المخدرات 🤦‍♀😟
هي عبارة عن مهدئات الاعصاب و هي عبارة عن مادة مصنعه و مستحضر نباتي والزول بتعاطاها عن طريق الحقن او في شكل حبوب او سيجارة او بدرة يستنشقها. (حمانا الله واياكم).
يلا من الاسباب البتخلي الزول يمشي في الطريق ده😕
اولا تفكك الاسره اللي هو انفصال العائله عن بعضها البعض بسبب الطلاق او الانشغال عن الابناء عموما بالجري وراء كسب العيش والتركيز علي المأكل والملبس والتعليم اكتر من التربية نفسها والتقرب من الابناء ومشاركتهم افكارهم ومناقشتهم في ارائهم وامدادهم بما خفي عنهم من معلومات سواءاكانت دينية او صحية او ...
و تاني سبب القروش الكتيره لمن الزول يكون عندو قروش في يدو و ما عارف يعمل بيها شنو يقوم يمشي يشتري بيها المخدرات علي اساس يمتع نفسه وهو ما متخيل انها شئ وقتي لكن اثره الضار اكبر منه وممكن يلازمه لآخر عمره لا قدر الله 😢
او زول عايز قروش في وقت قصير يمشي يبيع مخدرات و دا اسمه الكسب الحرام وكمان كده اخد ذنبه وذنب غيرو من الناس الوفر ليهم الحاجة دي 😕
وثالث سبب اصدقاء السوء كيف يعني ! البخلوك تمشي مكان قهوه يقوموا يختو ليك الحبه في الشاي او القهوه ديل اصدقاء السوء و هم كتار ي جماعه اعملوا حسابكم واختاروا اصحابكم صاح💔
رابع سبب هي العلاقات العاطفية الفاشلة ..بمعني الواحد حبيبتو سابتو فيمشي يتعاطي علي اساس ينساها وهو ما حل برضو في النهاية 😕
و في ناس بتاخد الحاجه دي لحب الاستطلاع او للتجربه😩 وفي ناس بكون عايزين يهربوا من الواقع حقهم و عايزين يعيشوا في عالم تاني بتخيلهو براهم وانت لمن تصحي ح تلقي نفسك في نفس الواقع الحقيقي و اذا انت بتشربها عشان مشاكل هي بتزيد ليك مشاكلك و بي مخدراتك دي بتفقد دينك لانو في حاجات كتيره اذا قالوا ليك اعملها ما ح تعملها وانت واعي مثلا اسرق. ازني. اقتل. لكن تحت تأثير المخدرات كله جائز والعياذ بالله 😞
و بالمناسبه من نتائج تأثير المخدرات انك بتحس بنفسك تعبان و زهجان و ما قادر تركز و حاسي بنفسك جعان و عايز اليوم كله تكون نائم و الكلام دا كله 😢☹️بعد المفعول حقه ينتهي من جسمك لكن لمن تكون متعاطيها جديد يعني مفعوله لسه م انتهي بتكون نشيط شديد .
عايزه اقول ليكم المخدرات م بترجع للمتعاطي بس، لا بترجع للمجتمع كله زي انتشارات السرق و القتل و الألفاظ الكعبه بين الشباب و الانتحار و حالات الطلاق و الاغتصابات و التفكك الأسري و الحوادث.
انا عايزه اقول ليكم اذا يوم في من الايام فكرت انو تمشي تاخده ليك حبه او سيجاره او اي حاجه اتذكر ربك اولا لانو الحاجه دي حرام، اتذكر تعب امك عليك و خوفها و هي عايزاك تكون ولد ناجح في حياتك و متفوق و اتذكر انت لمن تكون طالع بتدعي ليك ربنا يحفظك و يخليك ليها😍 و اتذكر ابوك هو بمشي يشتغل ويتعب عشان يجيب ليك اي حاجه انت نفسك فيها فماممكن تجازيهم بالطريقة دى. المهم راعي لابوك وامك و اعرف ان المخدرات دي بتدمر ليك حياتك اولا وتدمر نفسيات الحواليك وكل الناس البتحبك وخايفة عليك.
و اذا انت بتتعاطاها و عايز تخليها اولا اقنع نفسك تمااااااما و امشي للدكتور و بعد داك اعمل متابعه كل فترة بعد العلاج عشان تاني م ترجع ليها، و تخلي الحاجات الخلتك تمشي في الطريق دا مثلاااا العلاقات _اصدقاء السوء _المشاكل و حاول املأ فراغك بي اي هواية مفيدة زي القرايه مثلا..
وتابع برامج التوعيه..
المهم ما تدى نفسك فرصة للرجوع بعد التوبة 💥💛.
#✍️بت الشيخ

فقرتنا قفلتااا وشكرا كتير لأي زول شارك معانا وان شاء الله في ميزان حسناتكم ✨💛

#نمبرون 💦🌝

‏وما نحُن إلا جنائِز مؤجله فاستقِم ولا تتبع الهوى ♥️.

