أذا سرك تحفظة تحير الناس
وأذا ناسك تعرفة بوحدك تحير
فرق بين اليسرك والتسر بي
وحذاري من اليكلك سرك أبير
وأذا مايك تلاطم فوك الجروف
أكيد العلة بجفوف النواعير
طبيعي اليمشي يعثر تغدر الگاع
ولكن مو طبيعي اليزحف يطير
زمانك مركب وصير أنتَ الشراع
وأذا رأيك تضبطة بكيفك تدير
على متون الصبر قيس المسافات
لأن بس بالصبر تگضي المشاوير .

‏چنت محتاج أشوفك
‏من جنت ماشوف
‏وردتك عون إليه بوكت عازة
‏گزازة أنت وأضمك بين العيون
‏ويا عين التغمض على الگزازة .

بچفوفك شكد شعر
اسرار ما تنحجي
ثوره وقصيده وعشك
طاحن بتالي العُمر
ومسودن اني من احب
لو أموت لو أنتصر .

إذا أنتَ غشيم وعرفوا يغشوك
‏شنو ذنبي ثمن لاخطائك أنه ادفع
‏ثنه رجلي الحزن والراس طخ الگاع
‏وركعني وتگلي تهون لاتركع
غَيْر الروح تقنع من أكلها تهون
العطش من السراب شيرتوي شيقنع .

هلبت تقتنع ترجع
اريد ابچيلك مربع
اريد تشوف مـن تمشي
اطيح بالدمع رمشي
عظيمة ايام هجرك
ياهو الها سنة بوداعك
يسكتون بية .

ضلام أنتَ بحياتي وضلمك هواي
واضوگك مُر واگولن لا طعم هيل
واعرفك خاين وأدريك بذات
وتريد وياك اخلصها بتواسيل
واعرفك قبلي عاشگ واعرف البيك
وضميت الاسرار بوحشة الليل
كل هذا وبقيت مصبر الروح
حلم وابقي ؏ حيلچ قوي الحيل
أنه الدلليتك و بوقت عوز
وتگلهم علية مشوفك الويل
اكفر بالكرامة الطخت الراس
واكفر بالعشگ واهل المراسيل .

چَلچلت والليل خيم
والسوالف ماكو صوت
چَلچلت والريح خرسهَ
تنشد عليمن نموت
چَلچلت تلحس بدمنهَ
وفوگ دمنهَ تگول فوت
ياوكاحة عين صَلفه
وياصَبرنه بحلگ حوت .

الهدوء الصاير بهاي العلاقه
برأيك يدل ؏ السلام؟
تختصر حُبنا ﺑ‌ أحبَك؟
ماكو شي يثبتها مليت الكلام
بعمري واجهت المشاكل
وانتَ ماكلفت نفسك
واجهتها ﺑ‌ راح أنام .

لاتلعب على الحبل
لو گلك انتَ الي
لو لا تمر گلك
لو گلبك صدك الي
ماتمشي ويا الغرب
من دون ما اگلك
طير وي غيم السما
وبس گلي احبك اجي
شما تعلى اوصلك
بس لا تحط بچرف
يذبحني عز النفس
ما اگدر انزلك
والله من انخسر لو تنطي روحك
بعد ما اگلك ارجعلك
بروحي عزة صكر
لو غيري جاسك بعد
تحلملي ادنالك
وطبعي مثل الرزق
ماابقى من انهمل
اسعالي واسعالك .

ثنين جانوا ألك وماكو
بحياتك فقط أنـي ونظر
عينك ، وعينك درتها ورحت
ولا چني منك چنت وبكل
سهوله اخسرت واحد مـن
ثنينك ومن رحت طاح الگلب
صحيته گوه وگعد وبأول
حچابه انحجت عنك سئل
وينك؟

چنت گبالك وما حسستني بشي
لا مشتاقلي ولا بينت كلشي
أجيت وردت أشوفك ورجعت فشلان
وحدي بنص كسرتك ضايع وأمشي
ولأن ماباچي صار هواي
ﺑ‌ برودك بللت رمشي
ياهوَ البعدك عني؟
تره المفروض تتغير
على الكسروك مو مني
الصدمه الما ورا الخذلان
عرفتك أنتَ متحبني .

بَعدك ولا چاي اعرف اهوى
انهَ وفي مو أنتَ تسوه
تعاملني چن لاگيني لگوه
وانه اغلى مـن شيجي بالك
عَد ياعصب بالراس شيمهَ
يمحي التفاصيل القديمهَ
الخلت سنيني بلايه قيمهَ
ياصنم طولك بيدي مـن صب
مالك ذنب مـن صرت رب .

و مثل كل مرة هَم
رديت نادم
حَزين وگلبي يشبه
شفة الصايم
حَزين وشارد مِن الدنيا
ومِن الناس
ومني ومِن جرح
بَس الله بي عالم .

خايف مـن أوصفك
تشتهيك الناس
مو ذنبي مـن أوصفك
وأرتكب مُنكر
اسمر ما تصير
اتحدى شمس الصيف
مـن وجهك أخاف
اعلى الشمس تسمر .

لو گد الصور باقي
غيرك مالي گعدة ويا
لمسولف ولا مشاقي
گمت ما ادري اروح لوين
اطب للبيت
احس شلون الملاگيك
غلطتي بكل مكان
بـ بيتنا محاچيك .

تدري كُل ليلة وره فراگك عشتها
لو تشوف البيه ترجع
خايف وضليت احرك الميل بيدي
حتى تمشي الساعه اسرع
اوكف أذِا مسموح علمني اعيش
وروح .

راجع بطرگ الحزن
خسران مدري انبعت
بس الجرح تذكار
راجع وطن من حرب
حزني إعلى گد الچثث
ميت و ادور ثار .

عاندت كلشي وگلت
دام العلاقة انتهت
مو شجرة اني واظل
ثابت بنفس الدرب
هم لازم اتغير
نظمت وقتي وگمت
بالليل ما اسهر
خليت يمّي بشر
عدهم طموح وحلم
لمّن دريت الشخص
بالـ يمة يتأثر
ماگلك اتغيّرت
بس بالنهاية صرت
امشي بشوارع قبل
فتناها جاي اگدر
كارهني ! عادي المهم
حبيت روحي اكثر .

شنفظهن نفض
شو كلهن التمن
لا عطوه نطني
ولا رضن يهدن
شكثر اسهام
كلهن فد وكت هدن
سهم وداع ، سهم اوجاع
وسهم ذاك العزيز
الصار جوه الگاع .

مـن هـسهَ اگُلك شوف غيري
ماعود لو تنخه چبيري
يم صوفهم تنكر حريري
ختموت كلها ولا ضميري
هـسهَ افتهمنا مـا أفيدك
لـيش مـن اسلم ضام أيدك
يالماردتني مـا أريدك
مو فاتحه ومرتين أعيدك .

انا ڪُلش مو سعيد
مـن القريب مـن البعيد
مـن الحجي الگاعد يزيد
الدنيا مني تريد شي
وانا شي ثاني اريد
هواي ناس محاوطتني
بـَس احس نفسي وحيد
ودائمًا أبني وأقاتل
والگه غيري مستفيد
واغلط وانسى واعيد
انا ڪُلش مو سعيد .