م بتعرفو الغيرة صح يلا اوريكم ليها 🙂💔
بجيك احساس بانك متضايق شديد بين تكون زعلان و
زهجان حاجة غريبة كدا و صدرك ببقي ضيق وقلبك
زي الفي زول قابض عليه بتكون م مرتاح نهائي
و المؤلم اكتر انك تكون م قادر تتكلم 💔
و تعبر عن الحاجة الجواك دي 💔🤷‍♂️
احساس انو يكون عندك زول غالي عليك و تكون بتريدو شديد
تلقي حواليه ناس كتار مرات تحس انهم بريدوه اكتر منك
وله بهتم بيهم زيك انت عارف هم اصحاب وله قرايب
بس برضو بتكون انت عاوزو معاك كل الوقت مش عاوزهم
يضايقوك فيه عاوزو ليك و بس
بي عبارة تانية "حب امتلاك ✋"
الغيرة دي حاجة موجعة شديدة ياجماعة ؛
خلونا نحاسب ونحن حاسين بيها .
ف بالله م تضايقونا في ناسنا ولا شكرا ولا كتر خيركم 🌚
🖤☕️

انا قلت داير اشوفك انتي صح ؟
اي🙈
طيب بتجيبي معاك أصحابك مالك يبهيمه .🌚💔

اتكلم عن الصاحِب🙂💕
الصاحب اللي بجد ينطبق عليهو الاسم ده😴🌸البستحمل زهجك وبرُودك وحُزنك واي حاجه فيك💔
اللم تحكي ليهو حاجه بسمعك وبوريِك وبوعيك وم بستحمل يشوُف فيك ذره حزن😴💕

صاحبي انا☹️💕
البقول ليهو انت م بتقدر تستحمل زهجي لأني زوله غريبه جداً ومزاجي بِقلِب سريع🙂
برُد لي خلي يقلب وانا بعرف ارجعو😴💕🎻
كميةة السعاده الف الكلام ده بخليك تحمد ربك الف مره انو اداك ناس زيهم💛🍃
وذي م قال لي قبل كده برضو "م تبعِدِي اي زول منك امكن ربنا اختارهم ليك عشان يقيفُو معاك"😴💕
وفعلا طلع واتسمى عليهو 🥀✨

فاللهم عليك بقلبِه وقلب من احَب😴💜لانو يستاهل كل خير الدنيا💕


#وان اصابه بأس ي الله فبسم الله ع قلبه حتي يهدأ💙💔🍃
مع انو ثقيل وبتظارف😹🐸 بس روحو طويله😴💜
وسلاماً ع الدنيا اذا لم يكن بها صديقاً صدوُقاً صادق الوعد مُنصفا😴💜🎓
ونعم الصدف والله😴🌸

وانا اكتر زول بريدك♥️واكتر زول بخجل منك♥️وبرضو اكتر زول بتلبش في الكلام لمن اتكلم معاك♥️اكتر زول بكون معاو يدي باردات وقلبي دقاتو زايدة♥️واكتر زول لمن اشوفو بحس روحي اول مرة اشوفو♥️.
وي ربي الانا فيو دا اسمو #جن🚶‍♀♥️ولا اسمو شنو....؟!♥️ع العموم مهما كان اسمو بس إتاكد إنك إنت الزول الاول في اي شي♥️🌸✨.

#

مارگ يجيب ليگ حبيبت صاحبگ
ويقول ليگ أشخاص قد تعرفهم 🐸😑
عليگ الله بطل أمور الفتن والشلب دي 👊🌚

نفسيا كدا مرات بتجي علينا لحظات ما بنحب نصاحب زول بنحب نقعد برانا يمكن الفتره دي اكتر فتره بنفقد فيها ناس عشان بنتجاهلم او بالاحرى ما عندنا نفس نتكلم مع زول ممكن نفقد فيها اعز زول علينا بسبب تجاهلنا المابيدنا يمكن الناس تقول علينا افترينا ويمكن اصحابنا يبعدو عننا ويمكن تحصل حاجات كتيره في الفتره دي حا تبكي حا تزعل بس في النهايه ما حا يفرق معاك لانو خلاص بطنك طمت من اي شي حولينك من الكذب من النفاق من اي شي عشان كدا فضلت تختار نفسك علي الناس ♥️👌لانك اهم من الناس حتى لو كنت وحيد حا تكون مرتتاح الفتره دي هي فتره نقاهة لنفسك لشخصك عشان تجمع باقي نفسك الاتبعرثت وتحاول تجمعها من اول وجديد بس اكيد ما حا ترجع زي ما كنت حا ترجع زي ما انت عايز تكون حا تغييب من شخصيتك وكل مره حا يحصل كدا حا تكتشف انك بقيت زول بارد وفاقد للاحاسيس بمجرد انك ما يفرق معاك انك تفقد زول وتمشي بمبدأ العايز يطلع من حياتي انا ما ماسكو يطلع وما حا يفرق معاي 🤝حرفيا وصلت مرحله بعيده من اللامبالاه ما بتشتغل بي كلام زول همك الاول ولاخير نفسك ♥️ودا الصاح الناس ما بتستاهل نحارب عشاانا