”وتبقى أَفضل الأمنيات هي أَن يجد كُل مِنا منْ نبدأ معه وننتهي معه وأن لا نُعاني مِن الفقد ثانية، وأن لا نشعر بصعوبة اللجوء لِمن ليس لنا، أن نجد من يهون علينا مرّ العيش، من يبقى كما عرفناه أولَ مرة، أن لا نقطع طريقًا كاملًا مع شخصٍ ثُم نكتشفَ أن عمرنا تناثر هباءً“
وف بداية سبتمبر اللهم توفيقك ي رب♥️✨


..

بقلم نمبرون :😻💛

#التسرع💔


سجاره وراء سجاره وتفكير ما عايز ينتهي لمتين ح تكون كدة انت؟ اوعه يااخ 😩 لو ما عايز تفكر في نفسك فكر في اهلك التعبو ديل هم بدوك مصاريف الجامعة عشان تقرأ وتطلع زول مسؤل وانت مقضياه لي كلها سجاير😡

أسألك سؤال بتدخن ليه؟
بحبها وقدر ما احاول انساها ما قادر.

بتشرب عشان تنساها يعني ؟ 🤔
يب بس المشكلة بتذكرها زيادة 😩😴

كيف ما قادر تنساها؟☹️
انساها كيف وهي اجمل صدفة قابلتها في حياتي 😔💛ما اكذب عليك انا كنت انسان عصبي شديد بس ما عارف كيف غيرتني ...
كيف يعني؟
كدة عدييل 😩
مواصل معاها انت؟
لا انفصلنا 😟💔
طيب السبب شنو؟
ضيعتها انا برأي بي نفسي 😣
عملت شنو؟
حكيت معاها وانا كنت متضايق ومافي حاجة وانا ما قلتها😪
طيب عملت شنو هي؟
قالت لي وبكل برود خلصت كلامك خلاص ولا عندك حاجة لسه عاوز تقولها
اها وبعد الكلام دا؟
قلت ليها ما عندي وقفلت الخط😡
ايووواا وردت فعلها كان شنو؟
كانت بتبكي وحسيت بنفسي انو جرحتها ☹️
طيب يا سيدي وعملت شنو انت؟
قلت ارجع ليها الصباح واحكي معاها واعترز ليها 😕
اااااا ورجعت ليها الصباح؟؟!
رجعت ايوا وصوتها كان متغير منبوح كدة وبدينا نحكي وقالت لي   (.... ) خلاص تاني ما في رجعه 💔
قالت ليك كدة لشنو؟
بي سبب كلامي انا قلتو ليها 😴😱
طيب انت قلت براك انو الكلام كان ساعة زعل؟
هي عارفه بس ما عارف ماله هي اتغيرت كدة 😟💔
شكلك جرحتها شديد بي كلامك ألامس؟
يب جرحتها لكن المفروض تفهم انو في ساعة غضب انسان ما بقدر يمسك نفسو وخاصتنا انا عندي مصران عصبي ☹️🖐️


#و_نرجع_نقول :
كانت معاي👫 في وسط الزحام ضعيتها🚶‍♀️💔...

#كسرة :
اذ انتي حاصلة معاك حاجة وما قادره تتواصلي معاو اتذكري برسالة ساي وقول ليهو معليش اسفه، ايوه مشغوله بس ما ممكن هو يقعد يتصل ويكون شايل همك وانتي ولا عليك...
وحاجة مهمة شديد يا ريت الطرف التاني يفهما...
التمسو لي ناسكم اعداز 😔💔 وفكر كويس قبل تقول اي كلام جارح يكون سبب في انك تدمر اي علاقة سوا كانت حب او صداقة 🖐️

#الخلاصة :
🛑دايما بنلومكم عشان احنا فعلآ عايزينكم والا ما كان ح تفرق في حاجة...
🛑ونتذكر انو ما اي زول ح يستحملنا زي ما احنا وما اي زول ح يفهمنااا...
🛑 وقت تكون معصب وانت بتكلم مع زول عزيز عليك حاول ما تتكلم كتير لانو كل كلمة بتقولها ح تكسر بخاطرو... حاول تكون عادي ما تحسسو بحاجة حتى لو انت زعلان منو روق شوية وارجع ليهو...
🛑 قبل ما تتخذ اي قرار راجع نفسك كويس...

#مرات:
العشم الزايد بضيع مننا حاجات كتيرة 💔ما تتعمق في علاقاتك مهما حصل خلي فاصل صغير 💔 عشان لو حصل اي شيء تقدر تعيش....

