🥩 Go‘sht savdosi obyektlarida sanitariya qoidalari yuzasidan tushuntirish ishlari olib borildi

📍 Sanepidqo‘mita Andijon viloyati boshqarmasi Bo‘ston tuman bo‘limi mutaxassislari tomonidan tuman hududidagi go‘sht do‘konlarida sanitariya targ‘ibot tadbirlari o‘tkazildi.
👨‍⚕️ Mutaxassislar sotuvchilar e’tiborini go‘sht mahsulotlarini sanitariya talablari asosida saqlash va sotish, ish joylari ozodaligini ta’minlash, maxsus kiyimlarda faoliyat yuritish hamda shaxsiy gigiyena qoidalariga qat’iy rioya etish masalalariga qaratdi.
✅ Shuningdek, iste’molchilarga sifatli va xavfsiz oziq-ovqat mahsulotlarini yetkazib berishda sanitariya talablariga amal qilish muhim ekani yana bir bor eslatib o‘tildi.

🐕 Quturish oldini olish mumkin bo‘lgan, ammo xavfli kasallik!

🐾 Quturish virusli kasallik bo‘lib, kasallangan it, mushuk, tulki, bo‘ri va boshqa sutemizuvchilar tishlaganda yoki ularning so‘lagi jarohatga tushganda yuqadi. Kasallik belgilari boshlanganidan keyin deyarli har doim o‘lim bilan yakunlanadi.
⚠️ O‘zingizni qanday himoya qilasiz?
🔹 Begona va qarovsiz hayvonlarga yaqinlashmang.
🔹 Uy hayvonlarini o‘z vaqtida quturishga qarshi emlating.
🔹 Bolalarni hayvonlar bilan ehtiyotkor muomala qilishga o‘rgating.
🔹 Yovvoyi hayvonlarga tegmang.
🩹 Agar hayvon tishlasa yoki tirnasa:
✅ Jarohatni darhol 15 daqiqa davomida sovun va oqayotgan suv bilan yaxshilab yuving.
✅ Jarohatga antiseptik ishlov bering.
✅ Zudlik bilan tibbiyot muassasasiga murojaat qiling.
❌ O‘zboshimchalik bilan davolanmang va emlashni kechiktirmang.
💉 Quturishga qarshi emlash kasallikning oldini olishning eng ishonchli usuli hisoblanadi. Vaqtida boshlangan emlash inson hayotini saqlab qoladi.

Yozda shamollamaslik uchun nimalarga e’tibor berish kerak?

☀️ Yoz faslida havo issiq bo‘lishiga qaramay, shamollash holatlari tez-tez uchrab turadi. Bunga konditsioner, muzdek ichimliklar, haroratning keskin o‘zgarishi va nam kiyimda uzoq yurish sabab bo‘lishi mumkin.
📌 Shamollashning oldini olish uchun quyidagi tavsiyalarga amal qiling:
✅ Konditsioner haroratini 22–26 °C oralig‘ida saqlang va sovuq havo oqimi to‘g‘ridan-to‘g‘ri tanangizga urilmasin.
✅ Muzdek ichimlik va muzqaymoqni me’yorida iste’mol qiling, ayniqsa jaziramadan keyin birdaniga sovuq mahsulotlarni iste’mol qilishdan saqlaning.
✅ Cho‘milgandan so‘ng nam kiyimni imkon qadar tezroq almashtiring.
✅ Issiq ko‘chadan sovuq xonaga yoki aksincha keskin o‘tishdan ehtiyot bo‘ling.
✅ Yetarli miqdorda toza suv iching va vitaminlarga boy meva-sabzavotlarni muntazam iste’mol qiling.
✅ Qo‘llarni tez-tez sovun bilan yuvish va shaxsiy gigiyena qoidalariga rioya qilish viruslarning tarqalishini kamaytiradi.
⚠️ Agar tana harorati ko‘tarilishi, tomoq og‘rishi, burun bitishi yoki yo‘tal kabi belgilar kuzatilsa, o‘zbilarmonlik bilan dori qabul qilmang. Shifokorga murojaat qilib, uning tavsiyalariga amal qiling.

