🕌 “Qurbon hayiti” oldidan dezinfeksiya tadbirlari olib borilmoqda.

✅ Sanepidqo‘mita Andijon viloyati boshqarmasi Qo‘rg‘ontepa tuman bo‘limi mutaxassislari tomonidan tumandagi jome masjidlarida “Qurbon hayiti” bayrami oldidan sanitariya-epidemiologik osoyishtalikni ta’minlash maqsadida profilaktik dezinfeksiya ishlari amalga oshirilmoqda.
♻️ Tadbirlar davomida masjidlar hududi, tahoratxona va hojatxonalarda dezinfeksiya ishlari olib borilib, fuqarolarga sanitariya-gigiyena qoidalariga rioya etish bo‘yicha tushuntirishlar berildi.
🛡 Mazkur tadbirlar yuqumli kasalliklar oldini olish va aholi salomatligini muhofaza qilishda muhim ahamiyatga ega.

🏘 “Mahalla bay” tizimi asosida Andijon viloyati Sanepidqo‘mitasi Izboskan tumani bo‘limi mutaxassislari tomonidan Gurkirov mahalla fuqarolar yig‘inida reja asosida kundalik profilaktik tadbirlar tashkil etildi.
♻️ Mahalla faollari hamda patronaj hamshiralar bilan hamkorlikda uyma-uy yurilib, aholi o‘rtasida sanitariya-gigiyena va sog‘lom turmush tarzi bo‘yicha tushuntirish ishlari olib borildi.
💉 Suhbatlar davomida mavsumiy kasalliklar, xususan diareya, meningit, qizamiq hamda gepatit kasalliklarining kelib chiqish sabablari, ularning oldini olish choralariga alohida e’tibor qaratildi.
🩺 Shuningdek, kasalliklarga qarshi emlashning samaradorligi, shaxsiy gigiyena qoidalariga rioya qilish, to‘g‘ri ovqatlanish va sifatli ichimlik suvidan foydalanish bo‘yicha tavsiyalar berildi.
🐄 Uy hayvonlari orqali yuqadigan yuqumli kasalliklar haqida ham tushunchalar berilib, uy hayvonlarini muntazam ravishda veterinariya mutaxassislari ko‘rigidan o‘tkazib turish zarurligi ta’kidlandi.

Tibbiyot muassasasida sanitariya-gigiyena holati o‘rganildi

📌 Sanepidqo‘mita Andijon viloyati boshqarmasi Paxtaobod tuman bo‘limi tomonidan Paxtaobod tuman TBga qarashli 50-OPda sanitariya-epidemiologik osoyishtalikni ta’minlash maqsadida rejali o‘rganish ishlari olib borildi.
🩺 O‘rganish jarayonida muassasadagi sanitariya-gigiyena talablari, dezinfeksiya ishlari, tibbiy chiqindilarni saqlash va zararsizlantirish holati, xodimlarning tibbiy ko‘rikdan o‘tganligi hamda yuqumli kasalliklarning oldini olish bo‘yicha amalga oshirilayotgan profilaktik tadbirlar ko‘zdan kechirildi.
♻️ Aniqlangan kamchiliklar yuzasidan mas’ullarga tegishli tavsiya va tushuntirishlar berildi.

Maktabgacha ta’lim muassasalarida bolalar uchun xavfsiz va sog‘lom sharoitlar o‘rganilmoqda.

👫Bolalar salomatligi va ularning jismoniy hamda ruhiy rivojlanishi uchun qulay muhit yaratish maqsadida maktabgacha ta’lim tashkilotlarida sanitariya-gigiyena talablariga rioya etilishi o‘rganildi.
🔹 Guruh va yotoqxonalarning sanitariya holati
🔹 Bolalar mebellari va jihozlarining xavfsizligi
🔹 Ichimlik suvi hamda sanitariya vositalari ta’minoti
🔹 Dezinfeksiya va profilaktik tadbirlar
🔹 Xodimlarning tibbiy ko‘rik va gigiyenik bilimlari
✅ O‘rganish davomida aniqlangan kamchiliklar yuzasidan mas’ullarga tushuntirishlar berilib, ularni bartaraf etish bo‘yicha tavsiyalar taqdim etildi.

Tibbiyot muassasalarida sanitariya va profilaktik nazorat ishlari olib borilmoqda.

♻️Sanepidqo‘mita Andijon viloyati boshqarmasi Jalaquduq tuman bo‘limi mutaxassislari tomonidan hududdagi oilaviy shifokorlik punktlarida o‘rganish ishlari tashkil etildi.
🔹 O‘rganishlar davomida aholi o‘rtasida immunizatsiya tadbirlarining sifatli tashkil etilishi va samaradorligi;
🔹 Tibbiy cheklovga olingan bolalarning emlash bilan qamrovi;
🔹 Sil kasalligini erta aniqlash bo‘yicha zamonaviy yondashuvlar holati;
🔹 “Toza qo‘llar” dasturi talablari ijrosi;
🔹 Bolalar orasida ichak gelmintozlari bilan kasallanish holatlarini kamaytirish yuzasidan amalga oshirilayotgan profilaktik tadbirlar;
🔹 Shuningdek, brutsellyoz, kuydirgi va vabo kasalliklarining oldini olish bo‘yicha tezkor chora-tadbirlar uchun tayyorgarlik holati ko‘rib chiqildi.
✅ O‘rganish yakunida aniqlangan holatlar yuzasidan tegishli tavsiyalar berildi.