#حاجة_مهمة:
نركز في الكلام البتقال وما نتسرع مهما كان السبب 🥺💔عشان بعدين ما ندفع الثمن ونضيع احلى ناس في حياتناا...

للمزيد تابعوني علي قناتي الرسميه واقعنااا السوداني 🇸🇩🖤
@number270

#ابقوا عافية ✨💛

#نمبرون 💦🌝

300 قلب بس لي #نمبر_ون ونزل ليكم منشور جديد كرت كرتونة بس يلا ساعدوني بالتفاعل حقكم 😍❤️❤️

بقلم :نمبرون 😻💛

#رسالة_لمتابعيني ♥️
#جبر_خاطر 💛💛💛💛💛
ما عارف ابدا ليكم كيف ولا من وين 🥺💛 بس بجد كدة انتووو ناس ظابطين يييخ وما في منكم😔💛شكرا كتيرر لي التلي الجمعني بيكم 🥺💛يا ظابطين انتوو ✨♥️ عارف انا فيكم البشوف منشوراتي ويبتسم و يقعد يقرأ البوست... وعارف انو فيكم البنتظر متين انزل البوست ويبدا يقرا ويقول لي والله انت كانوا بتكتب عني 😔♥️خلو بالكم من نفسكم شديد واي زول حاسي بي انو ما تمام 🥺 الفترة دي يراجع علاقاتو مع ربنا ✨💛شوف هنا لا انا بنفعك ولا الناس بنفعووك ربنا الوحيد القادر يطلعك من الأنت فيهو ده عشان كدة الناس تحاول ترجع لي ربنا... وربنا معاك ان شاء الله ح تتجاوز اي صعاب انت بتمر بيهو بس انت/ي ابقى صابر/ه وما في حاجة صعبة ... يا اخوي/اختي ما في حاجة في الدنيا دي بتستاهل انو نزعل عليها 🥺💛،بس انت ارمي قدام واتذكر انو الفات ما ليك والجاي احلى😉 ونتذكر انو كلو لخير ♥️ ...وشكرا كتير لي وفقتكم معاي وكلامكم الظابط الفيهو كمية كبيرة من الإيجابيات✨💛واقسم بالله انتو ما تشوفوا الحاجة دي ظابطة كيف لمن الواحد يدخل ويلقى زول مرسل ليهو رسالة طويلة عريضة فيهاا كلام كتير الواحد بنكون مبسوط كيف🥺♥️♥️♥️وفي النهاية اسف كتير لأي زول رسل لي وما رديت عليهو ولا سفتهو... يمكن الأيام الجاية اكون مشغول شوية ودعواتكم لي🥺♥️...وزي ما وعدتكم ح نزل منشور 😜خلال اليومين ديل انتظروني... 🥺💛✨
#ابقو_عافية✨💛

#نمبرون 💦🌝

اهلناا مسساء الخير
-ابقوو عواافي...حنختفي اسبوع تلاته اسابيع مامعروف..المهم


..

ولكن داخلي يختلف تمامًا عن ما تراه !

💙🦋

كل الكلام الذي قيل .. يمحوه الفعلُ بعد ذلك
أو يزيد حبره 💜!

💙🦋

"يُحزنني أمرك جدًا، لكنني لا أُجيد المواساة" !

💙🦋

‏"تصبر المرأة لظنها أن الرجل سيتغيَّر ؛ لكنه لا يفعل.. والرجل يظن أنه مهما ارتكب من أخطاء لن ترحل أبدًا.. لكنها تفعل."

💙🦋

ياربّ سبيلاً مُيسراً ومُرورًا يُرضيك ..
💙🦋

‏سأصنع مِن نجُوم السمْاء طريقًا أسيرُ بهِ نحوك
💙🦋

‏" لا إليك أصل ولا إليّ أعود ".
💙🦋

كيف نستطيع أن نعود أحراراً بعد الوقوع في مُعتقل ضحكة !
💙🦋

بقلم: نمبرون 😻💛

#استكانة🍀♥️

وانا اليله قاعد مع نفسي لقيت حياتي كلها جايطه،ماشي غلط في غلط ح تقولو لي كيف...
ح اقول ليك حرمت نفسي من حاجات كتيرة والمشكلة الحاجة دي كان في يدي انا... كان ممكن اغيرها انا بي يدي وابقى احسن بس لا باريت الفارغة وخسرتااا زمني في حاجات تافهة واليله الحمدلله عرفت الحاجة دي...

