☀️ Issiq havoda oziq-ovqat mahsulotlarini saqlash qoidalari

📍Yozning issiq kunlarida oziq-ovqat mahsulotlarini noto‘g‘ri saqlash mikroorganizmlarning tez ko‘payishiga sabab bo‘lib, oziq-ovqatdan zaharlanish xavfini oshiradi. Shu bois quyidagi qoidalarga qat’iy rioya qilish tavsiya etiladi:
🔹 Tez buziladigan mahsulotlar (go‘sht, baliq, sut va sut mahsulotlari, tuxum, tayyor ovqatlar) faqat ishlab chiqaruvchi ko‘rsatgan haroratda, sovutkichda saqlanishi lozim.
🔹 Muzlatkichdan olingan mahsulotni uzoq vaqt xona haroratida qoldirmang. Eritilgan mahsulotni qayta muzlatish tavsiya etilmaydi.
🔹 Tayyor taomlar va xom mahsulotlarni alohida saqlang. Bu o‘zaro ifloslanishning oldini oladi.
🔹 Mahsulotlarning yaroqlilik muddati, qadoq butunligi va saqlash sharoitiga doimo e’tibor bering. Yaroqlilik muddati o’tgan yoki qadoqlanishi shikastlangan mahsulotlarni iste’mol qilmang.
🔹 Meva va sabzavotlarni iste’mol qilishdan oldin oqar suvda yaxshilab yuving.
🔹 Oziq-ovqat mahsulotlarini to‘g‘ridan-to‘g‘ri quyosh nuri tushadigan joyda saqlamang.
⚠️ Oziq-ovqat mahsulotlarini belgilangan saqlash sharoitlariga rioya etgan holda saqlash inson salomatligini himoya qilish va oziq-ovqatdan zaharlanishlarning oldini olishda muhim ahamiyatga ega.

🛍️ Dehqon bozorlari va savdo rastalarida navbatdagi o‘rganish ishlari olib borildi
🔹 Sanepidqo‘mita Andijon viloyati boshqarmasi Baliqchi tuman bo‘limi mutaxassislari tomonidan tuman hududidagi dehqon bozorlari va savdo rastalarida sanitariya-gigiyena holatini o‘rganish ishlari amalga oshirildi.
🍎 O‘rganish davomida oziq-ovqat mahsulotlarining saqlanish sharoitlari, savdo rastalarining sanitariya talablariga muvofiqligi, mahsulotlarning yaroqlilik muddati hamda sotuvchilarning sanitariya qoidalariga rioya etishi nazorat qilindi.
🧴 Shuningdek, tadbirkor va sotuvchilarga oziq-ovqat mahsulotlarini belgilangan talablarga muvofiq saqlash, tozalik hamda shaxsiy gigiyena qoidalariga amal qilish yuzasidan tushuntirish ishlari olib borildi.
📌 Aniqlangan kamchiliklarni bartaraf etish bo‘yicha mas’ullarga tegishli tavsiya va ko‘rsatmalar berildi.

Korrupsiyaga qarshi kurash qonun ustuvorligi va shaffoflik yo‘lida.

🏢Sanepidqo‘mita Andijon viloyati boshqarmasida korrupsiyaga qarshi ichki nazorat bo‘yicha mutaxassis Yunusov Yunusjon ishtirokida brifing o‘tkazildi.
📌Brifing davomida korrupsiyaga qarshi kurashish sohasida amalga oshirilayotgan islohotlar, amaldagi qonunchilik talablari, davlat xizmatchilarining huquq va majburiyatlari, manfaatlar to‘qnashuvining oldini olish hamda xizmat faoliyatida halollik, ochiqlik va shaffoflik tamoyillariga rioya etish masalalari yuzasidan batafsil ma’lumot berildi.
✅Shuningdek, sanitariya-epidemiologik osoyishtalik va jamoat salomatligini ta’minlash sohasida korrupsiyaning oldini olish, qonuniylikni mustahkamlash hamda korrupsiyaga nisbatan murosasiz munosabatni shakllantirish borasida olib borilayotgan ishlarning ahamiyati alohida ta’kidlandi.

🎙 Korrupsiyaga qarshi birgalikda kurashaylik!

