تكبر انت
وتصغر بعينك
حياتك
وتبهت الألوان
كلها
و وحدة وحدة
بعينك تموت
أمنياتك
تباوع بعين أليبيعك
ما تدافع عن
غلاتك
مو رخيص أنتَ
ولكن
كثر ما تعبت
عليهم
مابقت گطرة
بلهاتك.

چنت تدري أنا أحبك
ودرت وجهك من دريت
گتَلك أُبقى گبال عيني
وعمت عيني وما بُقيت .

" عينَك علي وأستمع ..
مرتين نفس البَشر يجرحني ما أعذره ..
فوز وخَسارة العُمُر
ماعدنه أي مُشكلة أي واحد نخسره
وچان إختياري غلط ...
كُل ظنّي تسوة التعب وإلي حَبَك تقدره !
ويمشن عكس ماردت ما وصلني لهدف
يختارن العَثرة "

و إذا گتلك عيوني
مقصر يجوز
حبيبي إنتَ و حبيبي
و عين عيني .

مو حباً من انعزل
شارد من الواقع
وبالغرفة گاعد اضل
بس روحي بالشارع
طالع علية الحچي
رغم انا صاير سنة
من البيت ما طالع .

وهمومي نار بگطن
اطفيها من هلكتر
من هلكتر تشتعل
وبروحي لكعه حزن
من ابتسم ما تنمحي
وبالماي ما تنغسل!
بعكازه اشوف الدرب
المرود كسرته بأدي
ولله استحي من الكحل!

بنُص الليل
گاعد بَس
أنه وروحَي
بنُص الليل
چانن غافيَات
وگعدن جروحي .

يا حبيبي خاف ترهم
يوم وازعل لا تفكر بيّه
زايد گلبي فضَه، والزعل
ويّاك ومضه بس أشوفك
أو يمر بيّه خيالك كل شي
بيّه بساع يرضه من تجي
لا تعتذرلي لا ترضّيني حبيبي
لخاطرك من كيفي أرضى .

گبل حالفلي بأهل البيت
تضل وياي ما ضليت
لذلك مالي عتب عليك
‏وعمت عيني من افكر بيك
عِشرة وخَلصت بجروح
وسرك منكشف مفضوح
وعذرك دوم ما مسموح
كافي وروح بـعَد لامعذرة
تفيدك ولا اسف
ولاهُم يحزنون أنطيت بية .

حَبيبتي لاتنتظري
أنا على سفر دائم
لم أخذ حُبكِ مَعي
لا أريدهُ أن يرى المقابر
حَبيبتي تَركتُ لكِ حُبًا
يَكفيكِ عَمرًا من العشق
لاتكوني هَواء
قَد يستنشقكِ من لايستحقكِ
أذكريني في أي ليل سئأتي
أحر من الرصاصةِ

جنتِ كحِلة بناظِرك و انت بجيَت
وطيحِتني و انت خِدينك رمَل
وجنتِ نِار الدفِتك لمَن طفيَت
تشِيل برمِادي گمت عمِده وتهِل
وانِا كِل هِذا فِلا گلت وحجيَت
ولا جَزع گلبيَ ولا مِنك امِل
عِود دلوَك الدِرب بسَ ضيَعوك
واخِذوا التمِرات وانطِوك النوىَ
وانت عطِشان و ابَد ماشِربوك
يا سَراب الليَ عطِش منِه ارتوىَ .

وانه كُلشي البية منّك
هذا خوفي
ورجفة چفوفي
وحزن روحــي ، وغناها
عرس دمي
وفرحة عيوني وغناي
ومشتهاي، العَطَّش النجمة لضواها
حتى حبك
والنداوة الفوگ جفني
كلها منّك
-صفاء السراي

مامرتاح
عيوني تستحي بس الدموع اوكاح
ما مرتاح
منّك
منّي
من الجاي من الراح
ما مرتاح
عركه وي الزمن و رجعنه مكسورين
و بعيده المسافة و ينسي اللي طاح
ما مرتاح
لأن شفت الشمس نزلت تبوس الگاع
و بچف الطفل تنلاح
و لأن قاضي البلابل مدد التوقيف
ومفتوحه السما
و الفيل عنده جناح
ما مرتاح
لأن قفل المحبة إنباگ
و ترهم عليه مفتاح
ما مرتاح ..

- كاظم إسماعيل الگاطع

أوجد فيِ أحد قصائدُ
جبَار رشيدَ وسميرَ صبيَح.
منَ كتاباتَ وِ قصائدُ عضيَمه الكَ
وأنَ تائهَ ابحثَ عليكَ هناَ وهناَلكِ
فَي تعابيرَهُم ولمَ اجدَ شيءَ كافياَ
لشرحَ احساسيَ وحُِبي وحزَني اليكَ
فيَا ليتَك تشعَر ماهوهِ عليهَ انا الانَ.

أنا الجميلُ السومري البابلي
كانت يدي قيثارة العشاقِ
هربت طيوري ..
حين ضاعَ أمانُها
فكأنني شجرٌ بلا أوراقِ
الشمسُ شمسِ والعراقُ عراقي