#طيب...
ح أسألكم من حاجات بسيطه بس !!
هدفك شنوو في الحياة دي؟؟
انا متاكد تماما انو اغلب الناس الجواب حقهم ح يكون ما عندي هدف😣 ماشي ساي عايش علي امل انو بكره احلى ويومو كلو تلقهو بره البيت تسألو تقول ليهو ماشي وين؟ يقول ليك ماشي الجامعه جاي من وين جاي من الجامعه... كدي بس أسألك سؤال بكره احلى كيف وانت ما حاولت تطلع من روتينك الممل ده؟بكره احلى كيف وانت ما حاولت تكسب زمنك وتعمل لروحك حاجة تنفعك؟؟ بكره احلى كيف وانت اساسا ما ضامن نفسك ح تعيش لي بكره؟!!

#طيب_نكون_واقعييين_شوية...
عايز تعمل لي روحك شنو ولا عايز تقضيها لي كلها جنبات وطلعات و ونسات وجكسي ودنيا وعالمين ☺️ ومن مطعم لي كافي والمشكلة بي قروش منو عارفين طبعا صح قالوا ليك دي كده شطاره ولا شفتناا ☺️ اصحااا يا فرده 🌝وبهناكك المسكين ده!! (#ابوك) راجيك تخلص قرايتك عشان تشيل البيت وهو قايل نفسو انو في جبل وراهو...
لو ما بتفكر في نفسك💔 فكر في غيرك 💛😔فكر في اهلك التعبانين ديل... فكر في ابوك ال بطلع الصباح ما بجي راجع الا بليل ده هو شغال عشان منوو؟! ما عشانكم انتووو...بقدر الإمكان بحاول انو يقنع نفسو انو عندو سند وراهو وتعبو ده ما بروح في الفاضي ساي...
عشان انت تجي في النهاية لمن النتيجة تطلع تكون شايل لي كوم المواد 💔😭وينا قرايتك؟؟ وين جامعتك دي؟؟!! ااا ما اتذكرت انت ما فاضي لي من دي عملت و دي سوت، دي؟؟ خليها تنفعك... واكيد الناس الماشي وراءهم ديل انا متاكد انو معظم منظمين وقتهم يا شاطر...وديك زاتاا بعدين لمن تجي البورت وتشوف اسمها ح تنصدم ح تلقى نتجيتها نظيفة وما شايله اي ملحق...
لانو هم عارفين مصلحتهم وين ودايما بطلسو في الزول الزيك الضايع ده علي انهم عايشين زيك كدة بس تلقى الواحد اول ما اول يرجع البيت تلقهو يحفر ويقرأ لانو ما عايز يضيع تعب اهلو...

#ليه_ما_تبقى_زيهم؟!!
ليه هم نجاحين في حياتهم وانت الوحيد الفاشل...
ليه ما تدخل معاهم في منافسه وتجي عابر بكلو وتقول ليهم ااه وين ييخ ده كان زمان ...
ليه هم دايما في المقدمة وانت دايما في الاخر...
ليه ما تكون انت في المقدمة وهم يكون وراءك...
حاجات كتيرة حاصله بس الواحد لمن يقعد مع نفسو ويفكر حتي بعداك يأداب بتكشفها...

#ح_تقول_لي_المطلوب_مني_شنوو؟
اثبت ليهو انك قدر المسؤليه وانو تعبو ده ما راح ساي، نظم وقتك،ما تضيع زمنك في الفاضي وفي حاجات فارغة ما ح تسفيد منها عشان بعدين ما تجي تقول يا ريت ويا ريت، وبعدين يا ريت زتوا ما ح تنفعك في حاجة، ركز في مستقبلك، اختار صح، حاول ميز بين اختياراتك لانو الاصحاب زتوا نوعين فيهم اصدقاء السوء وفيهم الكويسين وعايزين مصلحتك وده لمن يشوفك واقع في غلط ما بخلووك وبحاولو ينصحووك 💛✨

#وفي_النهاية...
كل التعب ده بروح متين انتو عارفين؟! لمن اهلك يشوفوك ناجح ومتقدم في حياتك... وترفع رأسهم قدام الناس 🥺💛 والناس تقول عاينو ود فلان بقا دكتور... في اللحظة دي يلا هو بحس بي انجاز 😭♥️ بحس بانو بالجد عندو سند يتعمدوا عليو 🥺💛✨
اسف كتير لانو اليله كلامي كان شوية قاسي... بس كلو لي مصلحتكم وبالتوفيق ليكم يا احلى ناس ✨💛💛💛🥺

#نمبرون 💦🌝

ستشتاق لي كثيراً ولن تجدني أعدك.

💙🦋

لا تَنخَدِع إن رأيتني ضَاحِڪاً ، أنا في أسوأُ أيامي .

💙🦋

لا تيأس^^🤍

💙🦋