Yozda shamollamaslik uchun nimalarga e’tibor berish kerak?

☀️ Yoz faslida havo issiq bo‘lishiga qaramay, shamollash holatlari tez-tez uchrab turadi. Bunga konditsioner, muzdek ichimliklar, haroratning keskin o‘zgarishi va nam kiyimda uzoq yurish sabab bo‘lishi mumkin.
📌 Shamollashning oldini olish uchun quyidagi tavsiyalarga amal qiling:
✅ Konditsioner haroratini 22–26 °C oralig‘ida saqlang va sovuq havo oqimi to‘g‘ridan-to‘g‘ri tanangizga urilmasin.
✅ Muzdek ichimlik va muzqaymoqni me’yorida iste’mol qiling, ayniqsa jaziramadan keyin birdaniga sovuq mahsulotlarni iste’mol qilishdan saqlaning.
✅ Cho‘milgandan so‘ng nam kiyimni imkon qadar tezroq almashtiring.
✅ Issiq ko‘chadan sovuq xonaga yoki aksincha keskin o‘tishdan ehtiyot bo‘ling.
✅ Yetarli miqdorda toza suv iching va vitaminlarga boy meva-sabzavotlarni muntazam iste’mol qiling.
✅ Qo‘llarni tez-tez sovun bilan yuvish va shaxsiy gigiyena qoidalariga rioya qilish viruslarning tarqalishini kamaytiradi.
⚠️ Agar tana harorati ko‘tarilishi, tomoq og‘rishi, burun bitishi yoki yo‘tal kabi belgilar kuzatilsa, o‘zbilarmonlik bilan dori qabul qilmang. Shifokorga murojaat qilib, uning tavsiyalariga amal qiling.

🛒 Oziq-ovqat mahsulotlarini xarid qilishda nimalarga e’tibor berish lozim?

✅Sog‘lom ovqatlanish, avvalo, sifatli mahsulot tanlashdan boshlanadi. Kundalik xarid vaqtida ayrim oddiy qoidalarga amal qilish nafaqat o‘zingizni, balki oilangiz salomatligini ham himoya qiladi.
📅 Yaroqlilik muddatini tekshiring.
Mahsulotni xarid qilishdan oldin ishlab chiqarilgan va yaroqlilik muddati ko‘rsatilgan sanani diqqat bilan ko‘zdan kechiring.
📦 Qadoq holatiga e’tibor bering.
Shikastlangan, yorilgan, shishgan yoki ochilgan qadoqdagi mahsulotlarni xarid qilmang.
🌡 Saqlash sharoitini baholang.
Sut mahsulotlari, go‘sht, baliq va muzlatilgan mahsulotlar belgilangan haroratda saqlanayotganiga ishonch hosil qiling.
🏷 Mahsulot yorlig‘ini o‘qing.
Tarkibi, ishlab chiqaruvchi, saqlash sharoiti va boshqa muhim ma’lumotlar ko‘rsatilgan bo‘lishi zarur.
🥩 Go‘sht va baliq mahsulotlarini diqqat bilan tanlang.
Mahsulotning rangi, hidi va tashqi ko‘rinishi tabiiy bo‘lishi kerak. Shubhali mahsulotlarni xarid qilishdan saqlaning.
🥚 Tuxum xaridida ehtiyot bo‘ling.
Qobig‘i darz ketgan yoki iflos tuxumlarni xarid qilmang.
🛍 Xaridni to‘g‘ri tartibda amalga oshiring.
Tez buziladigan mahsulotlarni xaridning oxirida oling va imkon qadar qisqa vaqt ichida muzlatkichga joylashtiring.
🚫Tasodifiy savdo nuqtalaridan mahsulot olmang.
Sanitariya talablari ta’minlanmagan joylarda sotilayotgan oziq-ovqat mahsulotlari sog‘liq uchun xavf tug‘dirishi mumkin.
❗Unutmang, mahsulotni to‘g‘ri tanlash oziq-ovqatdan zaharlanish va yuqumli kasalliklarning oldini olishdagi eng muhim qadamlardan biridir.

🥩 Goʻsht mahsulotlari savdosida sanitariya talablari nazorat qilindi

📍 Sanepidqoʻmita Andijon viloyati boshqarmasi Shahrixon tumani bo’limi tomonidan “Yoshlar” va “Mullavoy” MFY hududida faoliyat yuritayotgan qassobxonalarda nazorat o‘rganish ishlari amalga oshirildi.
✅O‘rganish jarayonidago‘sht va go‘sht mahsulotlarini sotish shoxobchalarida yaratilgan sanitariya-gigiyena sharoitlari, mahsulotlarni saqlash va realizatsiya qilish tartibi, xodimlarning tibbiy ko‘rikdan o‘tganligi hamda zarur hujjatlarning yuritilishi ko‘zdan kechirildi. Aniqlangan holatlar yuzasidan tegishli hujjatlar rasmiylashtirilib, mas’ullarga amaliy tavsiyalar berildi.
⚠️ Eslatma: Veterinariya nazoratidan o‘tmagan yoki sanitariya talablari buzilgan sharoitda saqlangan go‘sht mahsulotlari orqali brutsellyoz, salmonellyoz hamda boshqa zoonoz va oziq-ovqat orqali yuqadigan kasalliklar tarqalish xavfi ortadi. Shu bois go‘sht mahsulotlarini faqat rasmiy nazoratdan o‘tgan savdo nuqtalaridan xarid qilish tavsiya etiladi.

