🟡 Gepatit A – oldini olish mumkin bo‘lgan yuqumli kasallik.

Kasallik asosan iflos qo‘llar, zararlangan suv va oziq-ovqat orqali yuqadi. Shaxsiy gigiyena qoidalariga rioya qilish, xavfsiz ichimlik suvidan foydalanish hamda meva-sabzavotlarni yaxshilab yuvish kasallikning oldini olishda muhim ahamiyatga ega.

✅ Sog‘lig‘ingizni asrang, gepatit A ga qarshi profilaktika choralariga amal qiling!

☀️ Jazirama issiqda oftob urishidan qanday saqlanish mumkin?

🌡️ Havo harorati yuqori bo‘lgan kunlarda quyidagi tavsiyalarga amal qiling:
👒 Bosh kiyim va quyoshdan himoyalovchi ko‘zoynak taqing.
💧 Kun davomida yetarli miqdorda suv iching.
🚶‍♀️ Soat 11:00–17:00 oralig‘ida imkon qadar ochiq quyosh ostida uzoq qolmang.
👕 Yengil, och rangli va tabiiy matodan tikilgan kiyimlarni tanlang.
🏠 Salqin joylarda ko‘proq bo‘lishga harakat qiling.
🍉 Meva va sabzavotlarni ko‘proq iste’mol qiling, og‘ir va yog‘li taomlarni cheklang.
👶👵 Bolalar, keksalar va surunkali kasalligi bor insonlarga alohida e’tibor qarating.
⚠️ Agar bosh aylanishi, kuchli holsizlik, ko‘ngil aynishi yoki tana haroratining keskin ko‘tarilishi kuzatilsa, darhol salqin joyga o‘ting, suv iching va zarurat bo‘lsa, shifokorga murojaat qiling.
📌 Ushbu video sun’iy intellekt personaji yordamida tayyorlangan bo‘lib, undagi tavsiyalar sog‘liqni saqlash bo‘yicha tavsiya etilgan profilaktik choralarni eslatish maqsadida taqdim etildi.

✅ Umumiy ovqatlanish obyektlarida sanitariya holati o‘rganildi

🔹 Sanepidqo‘mita Andijon viloyati boshqarmasi Jalaquduq tumani bo‘limi mutaxassislari tomonidan tuman hokimligi huzurida tashkil etilgan maxsus ishchi guruh tarkibida umumiy ovqatlanish obyektlarida sanitariya-gigiyena holatini o‘rganish ishlari olib borildi.
📌 O‘rganishlar davomida oziq-ovqat mahsulotlaridan zaharlanish holatlarining oldini olish, tez buziluvchi mahsulotlarni saqlash va realizatsiya qilish qoidalariga rioya etilishi, sanitariya-gigiyena talablarining bajarilishi hamda favqulodda vaziyatlarda harakatlanish tartiblariga amal qilinishi yuzasidan nazorat tadbirlari o‘tkazildi.
✅ Aniqlangan kamchiliklarni bartaraf etish bo‘yicha mas’ullarga amaliy tavsiyalar berildi.
📢 Shuningdek, tadbirkorlik subyektlari hamda fuqarolar o‘rtasida sanitariya-gigiyena qoidalariga rioya etish, oziq-ovqat xavfsizligini ta’minlash va iste’molchilar salomatligini muhofaza qilish yuzasidan tushuntirish hamda targ‘ibot ishlari olib borildi.

💧🦠 Diareya – oldini olish bo‘lgan kasallik!

⚠️ Diareya – kun davomida 3 va undan ortiq marta suyuq ich kelishi bilan kechadigan holat bo‘lib, organizmni suvsizlantirishi mumkin.
Diareya nimadan kelib chiqadi?
🦠 Viruslar, bakteriyalar va parazitlar tufayli.
💧 Ifloslangan ichimlik suvi iste’mol qilinganda.
🍽️ Sifatsiz yoki buzilgan oziq-ovqat mahsulotlarini iste’mol qilganda.
👐 Shaxsiy gigiyena qoidalariga amal qilinmaganda.
🥗 Yaxshi yuvilmagan meva va sabzavotlarni iste’mol qilganda.
✅ Oldini olish uchun:
🧼 Qo‘llarni sovun bilan muntazam yuving.
💧 Faqat xavfsiz yoki qaynatilgan suv iching.
🍎 Meva va sabzavotlarni yaxshilab yuving.
🍗 Oziq-ovqatlarni to‘liq pishirib iste’mol qiling.
🥛 Muddati o‘tgan mahsulotlarni iste’mol qilmang.
🚫 Ko‘cha sharoitida sanitariya talablariga javob bermaydigan joylarda tayyorlangan ovqat va ichimliklardan saqlaning.

🏖Yozgi ta’tilda oromgohlarda cho‘milish qoidalariga amal qiling!

Bolalar va kattalarning suv havzalarida xavfsiz cho‘milishi sog‘liqni saqlashning muhim omillaridan biridir.
✅ Quyidagi qoidalarga qat’iy rioya qiling:
🏊 Faqat cho‘milish uchun ruxsat berilgan va jihozlangan suv havzalarida cho‘miling.
👨‍👩‍👧 Bolalarni kattalar nazoratisiz suvga tushirmang.
🚫 Belgilanmagan, chuqurligi noma’lum yoki xavfli hududlarda cho‘milmang.
🍽️ Ovqatlangandan so‘ng darhol suvga tushmang. Kamida 1–1,5 soat tanaffus qiling.
🌡️ Juda qizib ketgan holda birdaniga sovuq suvga sakramang.
🤽 Suzishni bilmasangiz, chuqur joylarga kirmang va maxsus qutqaruv vositalaridan foydalaning.
🚯 Suv havzalarini ifloslantirmang, chiqindilarni belgilangan joylarga tashlang.
💧 Cho‘milish vaqtida suvni yutmaslikka harakat qiling.
⛈️ Momaqaldiroq, kuchli shamol yoki noqulay ob-havo sharoitida cho‘milmang.
⚠️ O‘zingizni holsiz his qilsangiz yoki suvda noqulaylik sezsangiz, darhol qirg‘oqqa chiqing va tibbiy yordamga murojaat qiling.

