الجگاير والشعر
يصحني طول الليل
ويسألني بوكت
بية الخلگ نامت
اورثها الجگارة واستمع للنواب
واحس روحي تطيح
عالوجه هامت
وياخذني الوكت وادخل
حضن عريان
ويقرالي القيامة شلون
مـن قامت
' واعز مـن روحي اعزك '
هاي للتاريخ
ارددها وابد مـن بالي ماراحت
ويجي الگاطع يگطع گلبي
مـن يقرالي مامرتاح
ويفز بية ونين وحرگة
بيها صياح
القصيدة البيها زعل
تزعل الروح ، ومانعرف
زعلها منين
مـن الجاي مـن الراح؟

متعافيه الوادم يكلولج حيل
چي ما رضيتي بواحد يريدونه
هذا البشر تلگين من عنده منين
وشراح يلگه عيون مثل عيونه
مر اعله بابج مشتري ورديتي
واحنه النتاني يفوت بالدربونه
بس الصدك هو اني هم متعافي
عايف الرايدني وعليكم لافي
هو ابو الكلب الصافي من الله يصير
يركض ركض عالمو گلبهم صافي

الليلة ضَايع
الليلة ظلمة
ولا گمر بجروحِي لامع
الليلة اسّيرلك
ورگ فوگ المَدامع
الليلة اموت
وتايبين
وحَاسبينك
طفّن بروحي الجوَامع
الليلة ارد طين لمَچاني
وعلى الصُور
تلگاني ناگع
الليلة مَا مرتاح يصرخ بيه گاطع

گعدت من الصُبح خايف
أحس خطواتي ما يمشن
درت وجهي إعلة المراية
ملامح وجهي مو هيه
أمس خَليتهن عِدمن
أنة لا شاب لا شايب
ولانة بگد البحِلي
حرت وياي ، أنة بگدمَن ؟

ومثل كل مَرة هَـم
رديت نادم
حزين وگلبي يشبه
شفة الصايم
حزين وشارد مـن الدنيا
ومن الناس
ومني ومن جَرج
بـَس الله بي عالم .

عموماً ..
روح لـيش تبرر وتتعب
يمڪَن أنـي مَ انحب
روح وخل اضل وحدي
وروح وراح تذكرني من أي
واحد يحبك مراح يفهمك بگدي
وليضل بالك تعدي
تلگا الاحلى مـن شكلي
ومتلگا الاحن مـن ععندي .

مـن گلتلي أني أحبَك
أني أحب هذا الأمان الشفتة يمك
أني مَ رديتك وحبيتك أڪثر من محبتك
لـيش هيچ تسوي بية؟
لـيش هيچ تعوف أدية؟
لـيش هيچ تدمر أيامي وسنيني بروحتك ،
چا هيچ هيَ !
لـيش أذيت الحبيب الراد عُمرة عمره يخلصه يمك
لـيش والليش شكُبرها ، لُغز ياهوَ اليحلها؟

بعينك صد عَلي بس بضميرك شوف
بويه تصيح هذا شگد حَزن جارع
هذن هيچ الشفتهن من عده المضموم
اليشرح جثث مايگدر يباوع .

يوم ثانِي وآنة تايه
محّد يِدلّيني بيّة
وهاي هيچ سنين عدّت
وانه أحس مربوطة إديّة
لا انة شايف چاره إلي
ومداوي جرحي
ولا انه متحمّل ثِگل هِدمي
العليّة

مرة زعلني وضجت
گلت هاي هيَ أنتهت بيناتنه
وحتى لو صدفة وتلاگينا بدرب
اعتيادي تنعكس خطواتنا
وشاءت الصدفة وتلاگينا بدرب
هوَ رايح وأنه جاي
گلبي شگ صدري وطفر وافتر وراي
وگام يدفعني ع دربه ويگلي
فدوه أخر مرة هاي .

ياحَبيبي
وخَاف يبعدنا الزّمان
روحِي تبقى لغير رُوحك ماتحِب
انتظـرني أليوم باَچر
بلكي لو صَدفه التقينا
آنه اعرفك
وانتَ تتذكر ضحكتِي ومستحَاي
وآنه لو مَيت أعرفك مَا أتيهك
وياحبيبي
أرجوك لاتنسى السُوالف
والعشگ لابُد يمُر القطار
البيه عرفتك
هناك يَم آخر مَحطة أنتظار
باقي أحبّك...

