بديارهم مريت الغروب
مخضر شفت عاگول بالبوب
اهل الهلا وذيج الدواوين
هسة الگبر فوگاها منصوب

الحَوبه تبطي
وما تخطَي
وتلحگ وتسحگ
وتاخذ ثلثين مَن الحگ.

عراقٌ وفيك تسودُ الأسودُ
وتحمي حماك حماةٌ جنودُ
ففي كلّ شبرٍ سينبتُ عودُ
ترفُ عليهِ المنىٰ والخلودُ
عراقٌ وأرضك أمٌ ولودُ
ومائُك ينهلُ منهُ الوجودُ
زُلالٌ تحاكي بياض اللّجين
عراقَ عليٍّ، عراق الحُسين..
  ذكرى النَّصر

نضيف ومو ملعب
مثل تربيتك
فطير وكتلي حبني
وكبل حبيتك
لو حارك هديتي
ولا شمرتك هاي
كل مافوت اشوفن
سلعه يم بيتك
والمسويها سبحه
وتفر بيها هواي
هاي گلادتي وگاطعها
من جيتك ؟

صوتَك ندَهني و مو حلم ،
وفَزيّت من نومي وگلت
مو صدگ ، لا يمكن صدگ !
والروح ويّ صوتَك مشَت ،
ناديّت والخطوة إبعدَت
والصوت ويّ مَشيّ الجدَم
من ينلحگ ما ينلحگ
والروح جابتني و إجَت
و ع الأثَر تمشي إعلة الأثَر
والشوگ سابگهه سَبگ
يَم بابَك ويا حيّرتي ،
مَدري شندَهني وجابني !
- جبار رشيد

جرب غيري تلگه هواي
بَس مثلي سبع بالعشره ماتلگه
ولك انا اعلمودك فرطت بالناس
وتركت حروف اسمك بالصدر دكه
تقارني ابشر مامشتريك بروح
وتشيط عيوني تصعد للسمه الزركه
الك يومين مهله لهسه باقي الباب
ورا اليومين لو ترجع نبي انطبكه
ماتعرفني بعدك لودخلت عناد،
اعاند بالهوه ولوموت ما شهكه
وهداياك الجبتهن وكفلي بالبلعوم
نص انطيتهن والبقن محتركه
اناشغ والدموع جنازه امي تكول
واحسها رصاص بيه من اسمع الصفكه.

طبينة الحَرُب واحدنة
يطوي الگاع
ومِن شفناك واگف
ايد ماشلنة
جمعنة سيوفنة وردينة
مو مِن خوف
چي شفناك واگف
بالحَرُب ضدنا .

بعتلك عمر طَـيب
ومستحة وأخلاق
أعلى بيعة ضميرك لا توازيني
وسَكت سيفك وخل نحجي أني وياك
لضل ساكت وسيفك يحاچيني
الطيبة !
تمشيني أعلى حد السيف
والسيف !
أعلى طيبة مـا تمشيني
تراويني الشمر وتگلي هذا حسين
هذا حسينكم أني اعرف حسيني .

‏بعَد عگبيش
بعَد ما مرمَرت روحيّ
وبعَد ماكثرت جروحيّ
وبعَد ما مَات الگرنفل
وبعَد ما خَضَر العاگول مَن
نوحيّ بعَد عگبيشَ.

المُسامح مو كريم، لا غشيم!

بعد ماود تخاف گلوبنا الهشة
قلق ناطور اخلص الليل شسمع اطلع اتمشة
و عكس كل شيء إمتحان الناس
السهل بس گادرة تغشة
چان إسمي اول و جواه خطوط تصير
وكت ياهو اليجي يهمشة
كلها تغيرت يا گلبي اخذ مني
و لا تتغير تشضيت يا لگمة بسجن مليت
شگد عن عزتي تدنيت !
شگد بلّا وعي تعنيت !
شگد زعلان بس حنيت !

التهدم ساف منه يفيده ترميم
مو مثل التفلش كله ونهار
تسولف ع مواقف وانت خواف
شني بصفحة حياتك شلك تذكار
حديد انت ورجفت بساعة الضيج
وانه خشبة و وگفت بوجه منشار..

گتلة نص الدين يكمل بالزواج
گلي دينك ما يسد ديوني!