⚖️ Korrupsiya va manfaatlar to‘qnashuviga yo‘l qo‘ymang!

🚫 Korrupsiya – mansab yoki xizmat vakolatidan shaxsiy manfaat yo‘lida noqonuniy foydalanishdir.
⚠️ Manfaatlar to‘qnashuvi xodimning shaxsiy manfaatlari uning xizmat vazifalarini xolis va adolatli bajarishiga ta’sir qilishi yoki shunday taassurot uyg‘otishi mumkin bo‘lgan holatdir.
📌 Har bir davlat xizmatchisi:
✅ xizmat vazifalarini halollik va xolislik bilan bajarishi;
✅ shaxsiy manfaatini xizmat manfaatidan ustun qo‘ymasligi;
✅ manfaatlar to‘qnashuvi yuzaga kelganda bu haqda rahbariyatni zudlik bilan xabardor qilishi lozim.
❗ Mansab vakolatidan shaxsiy manfaat yo‘lida foydalanish, pora olish yoki berish, xizmat mavqeini suiiste’mol qilish, manfaatlar to‘qnashuvini yashirish kabi holatlar qonunchilikka muvofiq intizomiy, ma’muriy yoki jinoiy javobgarlikka sabab bo‘ladi.

🏘️ Aholi salomatligini asrash yo‘lida targ‘ibot ishlari o’tkazildi.

🏢 Sanepidqo‘mita Andijon viloyati boshqarmasi Jalaquduq tumani bo‘limi mutaxassislari hamda tuman tibbiyot birlashmasi xodimlari hamkorligida aholi o‘rtasida dolzarb sanitariya-epidemiologik mavzularda tushuntirish va targ‘ibot ishlari olib borilmoqda.
📍 Navbatdagi uchrashuv Tuyalas mahalla fuqarolar yig‘ini hududidagi ko‘p qavatli turar joylarda istiqomat qiluvchi aholi ishtirokida tashkil etildi.
🌞🍽️🦠 Tadbir davomida:
🔹 jazirama issiq kunlarida bolalarni issiq urishidan himoya qilish;
🔹 ovqatdan zaharlanish holatlarining oldini olish, oziq-ovqat mahsulotlarini to‘g‘ri saqlash va iste’mol qilish;
🔹 yuqumli kasalliklarning kelib chiqish sabablari hamda ularning oldini olish choralari;
🔹 vaksinatsiyaning yuqumli kasalliklardan ishonchli himoyalanishdagi muhim o‘rni yuzasidan batafsil tushuntirishlar berildi.

🦠 O‘tkir yuqumli ichak kasalliklaridan qanday himoyalanish mumkin?

📹 Sanepidqo‘mita Andijon viloyati boshqarmasi Epidemiologiya bo‘limi mudiri F. Imomov tomonidan o‘tkir yuqumli ichak kasalliklari, ularning kelib chiqish sabablari, yuqish yo‘llari, asosiy belgilari hamda samarali profilaktika choralari yuzasidan batafsil ma’lumot berildi.
▶️ Lavhani tomosha qilib, ushbu kasalliklarning oldini olish bo‘yicha muhim tavsiyalar bilan tanishing va o‘zingiz hamda yaqinlaringiz salomatligini asrang.

💉 Qizamiqqa qarshi emlaning sog‘lig‘ingizni himoya qiling!

🛡 Qizamiq havotomchi yo‘li orqali tez yuqadigan virusli kasallik bo‘lib, ayniqsa emlanmagan bolalar va kattalarda og‘ir asoratlarga olib kelishi mumkin.
✅ Emlash – qizamiqdan himoyalanishning eng ishonchli va xavfsiz usuli.
📌 Nima uchun emlanish kerak?
🔹 Kasallanish xavfini keskin kamaytiradi.
🔹 Og‘ir asoratlar (zotiljam, ensefalit, ko‘rish qobiliyatining pasayishi va boshqalar)ning oldini oladi.
🔹 Jamoaviy immunitetni shakllantirib, atrofdagilarni ham himoya qiladi.
💉 Emlash xavfsizmi?
✅ Ha. Qizamiqqa qarshi vaksina ko‘p yillardan buyon dunyo bo‘ylab millionlab bolalar va kattalarda qo‘llanilib kelinmoqda. U xalqaro va milliy sog‘liqni saqlash tashkilotlari tomonidan xavfsiz hamda samarali deb e’tirof etilgan.
💡 Emlangandan so‘ng ayrim odamlarda:
🌡 Tana haroratining biroz ko‘tarilishi;
💉 Ukol qilingan joyda og‘riq yoki qizarish;
😴 Qisqa muddatli holsizlik kuzatilishi mumkin.
✅ Bu holatlar odatda 1–3 kun ichida o‘z-o‘zidan o‘tib ketadi va organizmda immunitet shakllanayotganidan dalolat beradi.
❌ Vaksina qizamiq kasalligini chaqirmaydi.
❌ Vaksinalar autizmga sabab bo‘lmaydi. Bu haqdagi da’volar ilmiy tadqiqotlar bilan rad etilgan.
👨‍⚕️ Farzandingizni Milliy emlash taqvimiga muvofiq o‘z vaqtida emlating. Zarurat tug‘ilganda shifokor tavsiyasiga amal qiling.