Korrupsiyaga qarshi kurashish — har birimizning fuqarolik burchimiz. Quyidagi audio murojaatda korrupsiyaviy holatlarga duch kelgan taqdirda qayerga va qanday tartibda murojaat qilish mumkinligi haqida muhim ma’lumotlar berilgan.

📞 Ishonch telefonlari:

🔹 Sog‘liqni saqlash vazirligi — 1203

🔹 Sanepidqo‘mitaning korrupsiyaga qarshi kurashish bo‘yicha mas’ul xodimi:
☎️ (93) 0632400

➡️ Audioni tinglang va yaqinlaringiz bilan ham ulashing!

Korrupsiyaga qarshi birgalikda kurashaylik!

🐟 Sog‘lom ovqatlanishda baliq mahsulotlarining o‘rni

🐠 Baliq va baliq mahsulotlari sog‘lom ovqatlanish ratsionining muhim tarkibiy qismi hisoblanadi. Ularning tarkibidagi yuqori sifatli oqsil, omega-3 yog‘ kislotalari, D va B guruhi vitaminlari, yod, fosfor hamda selen organizmning normal faoliyatini qo‘llab-quvvatlaydi.

💙 Baliq iste’mol qilish:
🔹 yurak-qon tomir tizimi faoliyatini qo‘llab-quvvatlashga;
🔹 miya faoliyati va xotirani saqlashga;
🔹 suyak va tishlarning mustahkam bo‘lishiga;
🔹 bolalarning sog‘lom o‘sishi va rivojlanishiga;
🔹 organizmning vitamin va mineral moddalarga bo‘lgan ehtiyojini qondirishga yordam beradi.

📌 Baliq va konservalangan baliq mahsulotlarini tanlashda quyidagilarga e’tibor bering:
🔹 mahsulotni faqat ruxsat etilgan savdo shoxobchalaridan xarid qiling;
🔹 yaroqlilik muddati va saqlash sharoitlarini tekshiring;
🔹 konservalangan baliq mahsulotlarining qadoqlari shishgan, ezilgan, zanglagan yoki germetikligi buzilgan bo‘lsa, iste’mol qilmang;
🔹 qadoqlanishi shikastlangan yoki begona hidga ega mahsulotlarni xarid qilmang;
🔹 yangi va muzlatilgan baliqqa to‘liq issiqlik ishlovi bering.

🚻 Umumiy ovqatlanish shoxobchalarida jamoat hojatxonalariga qo‘yiladigan sanitariya-gigiyena talablari

🍽️ Umumiy ovqatlanish korxonalarida jamoat hojatxonalarining sanitariya holati iste’molchilar salomatligini himoya qilish va yuqumli kasalliklar tarqalishining oldini olishda muhim ahamiyatga ega.
📌 Asosiy talablar qanday?
🚰 Hojatxona doimiy ravishda ichimlik suvi bilan ta’minlangan bo‘lishi lozim.
🧼 Qo‘l yuvish joylarida sovun (yoki suyuq sovun), qo‘lni quritish vositalari (bir martalik qog‘oz sochiq yoki elektr quritgich) hamda antiseptik vositalar mavjud bo‘lishi zarur.🧹 Hojatxona xonalari muntazam tozalanishi va dezinfeksiya qilinishi, sanitariya holati doimiy nazorat ostida saqlanishi kerak.
🗑️ Chiqindilar uchun qopqoqli chiqindi qutilari o‘rnatilishi va o‘z vaqtida bo‘shatib turilishi shart.
💨 Xonada tabiiy yoki sun’iy shamollatish tizimi ishlashi, noxush hidlarning tarqalishiga yo‘l qo‘yilmasligi lozim.
💡 Yoritish tizimi yetarli darajada bo‘lishi va barcha sanitariya jihozlari soz holatda saqlanishi talab etiladi.
🚻 Sanitariya jihozlari (unitaz, rakovina, kran va boshqalar) doimo soz va foydalanishga yaroqli holatda bo‘lishi kerak.
👨‍🦽 Imkon qadar nogironligi bo‘lgan shaxslar uchun qulay sharoitlar yaratilishi tavsiya etiladi.
⚠️ Sanitariya-gigiyena talablariga rioya etilishi oziq-ovqat orqali yuqadigan kasalliklar xavfini kamaytiradi hamda iste’molchilar uchun xavfsiz va qulay muhitni ta’minlaydi.