🌸8-mart – Xalqaro xotin-qizlar bayrami muborak! 🌸

Hurmatli va aziz ayollar!

💐Sizlarni 8-mart – Xalqaro xotin-qizlar kuni munosabati bilan chin qalbimdan samimiy muborakbod etaman. Ayol – mehr-muhabbat, go‘zallik, sabr-toqat va ezgulik timsolidir. Sizlarning jamiyatimiz, oilalarimiz hamda kelajak avlodni tarbiyalashdagi o‘rningiz beqiyosdir.
💐Bugungi kunda sanitariya-epidemiologiya sohasida ham ko‘plab fidoyi ayollarimiz mehnat qilib, aholi salomatligini muhofaza qilish yo‘lida munosib hissa qo‘shib kelmoqda. Sizlarning mas’uliyatli va sharafli mehnatingiz alohida e’tirofga loyiq.
💐Ushbu qutlug‘ bayram kunida barchangizga mustahkam sog‘lik, oilaviy baxt, farovonlik hamda ishlaringizda ulkan muvaffaqiyatlar tilayman. Doimo e’zozda, hurmat va e’tiborda bo‘ling!
💐Bayramingiz muborak bo‘lsin!

A. Ikromov
Sanepidqo‘mita Andijon viloyati boshqarmasi boshlig‘i

🦠 Qizamiq kasalligini oldini olish bo‘yicha o‘rganish ishlari olib borildi

⚡️Sanepidqo‘mita Andijon shahar bo‘limi mutaxassislari tomonidan 43-sonli umumta’lim maktabida qizamiq kasalligini oldini olish maqsadida epidemiologik surishtiruv va o‘rganish ishlari olib borildi.
📌O‘rganish jarayonida o‘quvchilarning sog‘ligi, emlash holati hamda sanitariya-gigiyena talablariga rioya etilishi ko‘zdan kechirildi. Shuningdek, maktab jamoasi va o‘quvchilar o‘rtasida qizamiq kasalligining alomatlari, tarqalish yo‘llari hamda uni oldini olish choralari haqida tushuntirish ishlari olib borildi.
💉 Mutaxassislar tomonidan emlashning ahamiyati, shaxsiy gigiyenaga rioya qilish va kasallik belgilari kuzatilganda darhol tibbiyot xodimlariga murojaat qilish zarurligi ta’kidlandi.

⚡️Ijtimoiy tarmoqlarda Andijon viloyati Marhamat tuman tibbiyot birlashmasiga qarashli “Ichki kasalliklar” bo‘limi faoliyati yuzasidan bildirilgan murojaat yuzasidan ma’lumot.
🔸Mazkur holat bo‘yicha ijtimoiy tarmoqlarda keltirilgan murojaat tegishli mutasaddi tashkilotlar tomonidan o‘rganish uchun qabul qilindi. Hozirda holat yuzasidan o‘rganish ishlari olib borilmoqda.
🔸O‘rganish jarayonida murojaatda keltirilgan barcha holatlar, jumladan sanitariya-gigiyena qoidalariga rioya etilishi, tibbiy xizmat ko‘rsatish tartibi hamda boshqa masalalar atroflicha ko‘rib chiqiladi.
🔸O‘rganish yakunlariga ko‘ra qo‘shimcha ma’lumot beriladi.

🛡 OIV profilaktikasi sog‘lig‘ingizni himoya qiling!

‼️OIV infeksiyasining oldini olish har bir insonning o‘z qo‘lida. Shaxsiy gigiyenaga rioya qilish, faqat steril tibbiy asboblardan foydalanish, himoyalangan hayot tarziga amal qilish va vaqtida tibbiy ko‘rikdan o‘tish kasallik xavfini kamaytiradi.
‼️Unutmang OIV kundalik muloqot, qo‘l berib ko‘rishish yoki birga ovqatlanish orqali yuqmaydi.
✅ Sog‘lom turmush tarzi va ehtiyot choralariga amal qilish orqali OIV infeksiyasining oldini olish mumkin.

MENINGITDAN EHTIYOT BO‘LING!

