أخسر الدنيا بكُبرها
و مال اخسرك ؟ ما أجازف
جفنك مبلل ما تغفى
آنا حالف
بدل عن كلشي يزعلك
آنا اسف
الرمش للعين أقرب
و انا اگلّك بعد رِمشي
أنت رايي
و وين ما صح رايي أَمشي
شَرد اگلَّك ؟
أحلى شي بيك انت! كلشي

عاتبناكم تانيناكم
وانتم لا ملگة ولا طيف.

ٱمس بالليل طّيفك مَر
بالعَيون
وكعدت وياك سَاعة
وعِاتبيتك
فجأة وراح طَيفك
وفّزت الروح
كِلبت الليل كله ومَالكيتك

We are one day🤍

_

چنت حاسم قرارك لازم تروح ..
بدليل اي حل اقدملك ترفضه !

انتَ وين شِتدري بية
تنام دَافي واني حَاير
ريتَك الوردية تِدري
بريتي نفاضة جگاير ؟

أغافل عيني ، اباوعله
و عيني تصد متتحمل
إجاني بوجهة اليلالي
( و شفته بشكلي ، المبهذل )

ويخلص الليل وانتضر
لليل ثاني بيه واهس
كافر وربچ هداني الليل
شبعني سفر وانه بمگاني
والتسافر عينه بترابچ
حرام شوفه منچ
وين اغضه يا مسافه
البيه جدمچ مَ توضه
ويا طريق مَ مشيته
وما عبر ضهري ويا نده
المنطيچ عُمره شكبر
حضه فگي شباچ الوجع
ونطيني روح .

حتى اذا صار
الصفر يم الصفر
اني نَاذر روُحي ألك
طُول العُمر !
ومن تچي تلگاني
ميت ألمِس اسميَ
وبوسنيَ ولا تعَتذُر .

محطات
ومرني كلشي الشوارع،
والصحاري ،
وصوت جاهل
واللافتات البيها اسمك
والنعاوي الـ حسها ذابل
وكمر آخر ليلة بالبصرة الحزينة
مرني آخر طيف بعيون المدينة
وداسن جدامي الدرب
وصعد منهن خدر للروح
سكت گلبي
وبقت عيني توزع الشوك
وضواها و تبچي باچر
كلشي حاير
كلشي ساكت
كبل ما نوصل لـ ٥٠ كيلو
كبل لا تبدي اللافتات
توج حنيني
كبل لا يبدي الهوى
يبرد جبيني
کبل ميهز ريح
العمارة كذلتي آه يكلبي
چنت ناسي وصارن 30 كيلو!
كل مواويلي القديمة اتذكرتها
كل العيون البچت بالدنيا صرتها
كل لعبنا، والغناوي، والوعود،
والدروب الرادت نمر والجوانين
التجر من دمي بردها كل الأحلام
اتذكرتها ، آه یلـ ۳۰ کیلو اتذكرتها
صرت أشم بكلشي يعبرني عطرها
و اعرفت وين تسكن وين هي وبيش
حلمانة امس وصار بكليبي عرس
صار گلبي ، زفة طيور النوارس كلش
ابيض وكفت الساعة ، ونبض كلبي ،
طفة سايقنا المسجل سلامتكم ،
هاي ميسان الحبيبة اتفضلوا يمي ،
نزلوا بيش اشوفك ؟
وصارن ۱۳ كيلو..
الركاب كلهم وآنة صافن
هاي ميسان الحبيبة ؟
وينك انت
وانة عيني وشلت كل الضوة
بدربك حبيبي
آه عطرك بكلشي يعبرني اشمه ،
وحدة كاداني من أدية وذبني يمكن
وحدة خلاني كبالك وحدة عطرك
چان خارطتي ونصيبي
يا حبيبي ، يا حبيبي ، يا حبيبي ...
- صفاء السراي

ولك عذبت واحد گلبة تشريني

‏﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