📌 Brusellyozning oldini olish o‘z qo‘lingizda!

Brusellyoz – chorva mollaridan odamlarga yuqadigan xavfli yuqumli kasallikdir. Kasallikning oldini olishda veterinariya va sanitariya qoidalariga rioya qilish muhim ahamiyatga ega.

✅ Kasallikdan himoyalanish uchun:
🔹 chorva mollarini veterinariya mutaxassislari tavsiyasiga muvofiq o‘z vaqtida emlating;
🔹 kasal hayvonlarni sog‘lom podadan ajrating va veterinarga murojaat qiling;
🔹 xom sut iste’mol qilmang, sutni albatta qaynatib iching;
🔹 faqat veterinariya nazoratidan o‘tgan go‘sht va sut mahsulotlarini xarid qiling;
🔹 chorva bilan ishlaganda qo‘lqop va boshqa shaxsiy himoya vositalaridan foydalaning;
🔹 qo‘llarni sovun bilan muntazam yuvib, shaxsiy gigiyena qoidalariga amal qiling.
⚠️ Uzoq davom etuvchi isitma, kuchli terlash, mushak va bo‘g‘im og‘riqlari kuzatilsa, o‘z vaqtida shifokorga murojaat qiling.

🎙 Korrupsiyaga qarshi birgalikda kurashaylik!

Korrupsiyaga qarshi kurashish — har birimizning fuqarolik burchimiz. Quyidagi audio murojaatda korrupsiyaviy holatlarga duch kelgan taqdirda qayerga va qanday tartibda murojaat qilish mumkinligi haqida muhim ma’lumotlar berilgan.

📞 Ishonch telefonlari:

🔹 Sog‘liqni saqlash vazirligi — 1203

🔹 Sanepidqo‘mitaning korrupsiyaga qarshi kurashish bo‘yicha mas’ul xodimi:
☎️ (93) 0632400

➡️ Audioni tinglang va yaqinlaringiz bilan ham ulashing!

Korrupsiyaga qarshi birgalikda kurashaylik!

🚨 O‘tkir ichak infeksiyalari sog‘lig‘ingizga jiddiy xavf! O‘zingizni va yaqinlaringizni himoya qiling!

🦠 Yoz faslida o‘tkir yuqumli ichak kasalliklari ko‘payishi kuzatiladi. Ushbu kasalliklar asosan iflos qo‘l, sifatsiz oziq-ovqat va ichimlik suvi orqali yuqadi.
⚠️ Kasallikning asosiy belgilari:
🤒 Tana haroratining ko‘tarilishi;
🤢 Ko‘ngil aynishi va qayt qilish;
💧 Ich ketishi;
😣 Qorin og‘rig‘i va holsizlik.
✅ Kasallikning oldini olish uchun:
🧼 Qo‘llaringizni sovun bilan muntazam yuving.
💦 Faqat toza va xavfsiz ichimlik suvidan foydalaning.
🥗 Meva va sabzavotlarni iste’mol qilishdan oldin yaxshilab yuving.
🥩 Go‘sht, baliq va tuxumni to‘liq pishirib iste’mol qiling.
🧊 Tez buziladigan mahsulotlarni muzlatkichda saqlang.
🚫 Ko‘cha va noma’lum joylarda tayyorlangan oziq-ovqatlarni iste’mol qilishdan saqlaning.
👨‍⚕️ Agar ich ketishi, qayt qilish yoki tana harorati ko‘tarilishi kuzatilsa, o‘zboshimchalik bilan dori qabul qilmang va zudlik bilan shifokorga murojaat qiling.

Go‘sht mahsulotlari savdosida sanitariya talablari: mutaxassis tavsiyalari

🥩Go‘sht va go‘sht mahsulotlarini xarid qilishda sanitariya-gigiyena talablariga rioya etish aholi salomatligini saqlashda muhim Sanpedqo’mita Andijon viloyati boshqarmasi bo‘limi boshlig‘i Shohidaxon Shomirova go‘sht mahsulotlarini realizatsiya qilishda amal qilinishi lozim bo‘lgan sanitariya talablari, mahsulotlarning xavfsizligini ta’minlash hamda iste’molchilar e’tibor qaratishi zarur bo‘lgan jihatlar haqida batafsil ma’lumot berdi.

Korrupsiyaga qarshi kurash qonun ustuvorligi va shaffoflik yo‘lida.

🏢Sanepidqo‘mita Andijon viloyati boshqarmasida korrupsiyaga qarshi ichki nazorat bo‘yicha mutaxassis Yunusov Yunusjon ishtirokida brifing o‘tkazildi.
📌Brifing davomida korrupsiyaga qarshi kurashish sohasida amalga oshirilayotgan islohotlar, amaldagi qonunchilik talablari, davlat xizmatchilarining huquq va majburiyatlari, manfaatlar to‘qnashuvining oldini olish hamda xizmat faoliyatida halollik, ochiqlik va shaffoflik tamoyillariga rioya etish masalalari yuzasidan batafsil ma’lumot berildi.
✅Shuningdek, sanitariya-epidemiologik osoyishtalik va jamoat salomatligini ta’minlash sohasida korrupsiyaning oldini olish, qonuniylikni mustahkamlash hamda korrupsiyaga nisbatan murosasiz munosabatni shakllantirish borasida olib borilayotgan ishlarning ahamiyati alohida ta’kidlandi.

🧼 Bolangizni “Iflos qo‘llar” kasalligi Gepatit A dan himoyalang!

👧👦 Bolalar ko‘pincha qo‘llarini yuvmasdan ovqatlanishi yoki iflos buyumlarni og‘ziga solishi oqibatida gepatit A bilan kasallanish xavfi ostida qoladi. Shu sababli ushbu kasallik xalq orasida “iflos qo‘llar kasalligi” deb ham ataladi.
⚠️ Gepatit A qanday yuqadi?
🔹 yuvilmagan qo‘llar orqali;
🔹 ifloslangan oziq-ovqat va ichimlik suvi orqali;
🔹 yuvilmagan meva va sabzavotlarni iste’mol qilganda;
🔹 sanitariya-gigiyena qoidalariga rioya etilmaganda.
🩺 Kasallik belgilari:
✅ tana haroratining ko‘tarilishi;
✅ holsizlik va ishtahaning pasayishi;
✅ ko‘ngil aynishi, qusish;
✅ qorin og‘rig‘i;
✅ teri va ko‘z oqining sarg‘ayishi.
🛡 Farzandingizni qanday himoya qilish mumkin?
✔️ Ovqatdan oldin va hojatxonadan so‘ng qo‘llarni sovun bilan yaxshilab yuvishga odatlantiring.
✔️ Faqat toza va qaynatilgan yoki xavfsiz ichimlik suvidan foydalaning.
✔️ Meva va sabzavotlarni iste’moldan oldin yaxshilab yuving.
✔️ Shaxsiy gigiyena qoidalariga qat’iy amal qiling.
✔️ Shifokor tavsiyasiga ko‘ra gepatit A ga qarshi emlashdan foydalaning.
📌 Unutmang!
Oddiy gigiyena qoidalariga rioya qilish orqali gepatit A ning oldini olish mumkin. Farzandingiz salomatligi sizning e’tiboringiz va mas’uliyatingizga bog‘liq.