#

تعالو في علاقاتنا نشوف عيوب بعض و بدل ننتقدها و كداا نحبها و نعلقها في إطار ورورد كداا 🤷🏻‍♀💜و نعلقها و نخليها حاجه بتميّزنا عن غيرنا 💜
العيب مش أنگ تختلف عن الحوالينگ لكن العيب أنگ تخسر نفسگ و أنت بترضي في الحولينگ🤦🏻‍♀🔥
من الآخر كدا إشتري رأسگ بس✨🙇🏻‍♀

ي جماعه نكون منطقين شوية كدا🙂
العلاقات البتنتهي بدون سبب م ح تدوم والله💔✨ف م تطول مني م تسال عني وتجيني بعد سنة تقول لي مشتاقين🙂💔م مشتاقين ولا حاجة وبعدين ليه انا دايما بطل السبب في نهاية العلاقة الفاشلة🚶‍♀💔وليه م تطلع انت السبب🙂، #حرفيا لمن نتم خمسة شهور م نسال من بعض تاني م تجي وتسالي مني كويس؟! لانو دي فترة كافية جدا انها تنهي القديم والجديد💔✨ف شنو بعد م اطول منك ساي تعالي اسالني مالك ف شنو؟!وانا ح اتكلم واحكي ليك الحاصل🙂✨ولي المرة المئة العلاقات البتنتهي بدون سبب م ح ترجع زي الاول🙂!.

لما #علاقتك_تنتهي ليه ما بتدي الحزن مساحه كافيه في حياتك و تهمشو و تخليهو اخر آولوياتك و دي بالمناسبه #مشكله_كبيره

بتحاول تتظاهر بي القوة وتحافظ علي ابتسامتك وضحكتك حتي لو #كانت_باهته ، بتحاول تمد الناس الحولينك بالآمل وترسم السعاده علي قلوبهم وتعيش ايام و شهور علي النمط دا ويحصل ليك حزن ورا حزن وصدمه ورا صدمه وخزلان ورا خزلان وانت لسه #مهمش كل دا

في الحقيقة المواقف دي #بتنخر_فيك شويه شويه لحدي ما تنكسر وتقع فجاءة من دون سابق انذار وجايز ما #تلقى_زول من ناسك واقف جنبك او يطبطب عليك ما عشان هم كعبين ولا عشان أنت ما بتستاهل بس لانك ما عودتهم على أنهم يطبطبوا عليك ،ولا أتعودوا يشوفوك مكسور أو مهزوم، عشان كدا ما تستغرب لو زول بتعرفو ليك يومين وقف جنبك وسندك

حاول أدي #الحزن حقو في حياتك وحاول طلع كل غضبك وانكسارك ووشك الكعب وما تخاف أنك تكون ضعيف او مهزوم قدام ناسك لانو ناسك بالجد بكونوا معاك في كل أحوالك وحاول اتصالح مع #نفسك واتقبل البجيك بي خيرو وبي شرو بي رضا تام بدون هروب من المشكلة

#ازعل
#ابكي
#اصرخ
#اتجرس

بدون زول يشوفك و دائما في حياتك توقع الافضل واستعد للاسوء وتقبل ما ياتيك وقل الحمد لله ،، ربنا ما بظلم عبده لانه عالم بيك كويس ،، داخر ليك الحاجة البتاسبك وبتليق بيك بس دة كله في #الوقت_المناسب

#المهم

انا بنصح اي زول شايف نفسو انو اقوى من انو تأثر فيهو حاجة او صدمة انو كدا غلط و انت كدا بتكبت و بتضغط علي #الانسان_الجواك اللي مفترض يعيش حياة عادية يتأثر وينهار و بجمع شتاتو تاني وينهض

من واقع #تجربتي_الشخصية احب اقول خلي الانسان الجواك هو اليعيش الحياة بكل شي فيها وما تضغظ علي نفسك لمجرد الاحساس بانك قوى اتألم ، اضحك ، ابكي ، اصرخ ، انطوي لكن #ما_تكتم علي روحك

السرحان لما تتمنى موعد.
الرجفه لو شفت زول بيشبهه.
الحسره لو شفت المكان اللي كنت بتقعد فيه معاه.
الدمعه لما تقول عن زول قريب لي ويجيك في بالك انو القريب ليك هسه عنده قريب.
الوحده وناسك زايدين.
والغربه لما تقول ليه بحبك ويقول ليك تسلم💔✨..