🧠Meningit – bu miya va orqa miya pardalarining yallig‘lanishi bilan kechadigan xavfli kasallik bo‘lib, u tez rivojlanishi va og‘ir asoratlarga olib kelishi mumkin. Shu sababli kasallikdan o‘z vaqtida ehtiyot choralarini ko‘rish juda muhim.
❗ Meningitning asosiy belgilariga e’tibor bering:
🔹 Kuchli bosh og‘rig‘i
🔹 Yuqori tana harorati
🔹 Ko‘ngil aynishi va qusish
🔹 Bo‘yin qotishi
🔹 Yorug‘likka sezuvchanlik
🔹 Holsizlik va uyquchanlik
🛡 Kasallikdan himoyalanish uchun:
✅ Shaxsiy gigiyena qoidalariga rioya qiling
✅ Qo‘llarni tez-tez sovun bilan yuvib turing
✅ Immunitetni mustahkamlovchi sog‘lom ovqatlanishga amal qiling
✅ Shamollash va yuqumli kasalliklarni o‘z vaqtida davolang
✅ Zarur hollarda emlash orqali himoyalaning
⚠️ Agar yuqoridagi belgilar kuzatilsa, darhol shifokorga murojaat qilish zarur. Erta tashxis qo‘yish va davolash kasallikning og‘ir asoratlarini oldini oladi.

‼️Respublikasi OITSga qarshi kurashish markazi direktori B.Igamberdiyev tashabbusi bilan Samarqand viloyat OITSga qarshi kurashish markazi yosh mutaxassislari o‘rtasida ochiq muloqot uchrashuvi o‘tkazildi.

🗓O‘zbekiston Respublikasi Prezidenti Shavkat Mirziyoyev tashabbusi bilan har payshanba “Yoshlar kuni” deb e’lon qilinganining amaliy ifodasi bo‘ldi.

🔍 B.Igamberdiyev o‘z nutqida, markaz faol yoshlarini aholi o‘rtasida o‘tkaziladigan OIV infeksiyasi profilaktikasi bo‘yicha volontyorlar faoliyati bilan birga sog‘lom turmush tarzini targ‘ib qilish ishlarini kuchaytirish, kitobxonlik, til-kasb-hunar o‘rganish, sportga bo‘lgan qiziqishlarini yanada oshirish, sohaga oid turli g‘oya, loyiha hamda yangi ko‘nikmalarni rivojlantirish bo‘yicha takliflar bildirildi.

🔍Markazning yosh mutaxassislari o‘rtasida qizg‘in tarzda tus olgan ushbu tadbir davomida imkoniyatlar va qo‘llab-quvvatlash masalalari muhokama etildi.

🛩 Tadbirda Samarqand viloyat OITSga qarshi kurashish markazi bosh vrachi U.Nazarov tomonidan markazning izlanuvchan va faol yosh mutaxassislarini kelgusi rejalari haqida so‘z yuritilib, fidokorona mehnatlarini qo‘llab-quvvatlagan holda rag‘batlantirilib, esdalik sovg‘alari bilan topshirildi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

💧 Suvni tejash – barchamizning mas’uliyatimiz!

🚺🚹Jamoat hojatxonalaridan foydalanishda suvni tejashga e’tibor qaratish orqali katta miqdordagi suv isrofini oldini olish mumkin. Oddiy qoidalarga amal qilish — kranni ochiq qoldirmaslik, nosozliklarni o‘z vaqtida tuzatish va suvdan oqilona foydalanish kelajak avlod uchun muhim resursni asrashga xizmat qiladi.
‼️Har bir tomchi suv qadrli.

🧂 Osh tuzini me’yorida iste’mol qiling!

‼️Ortiqcha tuz iste’moli qon bosimining oshishi, yurak va buyrak kasalliklari xavfini kuchaytirishi mumkin. Mutaxassislar kuniga 5 grammdan ortiq tuz iste’mol qilmaslikni tavsiya etadi.
🥗 Sog‘lom turmush uchun tuzni me’yorida ishlating va to‘g‘ri ovqatlanishga e’tibor bering.