تعبت وروحي جزعت مـن العتاب
كل مَـاريد اسولف تغرگ العين
انة بية سوالف تشتهي الموت
ويگلي الموت لا مو هـسهَ بعدين
يسألوني واگلهم عايش بخير
انة چذاب عشت العُمر مو زين
هاي الناس تضحك وانة مهموم
عشت حُر بـَس شلت ضيم المساجين
بعدني بعز شبابي وبين الشيب
ويني وين شيبي وعمري عشرين
بعدني صغير مو مالت حزن دوم
ماشابع لعب ويا الجوارين
ياروحي اصبري سنين وتهون
وذا ماهانت اگطعها الشرايين .

الطاحَتلك گبل هل مَرة متطِيح
الجَرح مِن ينفتَح ماخيطة مَرتين
بعُمرها حچايتي ماصارت ثنين
بَعد يم گلبي صدِك ما اخليك
اشَلعك لُو صِرت وَي الشراين ..!

وانا بلا شوَفتك شينفعّن عيوني
يشوفتي ورچوتي ودَنياي
ودنياتي ولوَني وعذابي
وبسمّتي وشگواي وضنوَني
يخيعونك عِلي وبيك خيٰعونيَ

ليش تذبّل
ليش حِزن الناس موسِم
وأنت حِزنك ماله تالي
ليّش طيفَك فاهي گلبه
وطيفهمُ عَرس الليالِي
هوايَ ليّش
وما حضيت بچلمَه تشفِي
خلّصت عُمرك مناظر
يمته تچفِي؟

المثلي فُرصة تجي
چا وين تلگاهم
أرهم لعينك ضوه
وأرهم لجرحك دوه
وتگلي ما راهم
واحچيها بالمُختصر
ميزتك إعله البشر
ساويتني وياهم .

غير اليرضي اللّٰه
وياك ما سويت
وانتَ اليغضب اللّٰه
ويايه سويَته
چي گتلك كذلتك
من تميل ارتاح
خباثة ويايه
شعرك رحت گصيَته

ياحزن ياريت اعرفك
جنت اسويلك حديقة
وممشة من كاشي الفرح جدام بيتك
ياحزن
ياريت اعرفك وين ساكن
جنت اكلك لاتجيني
وتمشي كل هاي المسافة
أني وحدي جان أجيتك
ياحزن وحياة حزنك
ما عرفتك
جنك مغير مشيتك
حاط ريحة رخيصة كلش
يارخيص شكد بجيتك

ابچي وحدك
عيش وحدك
اشكي همك لنفسك
محد لحزنك حزين .

كُل ظني وياك أنسعد
وبحُبك أفرح
يا ورد ماچنت أعتقد
حتى إنتَ تجرح .

حِزني لَيلي
شلون وبيا ظَلمه أضمَة
حِزني لوعات اليتيم الفاگد أمه
حِزني گاعي, أبيش أطمَه
حِزني من مَديت إديه ورَجعتهن
حِزني من طاحَن دموعي وما شِلتهن
حِزني ذَنيچ الهَدايا
ألمَن عِفتني , ما عِفتهن
حِزني نَسمات الهَوى
بشباچ صَدري حِزني من گتلك
تحَبني؟ وگتلي مَدري

عذروني ترا وضعيتي تعبت
حياتي مخربطة ومافاهم أي شي
مبينلكم قوي بـَس اني منهار
بـعَد مَـاريد امثل رايد امشي
ترا الكتمان يوصل حده مرات
بـَس المشكلة شتريد تحچي
الما يگدر يسولف يبچي يرتاح
أنه حتي بچي ماگادر ابچي .

ظَل بالليِل مَاكو ومَيزت ظِلك
وأندلك وأجِيك وأگدر اوصَلك
ادَورك مَا أمِل والگاك وانَدلك
وَلو حَبة رمُل عَنوانِك بَصحراء
أشمّن ريِحتك بالگاعَ واوصِلك .