أنه وگلبي
النحبك طولت عنه
يـ منة شغيراك وصرت مو منة
بشر لكن أغيابك
مال ناس هواي
شما تبعد رسومك
موتي يتدنه
مومالت زعل بـَس أنتَ ردت أتروح
موچد غير ناس
وعندك الظنه
ترى مبين الرايد حجه حتى يروح
يزعل مـن سوالف مايزعلنه .

خاف باچر تجي وتلگاني
ميت لاتضل تبچي وراي
چنت عايش ماشفتني
ونايم بحضني وخنتني
لـيش نادم هـسهَ جاي؟
واترس الگاع بصوري
وبالشوارع رشه عطري
وعيش مكسور واناني
ولاتجي لگبري حبيبي
فشله مـن حُبك الثاني .

وهَسة گلي
شنهو عذرك.؟
اني منطيك العيون
وانتَ كضيت العمر
منطيني ظهرك
انتَ بايعني ببلاش
واني خايف لا اخسرك
انتَ كاسر كلشي بية
واني خايف لا اكسرك
ومن بعد كل هذا اريدن
سَبب واحد
حتى اعذرك
شنهو عذرك.؟

جيتَك بليلة شتى
ظلمة ومطرها رشگ
و شبعده صار الدَرب خوف
و رعيد و ثلج و چفوف إديّة زرگ
ببابَك طحت ها گمت
ضميّت إديّة و ردت
عَلى الباب بالروح أدگ
بس گالوا إلمن تدگ
كلمن مشى لحالته
واحد سكن بالغَرب
واحد سكن بالشرگ

عَفت كُلشيّ مِطشَر
وليَك اعَتنِيت
وعَفت وادِمّ تِسوّة
رُوحَي وجَيَتلك
رَدّت اگلكَ
بَيه المّ بَيه المّ
بَس مِا حَچيّت وگتِلك
مِن البَارحِة اشتِاگيَتلك
وسَوّلفتَ يَمِك
شِعَر بَس مِا صَغيّت
گلتِ مِا يَسمِعنيّ
وانِدنِتلك
وسَوّلفت بَاذنِك غَزل
وتِسامِرّيَت
وشِفتَك تَمِل الحَچيّ
وغنِيتَلك .

أشتري وبيع بحياتك واخسر ولتخاف
المهم سوي التريدة وجازف وراهن
وسرك لا تودعه البير مَ يخفي
دلو مـن يمر عليه يطلع شدافن
وكلها تموت صفرة الموت هَـم بي لون
دوخني الگطن عاجبني ردت موت
الگطن للموت ميهادن .

تعبت وروحي جزعت مـن العتاب
كل مَـاريد اسولف تغرگ العين
انة بية سوالف تشتهي الموت
ويگلي الموت لا مو هـسهَ بعدين
يسألوني واگلهم عايش بخير
انة چذاب عشت العُمر مو زين
هاي الناس تضحك وانة مهموم
عشت حُر بـَس شلت ضيم المساجين
بعدني بعز شبابي وبين الشيب
ويني وين شيبي وعمري عشرين
بعدني صغير مو مالت حزن دوم
ماشابع لعب ويا الجوارين
ياروحي اصبري سنين وتهون
وذا ماهانت اگطعها الشرايين .

الطاحَتلك گبل هل مَرة متطِيح
الجَرح مِن ينفتَح ماخيطة مَرتين
بعُمرها حچايتي ماصارت ثنين
بَعد يم گلبي صدِك ما اخليك
اشَلعك لُو صِرت وَي الشراين ..!

وانا بلا شوَفتك شينفعّن عيوني
يشوفتي ورچوتي ودَنياي
ودنياتي ولوَني وعذابي
وبسمّتي وشگواي وضنوَني
يخيعونك عِلي وبيك خيٰعونيَ

ليش تذبّل
ليش حِزن الناس موسِم
وأنت حِزنك ماله تالي
ليّش طيفَك فاهي گلبه
وطيفهمُ عَرس الليالِي
هوايَ ليّش
وما حضيت بچلمَه تشفِي
خلّصت عُمرك مناظر
يمته تچفِي؟