Qizamiq — jiddiy xavf‼️

🛡O‘z vaqtida aniqlash va emlash orqali ushbu kasallikning oldini olish mumkin.
Farzandingiz salomatligi uchun befarq bo‘lmang — emlashni unutmang❗️

Bozor sog‘lom savdo hududi!

🕯Sanepidqo‘mitasi Andijon viloyati boshqarmasi Xo‘jaobod tuman bo‘limi mutaxassislari tomonidan Dehqon bozori hududida rejalashtirilgan profilaktik o‘rganish va targ‘ibot ishlari olib borildi.
🔍O’rganish davomida tez buziluvchan mahsulotlar, saqlanishi, realizatsiya qilinishi hamda sanitariya-gigiyena talablariga muvofiqligi tekshirildi.
⚠️ Sotuvchilarga botulizm va boshqa o‘tkir ichak yuqumli kasalliklarining oldini olish, mahsulotlarni to‘g‘ri sharoitda sotish, savdo madaniyatiga amal qilish bo‘yicha tushuntirishlar berildi.
👩‍⚕️👨‍⚕️ Shuningdek, savdo bilan shug‘ullanuvchi shaxslarning tibbiy ko‘rikdan o‘z vaqtida o‘tishi, maxsus ish kiyimlarida faoliyat yuritishi hamda shaxsiy gigiyena qoidalariga qat’iy rioya etish zarurligi alohida ta’kidlandi.

RASMIY MUNOSABAT

⚡️Ijtimoiy tarmoqlarda Asaka shahridagi 59-umumta’lim maktabida sariq kasallik (virusli gepatit A) bilan bog‘liq holatlar hamda o‘quvchilarga dori vositalari berilgani yuzasidan tarqalgan murojaatlar bo‘yicha mas’ul idoralar tomonidan o‘rganish ishlari olib borildi.
🟢O‘rganishlarda Asaka tuman maktabgacha va maktab ta’limi bo‘limi, tuman sog‘liqni saqlash bo‘limi hamda Sanitariya-epidemiologik osoyishtalik va jamoat salomatligi xizmati mutaxassislari ishtirok etdi.
🟢Aniqlanishicha, 2026 yil yanvar oyida mazkur maktabning ikki nafar o‘quvchisida virusli gepatit A kasalligiga gumon qilinib, tegishli tibbiy tekshiruvlar o‘tkazilgan. Tekshiruv natijalariga ko‘ra, bir nafar o‘quvchida virusli gepatit A tashxisi tasdiqlangan, ikkinchi o‘quvchida esa kasallik tasdiqlanmagan.
✔️Amaldagi sanitariya qoidalari va me’yorlariga muvofiq, virusli gepatit A kasalligining yakka holati aniqlanganda ta’lim muassasasini to‘liq karantinga yopish belgilanmagan. Bunday holatlarda kasallik tarqalishining oldini olish maqsadida bemor o‘quvchi jamoaviy muhitdan ajratilgan, u o‘qigan sinf va umumiy hududlarda yakunlovchi dezinfeksiya ishlari amalga oshirilgan, muloqotda bo‘lgan o‘quvchilar tibbiy kuzatuvga olingan hamda sanitariya-gigiyena talablariga rioya etilishi kuchaytirilgan. Mazkur choralar bajarilgani sababli maktab faoliyati vaqtincha to‘xtatilmagan.
✔️Shuningdek, ijtimoiy tarmoqlarda ilgari muhokama qilingan o‘quvchilarga dori vositalari berilishi masalasi ham o‘rganildi. Aniqlanishicha, mazkur tadbirlar profilaktik maqsadda, amaldagi normativ hujjatlar asosida, tibbiyot xodimlari ishtirokida amalga oshirilgan. O‘rganish davomida o‘quvchilarga majburan dori berilgani yoki sog‘liqqa salbiy ta’sir ko‘rsatgan holatlar rasman tasdiqlanmadi. Mazkur yo‘nalishda tushuntirish ishlari kuchaytirilishi belgilandi.
🟢Hozirgi kunda maktabda vaziyat barqaror bo‘lib, yuqumli kasallik bilan bog‘liq yangi holatlar aniqlanmagan. O‘quvchilar salomatligi mas’ul idoralar tomonidan doimiy nazoratga olingan.
🟢Bolalar salomatligi ustuvor vazifa bo‘lib, mazkur masala bo‘yicha barcha profilaktik choralar davom ettiriladi hamda vaziyat jamoatchilik nazoratida qoladi.