🛒 Oziq-ovqat mahsulotlarini xarid qilishda nimalarga e’tibor berish lozim?

✅Sog‘lom ovqatlanish, avvalo, sifatli mahsulot tanlashdan boshlanadi. Kundalik xarid vaqtida ayrim oddiy qoidalarga amal qilish nafaqat o‘zingizni, balki oilangiz salomatligini ham himoya qiladi.
📅 Yaroqlilik muddatini tekshiring.
Mahsulotni xarid qilishdan oldin ishlab chiqarilgan va yaroqlilik muddati ko‘rsatilgan sanani diqqat bilan ko‘zdan kechiring.
📦 Qadoq holatiga e’tibor bering.
Shikastlangan, yorilgan, shishgan yoki ochilgan qadoqdagi mahsulotlarni xarid qilmang.
🌡 Saqlash sharoitini baholang.
Sut mahsulotlari, go‘sht, baliq va muzlatilgan mahsulotlar belgilangan haroratda saqlanayotganiga ishonch hosil qiling.
🏷 Mahsulot yorlig‘ini o‘qing.
Tarkibi, ishlab chiqaruvchi, saqlash sharoiti va boshqa muhim ma’lumotlar ko‘rsatilgan bo‘lishi zarur.
🥩 Go‘sht va baliq mahsulotlarini diqqat bilan tanlang.
Mahsulotning rangi, hidi va tashqi ko‘rinishi tabiiy bo‘lishi kerak. Shubhali mahsulotlarni xarid qilishdan saqlaning.
🥚 Tuxum xaridida ehtiyot bo‘ling.
Qobig‘i darz ketgan yoki iflos tuxumlarni xarid qilmang.
🛍 Xaridni to‘g‘ri tartibda amalga oshiring.
Tez buziladigan mahsulotlarni xaridning oxirida oling va imkon qadar qisqa vaqt ichida muzlatkichga joylashtiring.
🚫Tasodifiy savdo nuqtalaridan mahsulot olmang.
Sanitariya talablari ta’minlanmagan joylarda sotilayotgan oziq-ovqat mahsulotlari sog‘liq uchun xavf tug‘dirishi mumkin.
❗Unutmang, mahsulotni to‘g‘ri tanlash oziq-ovqatdan zaharlanish va yuqumli kasalliklarning oldini olishdagi eng muhim qadamlardan biridir.

🥩 Goʻsht mahsulotlari savdosida sanitariya talablari nazorat qilindi

📍 Sanepidqoʻmita Andijon viloyati boshqarmasi Shahrixon tumani bo’limi tomonidan “Yoshlar” va “Mullavoy” MFY hududida faoliyat yuritayotgan qassobxonalarda nazorat o‘rganish ishlari amalga oshirildi.
✅O‘rganish jarayonidago‘sht va go‘sht mahsulotlarini sotish shoxobchalarida yaratilgan sanitariya-gigiyena sharoitlari, mahsulotlarni saqlash va realizatsiya qilish tartibi, xodimlarning tibbiy ko‘rikdan o‘tganligi hamda zarur hujjatlarning yuritilishi ko‘zdan kechirildi. Aniqlangan holatlar yuzasidan tegishli hujjatlar rasmiylashtirilib, mas’ullarga amaliy tavsiyalar berildi.
⚠️ Eslatma: Veterinariya nazoratidan o‘tmagan yoki sanitariya talablari buzilgan sharoitda saqlangan go‘sht mahsulotlari orqali brutsellyoz, salmonellyoz hamda boshqa zoonoz va oziq-ovqat orqali yuqadigan kasalliklar tarqalish xavfi ortadi. Shu bois go‘sht mahsulotlarini faqat rasmiy nazoratdan o‘tgan savdo nuqtalaridan xarid qilish tavsiya etiladi.