الناس الجميلة البتربط أي حاجة بمواعيد الصلاة 🖤⚡
يقولوا ليك أشوفك بعد الظهر .. لا أنا ح أصلي المغرب وأجيك .. طيب نتكلم بعد العشاء 🖤
تحس كدا انو أهم حاجة في الحياة عندهم "الصلاة " 🌸🖤
هي الحاجة البتخليه يعيش ، هي البركة والخير والنفس المن غيرو حياتو ح تقيف 🖤
يقضيها وبعدين أي حاجة تاني تجي💫
"إن أول ما يحاسب عليه العبد يوم القيامة من عمله صلاته فإن صلحت فقد أفلح ونجح وإن فسدت فقد خاب وخسر 🖤".

أصلية كيف الزولة دي!!

لو كفكفت قميص الخوة ليك
بتدق معاك طوب التعب
وتشيل كواريكها وتجيك
في ملاطم الزمن الصعب
وتجر خيوطها عليك وفا
بكرات صدق ما خيوط عصب
من غير رسومات خرطتك
تبني التدورو زي العجب..💜
#

م سمعتو صوتو من الصباح دفيان ولسه ملان نعاس... 🙈🌸💜

لا حوله من هذا الحنين المالي روحي رضا وسماح... 🙈🌸🖤

ديك و دجاجة دخلو محل يشترو بيض 🐤🐓
#صاحب المحل قال ليهم: لشنو بتشترو بيض وانتو بتبيضو؟؟ 🤔🤔
#الدجاجة نزلت راسها وطلعت تجري 😳 من المحل خجلانا ⁉🙈🙈🙊
الديك قال ليهو: حرام عليك خجلتها نحن لسه مخطوبين 🐸💔💔😂🚶‍♀🐸

لما تقول كلمه حلوه لشخص زعلان ، لما تبتسم ابتسامه عفويه بدون تصنع لشخص متضايق ، لما تسأل عن شخص اهملوه كل الناس ، لما تدعي لشخص حياته كلها مشاكل ، لما تحاول تسمع لشخص ضاع بدآخله كلام كثير ومالقى اللي يسمع له ، لما توقف مع شخص الكل واقف ضده ، كذا انت تكون شخص مميز و تكون رآضي عن نفسك يعني انت متخيل ان هالأشياء البسيطه هي اللي ح تخلي الكل يتذكرك ويدعي لك بالخير
#خليك_انسان_جميل🎼♥️

بمثابة نجمة♥️! أو ربما هى النجوم بذاتها♥️! تلگ التى تشبه روحى تمامآ♥️! هى أنا بشگل أخر♥️💭 لا أعرف گيف أوصفها♥️♣️فقد لا أوفيها حقها♥️♠️ ويخوننى التعبير
#صديقتى♥️💙

حب الزول #البستحمل_طباااعك💜😍
#وقلة_اهتمامك _وجوووطتك_ونفسيتك
حب الزول #البقدر_ظرفك💛😍
حب الزول #البيتقبلك_ذي_ما_انت😍❤
ومابيزعل منك ولا يزعلك لانو #فآهممممك💙😍
حب الزول الما بخليك تندم على المبادرهه بالتواصل معاه 💖،،ردة فعلهه الحاااره،ضحكتهه البتجي من القلب...😍الما بحسسك انك تقيل عليه #نهااائيا✋
و الما #بعمل عليك مهم 😍🌸
والما بحس ب انو كلامو معاك #يفقده شئ

تعجبني فكرة أن يكون لك صديق الكتروني شخص في مكان ما من العالم تستطيع أن تشاركه آلامك ، أفراحك ، أحزانك ويتفاعل معك كأنه موجود بجوارك يعرف عنك كل تفاصيلك ، حتى تلك التي سقطت منك سهواً مع الأيام ،
ما عدا اسمك بالكامل .. مكان سكنك بالتحديد .. أين درست .. وغيرها من التفاصيل التى إذا انشغل بها ما كان له ان يتعرف على تفاصيلك الداخلية . غريباً هو ؛ يعرف إن كنت سعيد أو حزين فقط من خلال بضع كلمات ....🌸♥

#مسطول 😂 مشي يفحص 💉
#الدكتور قال ليهو عندك #فيروز في الرئة 😢 قال
#للدكتور حلو فتش تاني يمكن تلقا # الدولية في الكبد 💘
#😂😂😂😂😂😂😂😂😂