#Foydali

❄️Qishda mevalarni nega yeyish kerak?

Qish faslida bolalarning organizmi sovuq, virus va mikroblarga qarshi kurashish uchun ko‘proq kuch talab qiladi. Shuning uchun mevalar juda muhim!

❓Mevalar nima beradi?

❓Qaysi mevalarni kamroq yeyish kerak?

🎥 Bu va boshqa ma’lumotlar bilan “Bolajon” telekanalining “Bolalar vaqti” ko‘rsatuvida tanishishingiz mumkin.

😮 Bolajonlar eslatma uchun: Mevalarni yeyishdan oldin albatta yuvishni unutmang va me’yorda iste’mol qiling!

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

Kuydirgi oldini olish mumkin bo‘lgan kasallik

‼️Kuydirgi bu o‘ta xavfli yuqumli kasallik bo‘lib, asosan chorva hayvonlaridan odamga yuqadi. Kasallik qo‘zg‘atuvchisi tuproqda uzoq vaqt saqlanib, inson salomatligiga jiddiy zarar yetkazishi mumkin.
🔴 Kuydirgi qanday yuqadi?
— Kasal hayvon go‘shti orqali
— Hayvon terisi va juni bilan aloqa qilganda
— Veterinariya nazoratidan o‘tmagan mahsulotlar orqali
⚠️ Asosiy belgilari:
— Terida og‘riqsiz, qora rangli yara paydo bo‘lishi
— Tana haroratining ko‘tarilishi
— Holsizlik, bosh og‘rig‘i
✅ Oldini olish choralari:
— Go‘sht va go‘sht mahsulotlarini faqat ishonchli savdo joylaridan xarid qiling
— Kasal hayvonni so‘ymaslik va undan foydalanmaslik
— Chorva hayvonlarini o‘z vaqtida emlatish
— Shubhali alomatlar kuzatilsa, darhol shifokorga murojaat qiling

Hatay viloyatida barpo etilgan "O‘zbekiston" turar joy majmuasidagi xonadonlar o‘z egalariga topshirildi hamda Istanbul shahrida o‘zbek maktabi qurilishiga start berildi

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

RASMIY MUNOSABAT

⚡️Asaka tumani maktab va maktabgacha ta’lim bo‘limiga qarashli 20-son maktabgacha ta’lim tashkiloti yuzasidan ijtimoiy tarmoqlarda e’lon qilingan murojaat bo‘yicha quyidagilar ma’lum qilinadi.
🔹2025 yil uchun tasdiqlangan yillik ish rejasiga asosan, 2025 yil 12 may kuni Sanepidqo‘mita Andijon viloyati boshqarmasi Asaka tuman bo‘limi tomonidan 20-DMTTda belgilangan tartibda nazorat tadbirlari o‘tkazilgan.
🔹Nazorat jarayonida bino va guruh xonalari ta’mir talab holatda ekani, tom qismidan chakki o‘tish joylari mavjudligi, suv ta’minoti, hojatxona va oshxona bilan bog‘liq sanitariya-gigiyena kamchiliklari, hududda obodonlashtirish ishlari olib borilmagani, shuningdek ayrim xodimlar tibbiy ko‘rikdan o‘tmaganligi aniqlangan.
🔹Aniqlangan kamchiliklarga asosan, Sanepidqo‘mita tomonidan 2025 yil 15 maydagi qaror bilan tashkilot faoliyati 2025 yil 16 may kunidan vaqtincha to‘xtatilgan.
🔹Kamchiliklar belgilangan tartibda bartaraf etilgach, 2025 yil 19 iyul kuni EDO orqali yuborilgan xatga muvofiq, 20-DMTTga 2025 yil 21 iyul kunidan boshlab o‘z faoliyatini qayta davom ettirishga ruxsat berilgan.
🔹Mazkur holat yuzasidan tegishli nazorat tadbirlari amaldagi qonunchilik doirasida olib borilganligi ma’lum qilinadi.