موتك خذاك وما خذاني
الليلة اجيك وما اتاني
من موتك لهسة بمكاني
مشلول احس وجاي اعاني
صعبة من افكر ما تجي انوب
بس ذكرى منك تلفي الغروب
ماتت عليك گلوب وگلوب
مغلوب والعباس مغلوب

طلع كل الرسمته أوهام بأوهام
أرسم على ضلام بقلم كحلة .

امس ويا الفجر فزيت مرعوب
يرجف حيلي كله وگلبي مرهوب
گلت ارجع انامن كافي تفكير
گمت طفيت راسي وعفت الكلوب

اچيتك نهر
عشر سنين ماضاگن چروفه الماي
واچيتك شايل
چروحي العتيچة وياي
وانتَ دواي .

گلتلك احترم نفسك
والمايسوى لتشيله
من حلگ لحلگ ضليت
حضرتك بشر نرگيلة؟

اَندلٌ الدرُب وللحِيل اشْد حيلين
عُود الحَگ علي يلگوه تتمشَى

هذا احساسي
من قررتي تمشين
عيني بعينج انتِ وگلتي تنسين
نسيتي وشفتي غيري وعشتي الاحلام
بس صعبة بحياتج مثلي تلگين
تذكريني بس لمن يجي الليل
بغير أوقات متذكريني تردين
الحقيقة تغيرت ومن أيدج الصار
غير أنسان صاير من ترجعين
كلمة اسفة ونتخطى الأيام واحبك
واني اريدك وانتِ تحجين؟
برود يواجهج من عندي والله
واضحك من اشوفج جاي تبچين

اني بَعد غياب وجهَك
وجهي ما أگدر أطيقه
جنِت أحبّك بالخيال
وبالحقيقه .

الورد يطلع بالجماجم لو تجيني .

الوَرد ذابِل مِن زَمان لا تِجيني وتَعتنيلي
لا جَماجم ولا ملاحَم كُلها مَتعوض سنَيني

﴿إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لاَ تَعْلَمُونَ﴾

زعَلان منه لخاطره
و لخاطرَه ما سامحِت
مَر على بالِي و دَنگت
لا أشرَتله ولا صحَت
زعَلان منه ومِن نَمت
مِن الشوگ مَيت صبحت
عيونَه و أحَلامه
وصَفنته و لهَفته
وَدن عليهَّ ومَا رحَت .

جامَلتك عُطُف
تدرَيني ما مِحتاچ
المِثلَك واليشبهَك
مالهُم داعي .

حِزن مترَبع بـ طيني
ضايع مِاعرُف وَيني
ينشدُوني واگول بخيرَ
ودمعّ يتلولحَ
بعينَي .

حبل أعدامي ذكرني بگصايبها

گتلي من تعطش ترويك الجفوف
وهذا أنا العطشِان وين جفوفكَ ؟

أحچي وياك وحدي
وأنتَ ما موجود
وإسولفلك عليّ
وأنتَ مو يمي .