بْرو‌َحك چَم سمْه
ومأغيمَت ويأِي؟.
علِيهْ تزخ عطُش
ومَنشِف ألسَبعهْ.
بگِصأيب يأحِلم
شدِيت روَحك خيْط
خيّطك مُن يمُر
دخِأن مأ أگِطعهْ
ثگِلت بروَحي چثِه
ومأ لگِت جَنأز
خيّألك گُمِت أشوفهَ
منيّن مأ أضيْعه..

بيِّنيِّ وبين نفسي شَكد أفكر بَيك
واگول شمعنىٰ انتَ الشاغل اضّنوني
مو أول عَشك حتىٰ
تشل الحَال
ولا أول جَمال تشّوفك،عَيوني
شجّاها الروحَ
يَمك ذَبت الأسرار
وليش أرجف عَليك،وينخّطف لَوني
وحَتىٰ الناس
گامت تَعرف بهالحَال
وما أعرف،شَكلهم مَن يسألوني
يطبّون بصَفنتي
وعَنك يدّورون
ويَلگوني أفكر بَيك،يَلگوني .

ترا اصعب شعور تعيش خسران
الأصعب منها من تعيش مذلول
متحطم واشوف أحلامي تنهار
وأنه شعندي بس كلمة هضيمة
اقنع نفسي اگولن باجر تهون
ماتبقى على حال احسبهه غيمة
صار سنين اگولن باجر تهون
لا ميت ولا فك گلبي ضيمة
سگف عندي وحبل بالبيت موجود
موت الله بعد فكرة قديمة .

ليش يا اول حبيب
من تحاچيني تدنگ
جنك محاجي غريب
ومن تلاگيني
تضم ايدك وراك
وانه واگفلك صليب

ومِن رحَت طأح ألگِلب
وصحيته گوهَ وگعِد
وبأوَل حچأيه أنحچت
عنِك سأل ويٰنك؟
ضنيَت سأعِة زعِل
خلصِن أيام شكِثُر
ساعة زعل مأگِضت
يأزين من زيِنك
چَم طيف ألك ودَعت؟
حملتهَ شوگ وعتِب
زتيٰته أجَل عينك
وكَل هذه بأقي بأمَل
لأزم يجيَبك تعبَ
ذيچ ألاسنيَن ألمُضت
مأ بينه وَبينك
ومَأ آيسَت مأتجي
بس أنه لازم اجَي
بحجهَ أرد دينِك
شديْت عين ألجَرح
وجَبته وأجيت أعتذِر
يّم بأب سچيَنك..

آنهَ أحب شِعرك وأحبَك
وآنه بالرُوح أشترِيك
حَتى فنجَانك أحبَه
المحتوي لمسٌات أدَيك
مِرة منعَوني مِنك
قِررت أغبّش وأجيَك
مِن لمَحتك لابسْ أسود
گلبّي ظَل يرجِف عليّك .

بروحك چم سمة وما غيّمت وياي
عليه تزخ عطش ومنشف السبعة
بگصايب ياحلم شديت روحك خيط
خيطك من يمر دخان ما گطعه
ثكلت بروحي جثة وما لكت جناز
وخيالك كمت أشوفه منين ما اضيعة
اليسافر للببجي يأخذ عيوني متاع
على جفني ولام جايه مخيطه الدمعه
اليفاركني شبر أبقه التفتلة سنين
وأتاني بيا جرح يا لجمة الترجعه

أخر وصايا علي رشم؟
حبيبتي
لاتنتظري فأنا على سفرٍ دائم
لم أخذ حُبكِ معي
لا أُريده أن يرى المقابر
حَبيبتي تركتُ لكِ حباً
يكفيكِ عُمراً من العشق
لاتكوني هواء قد يتنفسكِ من لايستحقكِ
اذكريني في أي ليل
سأتي على أحر من الرصاصه
علي رشم.

طعم مأ بيها صارت
هاي ألايام
نتعب حتى نرجع
رأسًا ننام
لأن ما عدنا
وأقع نستعز بي
أنهزمنا من ألحياة
لنص ألاحلام .