📌 Brusellyozning oldini olish o‘z qo‘lingizda!

Brusellyoz – chorva mollaridan odamlarga yuqadigan xavfli yuqumli kasallikdir. Kasallikning oldini olishda veterinariya va sanitariya qoidalariga rioya qilish muhim ahamiyatga ega.

✅ Kasallikdan himoyalanish uchun:
🔹 chorva mollarini veterinariya mutaxassislari tavsiyasiga muvofiq o‘z vaqtida emlating;
🔹 kasal hayvonlarni sog‘lom podadan ajrating va veterinarga murojaat qiling;
🔹 xom sut iste’mol qilmang, sutni albatta qaynatib iching;
🔹 faqat veterinariya nazoratidan o‘tgan go‘sht va sut mahsulotlarini xarid qiling;
🔹 chorva bilan ishlaganda qo‘lqop va boshqa shaxsiy himoya vositalaridan foydalaning;
🔹 qo‘llarni sovun bilan muntazam yuvib, shaxsiy gigiyena qoidalariga amal qiling.
⚠️ Uzoq davom etuvchi isitma, kuchli terlash, mushak va bo‘g‘im og‘riqlari kuzatilsa, o‘z vaqtida shifokorga murojaat qiling.

🎙 Korrupsiyaga qarshi birgalikda kurashaylik!

Korrupsiyaga qarshi kurashish — har birimizning fuqarolik burchimiz. Quyidagi audio murojaatda korrupsiyaviy holatlarga duch kelgan taqdirda qayerga va qanday tartibda murojaat qilish mumkinligi haqida muhim ma’lumotlar berilgan.

📞 Ishonch telefonlari:

🔹 Sog‘liqni saqlash vazirligi — 1203

🔹 Sanepidqo‘mitaning korrupsiyaga qarshi kurashish bo‘yicha mas’ul xodimi:
☎️ (93) 0632400

➡️ Audioni tinglang va yaqinlaringiz bilan ham ulashing!

Korrupsiyaga qarshi birgalikda kurashaylik!

🚨 O‘tkir ichak infeksiyalari sog‘lig‘ingizga jiddiy xavf! O‘zingizni va yaqinlaringizni himoya qiling!

🦠 Yoz faslida o‘tkir yuqumli ichak kasalliklari ko‘payishi kuzatiladi. Ushbu kasalliklar asosan iflos qo‘l, sifatsiz oziq-ovqat va ichimlik suvi orqali yuqadi.
⚠️ Kasallikning asosiy belgilari:
🤒 Tana haroratining ko‘tarilishi;
🤢 Ko‘ngil aynishi va qayt qilish;
💧 Ich ketishi;
😣 Qorin og‘rig‘i va holsizlik.
✅ Kasallikning oldini olish uchun:
🧼 Qo‘llaringizni sovun bilan muntazam yuving.
💦 Faqat toza va xavfsiz ichimlik suvidan foydalaning.
🥗 Meva va sabzavotlarni iste’mol qilishdan oldin yaxshilab yuving.
🥩 Go‘sht, baliq va tuxumni to‘liq pishirib iste’mol qiling.
🧊 Tez buziladigan mahsulotlarni muzlatkichda saqlang.
🚫 Ko‘cha va noma’lum joylarda tayyorlangan oziq-ovqatlarni iste’mol qilishdan saqlaning.
👨‍⚕️ Agar ich ketishi, qayt qilish yoki tana harorati ko‘tarilishi kuzatilsa, o‘zboshimchalik bilan dori qabul qilmang va zudlik bilan shifokorga murojaat qiling.

Go‘sht mahsulotlari savdosida sanitariya talablari: mutaxassis tavsiyalari

🥩Go‘sht va go‘sht mahsulotlarini xarid qilishda sanitariya-gigiyena talablariga rioya etish aholi salomatligini saqlashda muhim Sanpedqo’mita Andijon viloyati boshqarmasi bo‘limi boshlig‘i Shohidaxon Shomirova go‘sht mahsulotlarini realizatsiya qilishda amal qilinishi lozim bo‘lgan sanitariya talablari, mahsulotlarning xavfsizligini ta’minlash hamda iste’molchilar e’tibor qaratishi zarur bo‘lgan jihatlar haqida batafsil ma’lumot berdi.

Korrupsiyaga qarshi kurash qonun ustuvorligi va shaffoflik yo‘lida.

🏢Sanepidqo‘mita Andijon viloyati boshqarmasida korrupsiyaga qarshi ichki nazorat bo‘yicha mutaxassis Yunusov Yunusjon ishtirokida brifing o‘tkazildi.
📌Brifing davomida korrupsiyaga qarshi kurashish sohasida amalga oshirilayotgan islohotlar, amaldagi qonunchilik talablari, davlat xizmatchilarining huquq va majburiyatlari, manfaatlar to‘qnashuvining oldini olish hamda xizmat faoliyatida halollik, ochiqlik va shaffoflik tamoyillariga rioya etish masalalari yuzasidan batafsil ma’lumot berildi.
✅Shuningdek, sanitariya-epidemiologik osoyishtalik va jamoat salomatligini ta’minlash sohasida korrupsiyaning oldini olish, qonuniylikni mustahkamlash hamda korrupsiyaga nisbatan murosasiz munosabatni shakllantirish borasida olib borilayotgan ishlarning ahamiyati alohida ta’kidlandi.