الهوا فتدق لي
فعذبها حتى اذاب فؤادها.

لترجِعيلي ما أقبلچ اَني آسف
الـ شفتَه بروحتچ مو مال مَيخالف
آني بروحتچ ياسادَة
مَاخليت واحِد مارحتله
ووَجهي ضل تالِف
كُلش منعِزل منطوِي
وچم يوم مباوع بالمرايَه
وكَل شي ما شايف نَرجع!
لكَن تمُرين بالـ مَريت بي
سَنتين أنساچ وأحط راسي وأفِز خايف.

حَبيبي على الدُنيا إذا غبت وحَشهُ

وَغيرُك أن وافى الي فَـ ما ناظرٌ اليه ..

دورني
وغلاتك سهلة مو صعبه
انه طيور المراقد
ما اروح أبعيد
من الصحن للگبه.

أحبچ أني باقي علمودج بهاي الدنيا كلها .

ليش بارد جان ردك
واني كاتبلك رسايل
بيها تدفه شكد يتامه
وليش كل ليليه اموت
بطرك روحي ومو بحضنك
وانت مدري بيا حضن ليلك تنامه
شامتك جي تدري احبها
كمت تتعمد تصور بالجهه الما بيها شامه
صورتك كل نيتي اشگها
وكسرت كل جامه بيها
ورحت ادورلها اعلى جامه
وعيني مدري شصابها  وفقدت نضرها
مدري ياهو الباكها عيوني ونسه بيهن لثامه
ليش رافگت الغراب بكل محطات الظلام
وبين بگلبك ظلامه
واني منتضرك تجيني وغير جنحك
ما ردت غيرك حمامه
جاركم سولفلي عنك
كلي فتش شكو بگلبه
يجوز يعشگ بشر ثاني
وحيل غثاني بكلامه
ورحت افتش ثاري غيري بگلبه
كاعد توه ناصبها خيامه
هاي تاليت اهتمامي
دازلك وادم يراضونه
ونرد نرجع حبايب
وترجع لشفتي ابتسامه
واني جنت وياهم بيوم الأجوك
وبأذني اسمعك من تكلهم
هو عندي انسان عادي وما احبه ولا يبالغ باهتمامه
يا فشلتي كبالي ناسي عيشتني بيومها حالة ندامه
كلشي كام يضيع مني
وكلشي بيه تهدم وما ضلي شي
شهل خراب البيه عفته بروحي صارت جم قيامه.

خلي نلزم خصرك بوكت الشباب
ومن نشيب نلزم السجاده
رگبتك مو للگلايد لا حرام
عدنا شفة تصير خوش گلادة
احنه جينا بحضرتك ندعي ونتوب
شو رجعنا ويانا تمشي ذنوبنا
هي شامة ويندل اللّٰـه يحطها وين
بالمكان الـ بي يعذب گلوبنا .

هِوَت رُوحي وهَوت بَس
ما هَوتها الناس
حچي عَيوني سهَل بس چيب
اليفَهمه .