مـن هـسهَ اگُلك شوف غيري
ماعود لو تنخه چبيري
يم صوفهم تنكر حريري
ختموت كلها ولا ضميري
هـسهَ افتهمنا مـا أفيدك
لـيش مـن اسلم ضام أيدك
يالماردتني مـا أريدك
مو فاتحه ومرتين أعيدك .

انا ڪُلش مو سعيد
مـن القريب مـن البعيد
مـن الحجي الگاعد يزيد
الدنيا مني تريد شي
وانا شي ثاني اريد
هواي ناس محاوطتني
بـَس احس نفسي وحيد
ودائمًا أبني وأقاتل
والگه غيري مستفيد
واغلط وانسى واعيد
انا ڪُلش مو سعيد .

مَا لحگت أشوفك زين
تجيني شوية بأحلامي
أنة تمنيت لو رسِام ؟
وأگعدك ساعة گدامي

رهمتَك علَيّ بس مارهمت وياي
انتَ الـ ما ردت شتريد أسويلَك؟
عاشَرتَك نجِم
مِن چان عمرَك ليل
أذوب وأشتعل حتى
أبقى أضويلَك
مِن طلعت شمس خط رَجعة
ماخليت
وما جازيتني لمَن خلص ليلَك!
بانيلَك چنت حضرَة
عشگ بالروح
ومَرقد للمَحنة
بروحي بانيلَك
وأنذرلَك چنت وأفتر
وأحني الباب
هسة تهَدَمت يا باب أحنيلَك !

وانه كُلشي البية منّك
هذا خوفي
ورجفة چفوفي
وحزن روحــي ، وغناها
عرس دمي
وفرحة عيوني وغناي
ومشتهاي، العَطَّش النجمة لضواها
حتى حبك
والنداوة الفوگ جفني
كلها منّك
-صفاء السراي-

جنت ساكت
واباوع ذيج العيون
متغيرات مو نفس الشفتهن
هذن صلفات
ماحبني فد يوم
ذبلن عيني بس ما ذبلتهن
كلشي بروحتك
صادمني والله
واحس سنيني يمك ضيعتهن

انت وين شتدري بية ؟
تنام دافي واني حاير
ريتك الوردية تدري ،
بريتي نفاضة جگاير ؟

شوضح للِبشَر أكثر؟
النَّاس تگلي متَغَير؟
هُوَ المَيْلُ لو لاگي رقم يَحوِيه
ما جاب العمر يفتر شٌنو
الفَائِدَة مرتب گبال الناس
وأني بداخلي مطشر .

تزور المگبره وتعلگلي عَود بخوُر
وتِقره الفاتحّه ولروحِي تهديهَا
ما ابرِيك ذَمه لا وحگ حسِين
تضِل مشكوله ذِمتك مَاني باريهَا .

هَيج تسوي معَقوله ؟
اذا آني عَوض شايفني عن انَسان
انتَ التجربه الاوَلى !

لا بيه اگُلك لا تجَي
ولا بيه أگول أرجعلي
دوامه وتودي لحربّ
مابين گلبي وَ عقليّ
خايف أجَيك بلا وعيّ
وما بيك تستقبلني
أنه أعرف تحَب تبتعُد
بس ما عرفت تحَبنيّ .

أنتَ چنت تريد حجه
حتى مانبقى سويه
چانت اعذارك أبد مو منطيقه
الغاية منها تضحي بية
عاشت أيدك ع أذيه
منيلك هل قابلية
شكم سنة تمثل علية
شلون چبت الدور هيج
المضحي والضحية .

انه وحدي
افتر بليل الشوارع
ضايع يدور على ضايع
انتَ لو گايلي رايح
ما ادورك
چا گلتلك بالسلامه
اكفيني شرك
هي ضَلت بَس عليك
أنَه روحي وياي ضدي
المَهم خليني وحدي .

نَامت بحَضني وشكتلي همُومها
وسولفتلِي شلون يخلص يومها
وضحكت گلتلي ربي يدُومها
سكتت وگالتلي سولفلي عليك
شلونه وضعك طيفي هم يتعَنه ليك
ردت اسولف گالت مبينه الجروَح
وأبد ماصارت تون بيدي وبديك
وگعدتني أمي وطلع هذا طَيف
وما حجيتلها شصفيت بدُونها
ردت اگلها وداعتج كُلش نسيَت
وما احبها يَا خي بـَس .. عيَونهاا

لَمحتلَك ألف مرَة
وإنتَ تعرُف غايتِي وماطاوعتنِي
وسولفتلَك سالفة عاشِگ خَجول
وإنتَ تعرُف هوَ آنه! ، وماعرفتَه وخجلتنِي
وسولفتلِي إعله الحرُب والمُوت والدَم والضحايا 
وكلمَة المحتاجهَة ماسمعتنِي ..
وكُلشي گتلي وكلمة المَيت عليه
عاندِت روحك عليها وعاندتنِي
وبينَن كلهِن عليك .. وإنتفض وجهك بوجهي وصيحتنِي
وضيعتني وهَسه مِن طاحَن سنيني إتذكرتني؟
ليش مِن گلبك رجف ماصارحتنِي
شبيك مِن عينك خَذتني  ..
إتذكرِت موقف بچيت وطيحتنِي
ومِن إجيتك حَتى بحچاية چذب ماجاملتني
وآنه إجيتَك غاسل چفوفي بـ ورِد مِن سلميّت
وإنتَ غاسل چَفك بماي الغرُور وصافحتني
وكُلشي ماواضِح عَليك
وآنه حَتى هدومي تهواك وأحسَّن فاضحتني!
يشكن أيامَك خسارات وضياع
وآنه چي حبيتَك سنيني أحسَّن رابحتنِي
چان مِن ضِلعي خِشبها أبلام عُمرك ..
وعبرِت حَتى اليكرهَك بيهِن وماعبرتنِي
وشاغ گلبَك مِن سمع طاري الجَرح
وچفوفي ركضَن صبرنَّك!
وإنتَ ياصانِع جرُوحي الـ لا عِفتني أبچي
ولا مِن صبرتني  ..
ومرمتنِي،  مَوتتنِي
مرَة غازلتَك چذب وتورطيت
وألف مرَة إتعذرت ماسامحتنِي
وتزعَل وتاخذ عيُوني ..
وماأگلك شو خذِت كلشي لچن ماصالحتنِي .

لترجعيلي
مااقبلج اني اسف
الشفته بروحتج مو مال
ميخالف
انا بروحتج ياسادة ماخليت واحد
مارحتله وجهي ضل تالف
وكلش منعزل
منطوي
وچم يوم اباوع بالمرايه
وكلشي ما شايف نرجع
لكن تمرين بالمريت بي
سنتين انساج
واحط راسي وافز
خايف .

بعَد ما أگول وصلت ، عُبرت الحَد
وبنيت ﺑ‌ بين روحي وبينهم سد
واضح الاختلاف بلون الگلوب
وگلبهم من بعيد مبين اسود .

وصَلت للكرامه هنا و حَدك عَاد
انتَ وگلبي احطكِم جَوه رجليه .

مهضوم يُمة وگلبي كلش تعبان
من وضعي من الناس من حنيتي
من كلشي ماميز صرت وين الأه
تيهت روحي وتيهت تاليتي .

غلطه وابد مَ تنغفُر
جانت محبتك
واليوم جاي أدفع
ثمن يوم العرفتك.

ما هملتك من خنتني
چنت ماليك اهتمام
وهسه جاي اكل بروحي
گمت اشك بشكو مرة
گتلي نعسان ارد انام .