غلطه
وصرحت بالجان مضموم
وعلى كلمة أحبَك
حيل ندمان
لو ما گايل آحسن
موقفي بخير
أقل شي جنه
أنا وياك صدقان
هـسة بين گلبي
وگلبك جروح
وسفه وماجمعني
وياك عنوان
لا آكدر اكمل عشرتي
وياك
ولا آكدر ارد وضعي
كما كان .

عيونج هلالين وگُمر
كل ليلة حسنج يزداد
خدچ مِثل مي وشكر
محلى صِفاتچ والشعر
ما اريد أشبهچ بالبَشر
يا حلوة جنچ بغداد .

_

بكل المشاكل اعتذر
زعلان او ما زعلان
من تبچي نبرة صوتها
تحسسني اني الغلطان.

رسايلكُم تدِگ بالراس
ذكرى و ماتريد تموت
رسايلكُم ورق بي صوت.

ملثم من تمر ماعرفك تريد !
أعرفك لو تحط على اسمك اللثام .

انه گتلك گَبل بس فرگتك فرگه
الگالولك ضحك گللهم ضحك مغلوب
من يختل بروحة دمعته تغركة
لتغرك وگفته النخل كله هموم
تجاعيده ع طوله موگفته الحرگه .

أفرّزن ريحتك
من يا درب مرّيت
اليجي مشتاگ يثكَل
والهوىْ يدّفعه
أختصر كلشيّ وأطول
من أريد أنساك
وأحسّ كل صبح
بارد وجهك يتبعه.

باسم غذاء للروح قبل النوم

فاقد ويا على الواهس

لك انة بية عتب
لو نگعد وينحچي
يومين من الدمع ماينشف ردانك
ويضحكلي جان الهوى
من جنه نتحاجه
هـسة اگعد انة وهلي
ونطلع بصورتك
ونگوم نتباچه .

طگتك هاي البگلبي وعلي تعور
برر ولك حتى الناهبة تبرر !

بَين بعينك ملل أي والكفيل
عميه عيني الخلتك مَليتني
ياهو مثلي الحَبك وحط روحه بيك؟
ثلجه وبنص موگدك حطيتني
چنت أضويلك درب من شح ضواك
ومن اجتك وادمك طفيتني
رغبة عندك يا وسف حسبالي شوگ
ومن دريت أتنفسك غثيتني
أمنيتي اضحكك حتى لو أشيع بابوي
ليش بالعيد الصبح بچيتني
ردتك تودني لهلي لمن عميت
وتالي ما تالي لّحد وديتني
بعيني خليتك عله عليها السواد
وفرجه لـ الله وللخلگ خليتني
يا مسية العافية عليك انة اگول
وانتَ بخشونة حجي مَسيتني
چنت اشيل الگاع واركض مَدري وين
مَدري وينك من رحت سليتني
گتلك الفوگي شمس والحدري نار
وانتَ كثرت الحطب جويتني
ردتك تحافض عليّ وتضمني بيك
أي ليش يم جَمعة غجر غنيتني؟
گتلك عيوني عمن بـَس تگضني أشوف
وانتَ يم شامت ولك هديتني
قشمرتني ﺑ‌ ها حبيبي وبعد أبوي
ومدري بأسماء شكثر سميتني
راح اصدگ بالحسب نجمات ليل
وما اصدگ من صدگ حبيتني .